Nehemi 13:10 - Maktub gə́ To gə Kəmee

¹⁰ Ma m’oo né gə́ raŋg ya tɔɓəi, to gə́ néje gə́ wɔji dɔ Ləbije lé d’ar dee el ndá ar Ləbije gə njékɔspaje gə́ ra kula lé d’aḭ ar nana kara aw dɔ naŋg’d ləa-ləa.

Nehemi 13:10 ပူးပေါင်းရင်းမြစ်များ

2 Sôrta Gḭka Israɛlje 31:4

Tɔɓəi yeḛ un ndia ar koso-dəwje gə́ d’isi Jerusalem mba kar dee d’aa dɔ godndu Njesigənea̰ gə ŋgonkoji tɔ.

Nehemi 10:37

Ŋgandər síje gə́ diŋgam, gə ŋgandər maŋgje gə badje lə sí lé j’a reeje sə dee mee kəi-Ala’g lə sí kar njékinjanéməsje gə́ ra kula mee kəi’g lə Ala lə sí to gə́ deḛ ndaŋg ne taree mee maktub’g lé ya.

Nehemi 10:39

Njekinjanéməs gə́ to ŋgoka Aaro̰ lé a kaar gə Ləbije na̰’d loo gə́ d’a taa né kára gə́ kun mee yee gə́ dɔg’d ndá deḛ Ləbije d’a ree gə ta né gə́ kára gə́ kun mee yee gə́ dɔg’d gə́ to nékar gə́ d’iŋga lé mee kəi’g lə Ala lə sí, mee ŋgan kəije gə́ to kəi-nébao lə Ala lə sí lé.

Nehemi 12:47

Mee ndəa’g lə Jorobabel gə Nehemi lé Israɛlje lai d’un ta néje lə dee d’ar njékɔspaje ləm, gə d’ar njéŋgəm takəije ləm tɔ gə ndɔ dee ndɔ dee. Deḛ d’ar Ləbije néje gə́ d’unda gə kəmee ndá Ləbije d’ar ŋgaka Aaro̰ néje gə́ d’unda gə kəmee lé tɔ.

Esai 43:23

Seḭ amje badje gə́ nékinjaməs gə́ ka̰ roo el ləm, Seḭ ulaje rɔnduba dɔm’g gə nékinjanéməsje lə sí el ləm tɔ. Ma lé m’jɔg sí mbata lə nékarje gə́ to nduji lé el ləm, Ma m’ar sí daoje gə mbata né gə́ ə̰də sululu el ləm tɔ.

Malasi 3:8

See dəw a su kəm Ala wa. Mbata seḭ suje kəm ya. Nɛ seḭ pajena: See loo gə́ ra ɓa seḭ suje kəm keneŋ wa. To loo gə́ néje lə sí dɔg ɓa kəm kar sí unje təa kára arje Ala ləm, gə loo kar nékarje ləm tɔ.

Bula lə Israɛlje 35:2

Un ndui ar Israɛlje mba kar dee d’ɔr kəm ɓee-booje mbuna dɔ naŋgje’g lə deḛ gə́ d’a gə kiŋga gə́ ka̰ dee-deḛ lé d’ar Ləbije d’isi keneŋ. Seḭ a karje Ləbije loo gə́ gugu dɔ ɓee-booje neelé gə́ ka̰ dee tɔ.

Tel tura Godndu 12:19

Gə ləbje lai gə́ seḭ a gə síje ne kəmba mee ɓee’g lə sí lé meḛ sí dɔ rɔ sí’g nà a kya̰je goo Ləbije.