Nehemi 13:30 - Maktub gə́ To gə Kəmee

³⁰ Togə́bè ɓa m’ɔr ne dəwje lai gə́ dɔɓee’g mbuna dee’g ndá m’tel m’ɔm godndu gə́ wɔji dɔ njékinjanéməsje gə Ləbije mba kar dee ra lé ji dee’g mba kar nana kara tɔs kəmee dɔ kula’g ləa-ləa.

Nehemi 13:30 ပူးပေါင်းရင်းမြစ်များ

2 Sôrta Gḭka Israɛlje 13:10

Nɛ jeḛ lé Njesigənea̰ gə́ to Ala lə sí lé jeḛ j’ubá j’yá̰ el, njékinjanéməsje gə́ ra kula lə dee no̰ Njesigənea̰’g, deḛ gə́ to ŋgalə Aaro̰ gə Ləbije lé deḛ ra kula gə́ wɔji dɔ dee dɔ dee ya.

Nehemi 10:30

Deḛ d’ɔm na̰’d gə ŋgako̰ deeje gə́ to dəwje gə́ boo gə́ d’ur dɔ mar deeje mbuna dee’g ndá deḛ d’un ndu dee gə manrɔ gə rɔkubu mba njaa gə goo godndu Ala gə́ Moyis, kura lə Ala ar dee gə mba kaa dəa kər-kər ləm, gə mba ra néje lai gə́ godndu Njesigənea̰, Mbaidɔmbaije lé pa ləma, gə ndukunje gə godndiaje ləm tɔ.

Nehemi 12:30

Njékinjanéməsje gə Ləbije togo won rɔ dee-deḛ nja ləm, d’ɔr won koso-dəwje gə tarəwkɔgje gə ndògo-bɔrɔ ləm tɔ.