Nehemi 13:17 - Maktub gə́ To gə Kəmee

¹⁷ Ma m’ndaŋg dəwje gə́ boo gə́ Juda m’pa ne sə dee m’pana: Némajel gə́ seḭ raje ilaje ne ndɔl dɔ ndɔ-kwa-rɔ’g togə́bè lé see gelee to ɗi wa.

Nehemi 13:17 ပူးပေါင်းရင်းမြစ်များ

Nehemi 13:11

Ma m’ndaŋg njéko̰ɓeeje m’pana: See gelee ban ɓa d’uba kəi-Ala d’ya̰ wa. Yee ɓa m’tel mbo̰ Ləbije gə njékɔspaje m’ɔm dee loo-kula’g lə dee gogo.

Nehemi 13:16

Njé gə́ Tir gə́ d’isi Jerusalem kara ree gə ka̰jije gə néje lai gə́ to néndogoje ndá d’ar Judaje ndogo sə dee néje neelé gə ndɔ-kwa-rɔ.

Nehemi 13:25

Ma m’ndaŋg dee ləm, m’ila ndɔl dɔ dee’g ləm, m’kunda njé gə́ na̰je bula mbuna dee’g ləma, m’tɔr yiŋga dɔ dee ləm tɔ ndá m’ar dee manrɔ dee gə ri Ala m’pana: Seḭ a karje ŋgan síje gə́ dené taa ŋgan deeje gə́ diŋgam el ləm, seḭ a taaje ŋgan deeje gə́ dené karje ŋgan síje gə́ diŋgam el ləma, seḭ kara a taa deeje el ləm tɔ.

Nehemi 5:7

Ma m’wɔji məəm’g mba ndaŋg dəwje gə́ boo ləm, gə njéko̰ɓeeje ləm tɔ ndá m’dəji dee m’pana: Ta ɗi ɓa togə́bè wa! Seḭ arje ŋgako̰ síje tona sí né ndá seḭ tel taaje manee dɔ’g wa. Bèe ɓa ma mbo̰ koso-dəwje dɔ na̰’d mbata ta neelé.

Gosota-Kəmkàrje 28:4

Deḛ gə́ d’uba godndu d’ya̰ lé Pidi njemeeyèr gə́ pidi, Nɛ deḛ gə́ d’aa dɔ godndu kər-kər lé D’ar meḛ dee o̰ dee dəa’g.

Esai 1:10

Seḭ mbaije gə́ néra sí Wa bwà ka̰ njé gə́ Sɔdɔm lé Ooje ta lə Njesigənea̰! Seḭ koso-dəwje gə́ néra sí Wa bwà ka̰ njé gə́ Gɔmɔr lé Urje mbi sí dɔ godndu Ala’g lə sí!

Jeremi 13:18

Ula mbai gə kea̰je pana: Rəmje síje naŋg Mbata dɔgugu-mbai gə́ to néɗɔi-rɔ sí lé oso naŋg.

Jeremi 5:5

M’a kaw rɔ dəwje gə́ boo-boo’g Ndá m’a kula dee ta, Mbata deḛ lé gər rəw lə Njesigənea̰ ləm, Gə torndu Ala lə dee ləm tɔ. Nɛ deḛ lai kara təd néməməna̰ gwɔs dee’g ləm, Deḛ gaŋg kúla rɔ dee’g ləm tɔ.

Ejekel 20:13

Nɛ gel-bɔje lə Israɛl d’ḭ sə neḛ d’ɔs ta lə neḛ rəw dɔdilaloo’g. Deḛ d’un goo godnduje lə neḛ el ləm, d’uba ndukunje lə neḛ gə́ dəw ra née ndá a si ne kəmba lé d’ya̰ ləma, deḛ d’ula sul dɔ ndɔ-kwa-rɔje’g lə neḛ ləm tɔ. Bèe ɓa neḛ n’wɔji mba ɓugu boo-oŋg lə neḛ dɔ dee’g dɔdilaloo’g kar dee d’udu guduru tɔ.

Ləbije 19:17

Seḭ a kwaje ŋgako̰ síje gə meḛ sí el, lé riri kara seḭ a ndaŋgje mar síje dɔ néra deeje’g, nɛ seḭ a karje ta kaiya wa dɔ sí gə mba dee el.

Misee 3:1

Ma m’pana: Ooje ta nee, seḭ mbai dɔ ŋgaka Jakobje lé Seḭ njéko̰ɓeeje gə́ Israɛl! See to ta lə sí-seḭ ya Gə mba kar sí gərje né gə́ gə dɔ najee lé el wa.

Misee 3:9

Ooje ta nee ɓa, Seḭ mbai dɔ ŋgaka Jakobje ləm, Seḭ njéko̰ɓeeje gə́ Israɛl ləm tɔ lé Seḭ gə́ ə̰jije néra gə́ gə dɔ najee bəḭ-bəḭ ləm, Gə arje né gə́ danasur tel to né gə́ ndɔji pɔdɔdɔ ləm tɔ.