Nehemi 12:46 - Maktub gə́ To gə Kəmee

⁴⁶ Mbata kédé gə́ mee ndəa’g lə Dabid gə Asap lé bao-paje d’isi keneŋ mba kɔs pa pidije ləm, gə paje gə́ ka̰ ra Ala oiyo kar ria ɓar ne ləm tɔ.

Nehemi 12:46 ပူးပေါင်းရင်းမြစ်များ

1 Sôrta Gḭka-Israɛlje 9:33

Deḛje neelé ɓa to njékɔspaje gə́ to mbai dɔ gel-bɔje lə Ləbije gə́ d’isi ŋgan kəije’g lé d’ɔm kulaje gə́ raŋg kára kara dɔ dee’g el mbata deḛ ra kula lə dee dan kàrá gə loondul’g tɔ.

2 Sôrta Gḭka Israɛlje 29:30

Yen ŋga mbai Ejekias gə ŋgan-mbaije d’un ndu dee d’ar Ləbije mba kar dee pidi Njesigənea̰ gə paje lə Dabid, gə ka̰ Asap, njetegginta lé, ndá deḛ pidee gə boo-rɔkal ləm, d’ɔs kəji dee naŋg d’unda barmba ləm tɔ.

Nehemi 11:17

gə Matania, ŋgolə Mise gə́ to ŋgolə Jabdi gə́ to ŋgolə Asap to njekun dɔ pa pidije loo-ra-tamaji’g ləm, gə Bakbukia yeḛ gə́ njekɔm’g joo mbuna ŋgakea̰je’g ləm, gə Abda, ŋgolə Samua gə́ to ŋgolə Galal gə́ to ŋgolə Jedutun ləm tɔ.

Pakɔsje 137:4

See j’a kɔs paje lə Njesigənea̰ lé To gə́ ban ɓa dɔ naŋg ɓee gə́ raŋg’d wa.

Pakɔsje 73:1

Pakɔs lə Asap. Oiyo, Ala to njera maji gə Israɛlje ya ləm, Gə deḛ gə́ meḛ dee àr raŋg-raŋg lé ya ləm tɔ.

Pakɔsje 83:1

Pakɔs lə Asap.