Nehemi 13:5 - Maktub gə́ To gə Kəmee

⁵ ndá yeḛ unda kəi gə́ boi gə kəmee mbata lə Tobija, to kəi gə́ kédé d’unda nékarje gə́ to nduji ləm, gə néje gə́ ə̰də sululu ləm, gə nékulaje ləma, gə ta néje gə́ kun kára mee njé gə́ dɔg’d gə́ to kó gə mán-nduú gə ubu ləm tɔ keneŋ. Yee ɓa to né gə́ d’un gə goo godndu d’ar Ləbije ləm, gə njékɔspaje gə njéŋgəm takəije ləma, gə né gə́ d’ɔr dan mareeje’g mbata lə njékinjanéməsje ləm tɔ.

Nehemi 13:5 ပူးပေါင်းရင်းမြစ်များ

2 Sôrta Gḭka Israɛlje 31:11

Ejekias un ndia gə mba kar dee gɔl ŋgan kəije mee kəi’g lə Njesigənea̰ ndá deḛ gɔl dee ya tɔ.

2 Sôrta Gḭka Israɛlje 34:11

gə́ to njékḭja kagje gə njékṵda kəije ləm, gə mba ndogo ne mbalje gə́ tɔl dee gə kagje gə́ to gə́ kunda kagje, gə kag dɔ kəije gə́ mbaije gə́ Juda d’ya̰ d’ar dee tuji kédé lé tɔ.

Nehemi 10:36

Gə ləbje kára-kára lai lé jeḛ j’wɔjije mba kaw gə dɔ koje lə sí gə́ dɔtar gə́ j’iŋgaje dɔ naŋg’d lə sí ləm, gə kandə kagje gə́ doŋgɔr lai ləm tɔ mee kəi’g lə Njesigənea̰.

Nehemi 10:37

Ŋgandər síje gə́ diŋgam, gə ŋgandər maŋgje gə badje lə sí lé j’a reeje sə dee mee kəi-Ala’g lə sí kar njékinjanéməsje gə́ ra kula mee kəi’g lə Ala lə sí to gə́ deḛ ndaŋg ne taree mee maktub’g lé ya.

Nehemi 10:38

Nduji kó gə́ doŋgɔr ləm, gə nékarje ləm, gə kandə kagje lə sí lai ləm, gə mán-nduú gə́ kul ləma, gə ubu ləm tɔ lé j’a reeje ne kar njékinjanéməsje mee ŋgan kəije gə́ to mee kəi’g lə Ala lə sí. J’a reeje gə ta néje gə́ dɔ naŋg lə sí gə́ dɔg gə́ kəm kun təa kára-kára lé kar Ləbije mbata deḛ ɓa to njétaa ta néje mee ɓeeje lai gə́ jeḛ ndɔje-ndɔ keneŋ lé.

Nehemi 12:44

Mee ndəa’g neelé deḛ d’unda dəwje gə́ njékaa dɔ kəije gə́ to kəi-ŋgəm-nékarje ləm, gə kandə néje gə́ doŋgɔr ləma, gə néje gə́ kun kára mee njé gə́ dɔg’d ləm tɔ. Deḛ d’unda dee mba kar dee taa ta néje gə́ mee ndɔje gə́ gugu gir ɓee-booje to gə́ godndu wɔji mbata lə njékinjanéməsje ləm, gə Ləbije ləm tɔ lé. Mbata njé gə́ Juda d’al rɔ dee gə mba njékinjanéməsje gə Ləbije gə́ d’aar loo-kula’g lə dee

Nehemi 13:7

Loo gə́ rudu ləb teḛ ndá ma m’dəji mbai m’aree ya̰ loo am m’tel m’aw Jerusalem. Bèe ɓa m’oo némajel gə́ Eliasib ra loo gə́ yeḛ unda ŋgon kəi mee gadloo gə́ wɔji dɔ kəi-Ala ar Tobija lé.

Ejekel 40:38

Ŋgon kəi kára təa to wɔji dɔ kag-tabidi-rəwkəije, lé neelé ɓa to loo-togo nékinjanéməsje gə́ ka̰ roo keneŋ.