Nehemi 13:31 - Maktub gə́ To gə Kəmee

³¹ M’tel m’gɔl dɔ ta gə́ wɔji dɔ nékarje gə́ to kir gə́ d’a kar mee ndəa gə́ d’wɔji ləm, gə dɔ dɔmaḭ-koje gə́ doŋgɔr kara bèe ləm tɔ. Ǝi Ala ləm, maji kari ar məəi olé dɔm’d gə́ majee ya kari.

Nehemi 13:31 ပူးပေါင်းရင်းမြစ်များ

Nehemi 10:34

gə mba kiŋga ne pil muruje gə́ gə kəmee ləm, gə mba nékarje gə́ to nduji gə́ ka̰ ra ta-ta ləm, gə mba nékinjanéməsje gə́ ka̰ roo gə́ ra ta-ta gə́ wɔji dɔ ndɔ-kwa-rɔ gə naḭje gə́ teḛ sigi gə naḭje ləm, gə mba néje gə́ ka̰ kunda dee gə kəmee ləm, gə mba nékinjanéməsje gə́ wɔji dɔ kuga dɔ kaiya mbata lə Israɛlje ləma, gə mba néje lai gə́ kəm ra mee kəi’g lə Ala lə sí ləm tɔ.

Nehemi 10:35

Jeḛ gə́ n’toje njékinjanéməsje gə Ləbije gə koso-dəwje lé jeḛ n’raje né asəna gə téḛ bèe mba kɔr ne kəm dəwje gə goo gel-bɔje lə bɔ síje-je mba kar mee ləbje kára-kára lai lé d’a ree gə nékarje gə́ to kir mee kəi’g lə Ala lə sí gə ndəaje gə́ d’wɔji njaŋg gə mba roo dɔ loo-nékinjaməs’g lə Njesigənea̰, Ala lə sí to gə́ deḛ ndaŋg ne taree mee maktub godndu’g lé tɔ.

Nehemi 10:38

Nduji kó gə́ doŋgɔr ləm, gə nékarje ləm, gə kandə kagje lə sí lai ləm, gə mán-nduú gə́ kul ləma, gə ubu ləm tɔ lé j’a reeje ne kar njékinjanéməsje mee ŋgan kəije gə́ to mee kəi’g lə Ala lə sí. J’a reeje gə ta néje gə́ dɔ naŋg lə sí gə́ dɔg gə́ kəm kun təa kára-kára lé kar Ləbije mbata deḛ ɓa to njétaa ta néje mee ɓeeje lai gə́ jeḛ ndɔje-ndɔ keneŋ lé.

Nehemi 13:14

Ǝi Ala ləm, maji kari ar məəi olé dɔm’g mbata né neelé ndá ar məəi wəi dɔ néramje gə́ m’ra gə ŋgonkoji wɔji dɔ kəi-Ala ləm ləm, gə néje gə́ kəm kaa dɔ dee kər-kər lé ləm tɔ.

Nehemi 13:22

Ləbije kara m’un ndum mba kar dee d’ɔr won rɔ dee ləm, gə mba kar dee ŋgəm tarəwkɔgje mba kunda ndɔ-kwa-rɔ lé gə kəmee doi ləm tɔ.

Nehemi 5:19

Ǝi Ala ləm, maji kari ar məəi olé dɔm’d gə́ majee ya mbata néje lai gə́ m’ra mbata lə koso-dəwje neelé.

Pakɔsje 106:4

Njesigənea̰, maji kari ar məəi olé dɔm’g Ra ne meemaji gə koso-dəwje ləi lé ya. Ar məəi olé dɔm’g la ne sə dee ya tɔ.

Pakɔsje 25:7

Néramje gə́ to gə goo rəbee el loo gə́ m’nai ne basa ɓəi lé Esé néra kori-korije ləm kara Ar məəi olé teḛ dɔ’g el. Ǝi Njesigənea̰, ar məəi olé teḛ dɔm’g gə goo meekɔrjol ləi ləm, Gə goo meemaji ləi ləm tɔ.

Lugu 23:42

Tɔɓəi yeḛ tel təa ula Jeju pana: Loo gə́ i a gə teḛ mee ɓeeko̰’g ləi ndá ar məəi olé dɔm’g ya kari.