Nehemi 2:20 - Maktub gə́ To gə Kəmee

²⁰ Bèe ɓa m’tel gə ta nee m’ila dee keneŋ m’pana: Ala gə́ to Mbai dɔ dara lé a kar sí n’teḛje kɔr ya. Jeḛ gə́ n’toje kuraje ləa j’a kḭje gə mba kunda ndògo-bɔrɔ lé. Nɛ seḭ lé dəb loo ka̰ sí əsé né gə́ wɔji dɔ sí əsé nékolé-mee gə́ ka̰ sí godo mee ɓee gə́ Jerusalem lé tɔ.

Nehemi 2:20 ပူးပေါင်းရင်းမြစ်များ

2 Sôrta Gḭka Israɛlje 26:5

Yeḛ ula rəa ndubu ndolè ne goo Ala, loo gə́ Jakari yeḛ gə́ to njégər goso némḭdije lə Ala si ne kəmba ɓəi lé. Mee ləbje gə́ yeḛ ndolè ne goo Njesigənea̰ lé Ala aree si dan maji’g tɔ.

Esdras 4:3

Nɛ Jorobabel gə Juje gə mbai dɔ gel-bɔje lə Israɛlje gə́ nai lé tel d’ila dee keneŋ pana: Jeḛ sə síje j’a kasjekəm kɔrè na̰ mba ra kəi-Ala lə sí el. Jeḛ nja gə kar sí ba j’a ra kəi neelé kar Njesigənea̰ Ala lə Israɛlje to gə́ Sirus, mbai gə́ Persə un ne ndia ar sí lé ya.

Nehemi 1:4

Loo gə́ m’oo ta néje neelé ndá m’wa naŋg rəb, m’no̰ ləm, m’wa ndòo as ndɔje bula ləm tɔ. M’ɔg məəm ɓó ləm, m’ra tamaji ta Ala gə́ to mbai dɔ dara ləm tɔ,

Nehemi 2:4

Bèe ɓa mbai lé dəjim pana: See ɗi ɓa ma m’ndigi wa. M’ra tamaji ta Ala gə́ to mbai dɔ dara lé ndá

Este 4:11

Kuraje lə mbai lai gə koso-dəwje gə́ mee dəb ɓeeko̰je’g lə mbai lai lé gər gao to gə́ godndu to keneŋ gə́ pa pana: Nana ɓa diŋgam əsé dené gə́ aw rɔ mbai’g mee gadloo gə́ to mee kəi’g ləa lal karee ɓaree ndá debee neelé d’a tɔlee gə́ tɔl ya. Nɛ yeḛ gə́ mbai un kag-larlɔr ula wɔji gə́ dəa ya kára ba ɓa a si kəmba ya. Nɛ neḛ lé as ndɔ rɔ-munda ɓasinè deḛ ɓar neḛ rɔ mbai’g el tɔ.

Pakɔsje 102:17

Tɔgərɔ ya, Njesigənea̰ lé a tel kunda Sio̰ lé tar gogo ya, Yeḛ a riba dɔ rɔnduba ləa gə́ raga.

Pakɔsje 122:6

Dəjije gə mba kar Jerusalem si dan meelɔm’g Maji kar deḛ gə́ d’undai dan kəm dee’g lé D’isi dan meelɔm’g tɔ.

Pakɔsje 20:5

Né gə́ məəi ndigi ləm, gə néje gə́ i wɔji-kwɔji ra ləm tɔ lé Maji karee tɔl təa bém ari ya.

Pakɔsje 35:27

Deḛ lai gə́ d’al rɔ dee mbata ta wa dɔm el lé Maji kar dee d’iŋga rɔlel gə boo-rɔkal ləm, Maji kar dee pa lal kila ta dee naŋg pana: Maji kula rɔnduba dɔ Njesigənea̰’d Gə́ ndigi kar kura ləa si dan meelɔm’g lé.

Pakɔsje 51:18

Ɓó lé i ndigi kam m’inja nékinjanéməsje m’ari ndá M’a kinja kari ya, Nɛ nékinjanéməsje gə́ roo lé taa kəmi el.

Teḛ-Raga 28:29

Loo gə́ Aaro̰ a kandə loo gə́ to gə kəmee’g ndá yeḛ a kodo ne ri Israɛlje gə́ diŋgam dɔɓəŋgəree’g, ri dee gə́ d’inja dɔ ɓɔl kubu gə́ tɔ kaar dee’g gə́ ka̰ gaŋg rəwta’g lé, a ra togə́bè mba karee to ne nékolé mee no̰ Njesigənea̰’g ta-ta.

Njekillamber 7:18

To maji kar sí waje ta gə́ kára neelé kɔgərɔ Lal kya̰ goo yee gə́ kára neelé yɔgɔ tɔ. Mbata yeḛ gə́ ɓəl Ala ndá A teḛ ta néje’g neelé lai ya.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Ləbije 2:2

Yeḛ a kaw ne rɔ njékinjanéməsje gə́ to ŋgalə Aaro̰ ndá njekinjanéməs lé a kɔr nduji gə́ ndá léréré gə́ saga ubu dɔ’g neelé, gə né gə́ ə̰də sululu lé bura ya ləm tɔ as ŋgo ji dəw kára ndá yeḛ a rée loo-nékinjaməs’g asəna gə nékolé-mee bèe. To nékar Ala gə́ baḭyee ə̰də lel Njesigənea̰ ya.

Ləbije 24:7

I a kɔm bodé kag gə́ ə̰də sululu dɔ loo ndureje’g ndá gée gə́ gogo d’a roo bodé kag neelé tor mbəje’g ləm tɔ.

Jakari 6:14

Dɔguguje d’a to mbata lə Helem gə Tobija gə Jedaeja ləm, mbata lə Hḛ, ŋgolə Soponi ləm tɔ asəna gə nékolé-mee dɔ’g mee kəi’g lə Njesigənea̰.

Bula lə Israɛlje 10:10

Mee ndɔje lə sí gə́ ka̰ kalrɔ ləm, mee ndɔje lə sí gə́ ka̰ ra naḭ ləma, gə mee ndɔje lə sí gə́ ka̰ ra naḭ gə́ teḛ sigi ləm tɔ lé seḭ a kimje to̰to̰je loo gə́ seḭ injaje nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d sad ləm tɔ ndá néje neelé a kar mee Ala lə sí olé ne dɔ sí’g. Ma m’to Njesigənea̰, Ala lə sí ya.

Néra Njékaḭkulaje 10:31

Kɔrnəi, tamaji gə́ ma m’ra lé taa né am ya ar mee Ala to dɔ nojikwam’g bururu.

Néra Njékaḭkulaje 10:4

Yeḛ aa kəm dəw gə́ dara neelé gəl-gəl ləm, ɓəl undá badə gaŋgee ləm tɔ aree tel pana: Mbaidɔmbaije ban ŋga nee wa. Kura lə Ala gə́ dara tel ilá keneŋ pana: Tamaji gə́ i ra ləm, gə nojikwa ləi ləm tɔ uru loo teḛ no̰ Ala’g, yee ɓa ar mée olé ne dɔi’g gə mbəa ya.

Néra Njékaḭkulaje 8:21

Siŋgamoŋ neelé yeḛ gə́ tḛ́-tḛ́ bèe ya a kuba jii ndag el, mbata i nda məəi gə Ala el.