Nehemi 2:14 - Maktub gə́ To gə Kəmee

¹⁴ Ma m’dəs mbɔr tarəwɓee gə́ ria lə Kəm-rəw-mán ləm, gə duu-mán lə mbai ləm tɔ ndá lé neelé loo gə́ kəm kam m’dəs keneŋ gə mulayḛ̀je gə́ m’ubá lé godo.

Nehemi 2:14 ပူးပေါင်းရင်းမြစ်များ

2 Mbaije 18:17

Mbai gə́ Asiri ula Tarta̰, gə Rab-Saris, gə Rabsake, ar dee d’ḭ Lakis gə bao-rɔje bula gə mba kaw rɔ ne gə mbai Ejekias lé ndá deḛ teḛ Jerusalem. Loo gə́ deḛ teḛ keneŋ mba̰ ndá d’aar naŋg mbɔr bwa kəm-rəw-mán gə́ to loo ŋgəm mán gə́ to dɔ maree’g, bwa kəm-rəw-mán neelé to rəw ndɔ’g lə njetogo kubu karee ndá kələw-kələw.

2 Mbaije 20:20

Ges sorta néraje lə Ejekias gə nésiŋgamoŋje lai gə́ yeḛ ra gə duu-mán gə bwa kəm-rəw-mán gə́ ar mán aw ne mee ɓee-boo’g, yee neelé ndaŋg taree mee Maktub-sorta néraje’g lə mbaije gə́ Juda el wa.

2 Sôrta Gḭka Israɛlje 32:30

Ejekias nee ya to yeḛ gə́ udu kəm-rəw-mán gə́ tar gə́ ria lə Giho̰ ndá ar mán lé tel ula par gə́ dɔ-gó lə ɓee-boo lə Dabid. Ejekias teḛkɔr dɔ néje lai gə́ yeḛ ra’g.

Nehemi 12:37

Loo gə́ deḛ teḛ tarəwkɔg’d gə́ ria lə Kəm-rəw-mán ndá deḛ d’aw d’wɔji dɔ dee njoroŋ loo-kuba-ɗao-ɗao gə́ wɔji dɔ ɓee lə Dabid par gə́ loo gə́ ndògo-bɔrɔ ŋgal keneŋ unda kəi lə Dabid saar teḛ ne tarəwkɔg gə́ ria lə Manje gə́ to par gə́ bər lé.

Nehemi 3:15

Salṵ, ŋgolə Kol-Hojé, mbai dɔ dəb ɓee gə́ ria lə Mispa gɔl tarəwɓee gə́ ria lə Kəm-rəw-mán. Yeḛ unda tarəwɓee lé ləm, tula tabidi-kəije gə pəgərəje gə kageeje keneŋ ləm tɔ. Tɔɓəi yeḛ unda ndògo-bɔrɔ kəm duu-mán gə́ Siloe gə́ to mbɔr loo-kamnaḭ’g lə mbai saar teḛ ne loo tuga ɗao-ɗao gə́ suru ɗum par gə́ ɓee-boo’g lə Dabid.

Nehemi 3:16

Gée-yeḛ’g lé Nehemi, ŋgolə Ajbuk, mbai dɔ ges dəb ɓee gə́ Bet-Sur ra kula gɔl ndògo-bɔrɔ keneŋ teḛ ne loo gə́ wɔji dɔ dɔɓarje lə Dabid njoroŋ saar teḛ ne ta bwa-mán gə́ d’ṵja kédé saar teḛ ne takəi’d gə́ njeboo-néje.

Njekillamber 2:6

Ma m’ra kəm-rəw-manje mba kar mán ula keneŋ ɔm gel kagje’g kar dee tɔg ne.