Nehemi 13:22 - Maktub gə́ To gə Kəmee

²² Ləbije kara m’un ndum mba kar dee d’ɔr won rɔ dee ləm, gə mba kar dee ŋgəm tarəwkɔgje mba kunda ndɔ-kwa-rɔ lé gə kəmee doi ləm tɔ.

Nehemi 13:22 ပူးပေါင်းရင်းမြစ်များ

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

2 Mbaije 23:4

Mbai un ndia ar Hilkija, ŋgɔ-njekinjanéməs ləm, gə njékinjanéməsje gə́ njéla səaje ləma, gə njéŋgəm takəije ləm tɔ gə mba kar dee teḛ gə néje gə́ to mee kəi’g lə Njesigənea̰ gə́ deḛ ra mbata lə magə-Baal ləm, gə mbata lə magə-Astarté ləma, gə mbata lə boo-néje lai gə́ dara ləm tɔ ndá yeḛ aw roo dee gir ɓee gə́ Jerusalem mee wəl-loo gə́ Sedro̰ tɔɓəi yeḛ ar dee d’odo bu dee d’aw ne d’aw d’ɔm Betel tɔ.

2 Sôrta Gḭka Israɛlje 29:24

Njékinjanéməsje tḭja gwɔb dee ndá taa məs dee d’aw tər gɔl loo-nékinjaməs’g mba kuga ne dɔ kaiyaje lə Israɛlje lai, mbata mbai lé un ndia ar dee d’inja ne nékinjaməs gə́ ka̰ roo ləm, gə nékinjaməs gə́ ka̰ kuga dɔ kaiya ləm tɔ mbata lə Israɛlje lai ya.

2 Sôrta Gḭka Israɛlje 29:27

Ejekias un ndia mba kar dee d’inja nékinjaməs gə́ ka̰ roo dɔ loo-nékinjaməs’g, loo gə́ d’un kudu roo né ndá léegəneeya d’un kudu kɔs pa lə Njesigənea̰ to gə ndu to̰to̰je ləm, gə ndu nékimje gə́ Dabid gə́ to mbai lə Israɛlje kédé lé ar dee ra ləm tɔ.

2 Sôrta Gḭka Israɛlje 29:30

Yen ŋga mbai Ejekias gə ŋgan-mbaije d’un ndu dee d’ar Ləbije mba kar dee pidi Njesigənea̰ gə paje lə Dabid, gə ka̰ Asap, njetegginta lé, ndá deḛ pidee gə boo-rɔkal ləm, d’ɔs kəji dee naŋg d’unda barmba ləm tɔ.

Nehemi 12:10

Juje oji Jojakim ləm, Jojakim oji Eliasib ləm, Eliasib oji Jojada ləm,

Nehemi 12:30

Njékinjanéməsje gə Ləbije togo won rɔ dee-deḛ nja ləm, d’ɔr won koso-dəwje gə tarəwkɔgje gə ndògo-bɔrɔ ləm tɔ.

Nehemi 13:14

Ǝi Ala ləm, maji kari ar məəi olé dɔm’g mbata né neelé ndá ar məəi wəi dɔ néramje gə́ m’ra gə ŋgonkoji wɔji dɔ kəi-Ala ləm ləm, gə néje gə́ kəm kaa dɔ dee kər-kər lé ləm tɔ.

Nehemi 13:31

M’tel m’gɔl dɔ ta gə́ wɔji dɔ nékarje gə́ to kir gə́ d’a kar mee ndəa gə́ d’wɔji ləm, gə dɔ dɔmaḭ-koje gə́ doŋgɔr kara bèe ləm tɔ. Ǝi Ala ləm, maji kari ar məəi olé dɔm’d gə́ majee ya kari.

Nehemi 5:19

Ǝi Ala ləm, maji kari ar məəi olé dɔm’d gə́ majee ya mbata néje lai gə́ m’ra mbata lə koso-dəwje neelé.

Pakɔsje 130:7

Seḭ Israɛlje, maji kar sí undaje meḛ sí yel gə́ dɔ Njesigənea̰’g ya. Mbata meekoso lemsé to gə́ rɔ Njesigənea̰’g ləm, Nékoga dɔ dəwje taa rəa pəl-pəl ləm tɔ.

Pakɔsje 5:7

I ar njétaŋgɔmje d’udu bo̰. Dəwje lai gə́ d’ila məs ləm, Gə deḛ gə́ to gə́ njékərgosoje ləm tɔ lé I Njesigənea̰ ə̰ji dee bəḭ-bəḭ ya.

Pakɔsje 51:1

Pa lə Dabid gə́ ar bao-pa mba karee ɔs sə dee lé.

Esai 38:3

Ǝi Njesigənea̰, ar məəi olé dɔm’g to gə́ ma m’njaa nɔḭ’g gə ŋgonkoji gə meekarabasur ləm, m’ra néje gə́ maji kəmi’g ya ləm tɔ! Ndá Ejekias no̰ gə mán-no̰ kəmee’g ɓugudu-ɓugudu.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Tel tura Godndu 5:12

Ndɔ-kwa-rɔ lé ar məəi to dɔ’g bururu gə mba kunda gə kəmee to gə́ Ala ləi gə́ Njesigənea̰ un ne ndia ar sí lé.