Nehemi 2:13 - Maktub gə́ To gə Kəmee

¹³ M’teḛ loondul’g gə tarəwɓee gə́ ria lə Wəl-loo ləm, ma m’aw m’wɔji dɔ kəm-rəw-mán gə́ ria lə Da-kɔb ləma, gə tarəwɓee gə́ ria lə Ɓiri-ɓisi ləm tɔ ndá m’tən ndògo-bɔrɔ gə́ Jerusalem gə́ təd lé soo-soo ləm, m’la̰ji ta lə tarəbeeje gə́ pər o̰ lé məəm’g ləm tɔ.

Nehemi 2:13 ပူးပေါင်းရင်းမြစ်များ

2 Sôrta Gḭka Israɛlje 26:9

Ojias ra kəije gə́ duu dɔ loo mee ɓee gə́ Jerusalem dɔ tarəw gə́ ria lə Dɔkumloo ləm, gə dɔ tarəw ɓee gə́ ria lə Wəl-loo ləma, gə dɔ ndògo-bɔrɔ gə́ ɔr suna ləm tɔ ar njérɔje d’isi keneŋ.

Nehemi 1:3

Deḛ tel d’ilam keneŋ pana: Ges deḛje gə́ nai gə́ d’wa dee gə́ ɓərje el lé d’isi dəb ɓeeko̰je’g Juda dan némeekonje gə́ al dɔ loo sula ləm, gə dan boo-rɔkul’g ləm tɔ, ndògo-bɔrɔ gə́ Jerusalem təd ləm, tarəwkɔgje ləa kara pər o̰ ləm tɔ.

Nehemi 12:31

Ma m’ar mbai dɔ Judaje-je d’uba dɔ ndògo-bɔrɔ ndá m’kai koso baopaje lé kudu joo. Deḛ gə́ dɔtar njaa dɔ ndògo-bɔrɔ’g par gə́ dɔ jikɔl, par gə́ tarəwɓee’g gə́ ria lə Ɓiri-ɓisi.

Nehemi 2:12

Tɔɓəi m’ḭ loondul’g gə dəwje gə́ na̰je nɛ m’ula dəw kára kara né gə́ Ala ra dɔɓəŋgərəm’g gə mba k’am m’ra mbata lə Jerusalem lé el. M’aw gə mulayḛ̀je gə́ raŋg el nɛ kama gə́ m’ubá ba ya.

Nehemi 2:15

Ma m’aw loondul’g ya gə kəm wəl-mán ndá m’tən ndògo-bɔrɔ lé soo-soo ya tɔɓəi. Tɔɓəi m’tel gə tarəwɓee gə́ ria lə Wəl-loo ɓa m’teḛ ne kəi.

Nehemi 2:17

Yen ŋga m’ula dee m’pana: Seḭ ooje kəmtondoo gə́ j’isi danee’g gaw ya. Jerusalem tuji ləm, pər o̰ tarəwkɔgje ləa ləm tɔ. Gə́ reeje ar sí j’undaje ndògo-bɔrɔ gə́ Jerusalem lé gogo, bèe ɓa rɔ sí a kul ne el tɔ.

Nehemi 2:3

Ndá m’tel m’ila mbai’g lé m’pana: Maji kar mbai si kəmba saar-saar gə no̰ ya. Loo gə́ ɓee-boo gə́ dɔɓar bɔmje-je to keneŋ lé tuji ləm, pər o̰ tarəwkɔgje ləa ləm tɔ ŋga see kəm a to ndòo el ba̰ ɓəi wa.

Jeremi 5:10

Ubaje dɔ ndògo-bɔrɔje ləa gə́ tar Ndá tujije loo, Nɛ tuji deeje lai el! Tɔrje barkəm nduúje ləa Gə́ to ka̰ Njesigənea̰ el lé!