Nehemi 12:44 - Maktub gə́ To gə Kəmee

⁴⁴ Mee ndəa’g neelé deḛ d’unda dəwje gə́ njékaa dɔ kəije gə́ to kəi-ŋgəm-nékarje ləm, gə kandə néje gə́ doŋgɔr ləma, gə néje gə́ kun kára mee njé gə́ dɔg’d ləm tɔ. Deḛ d’unda dee mba kar dee taa ta néje gə́ mee ndɔje gə́ gugu gir ɓee-booje to gə́ godndu wɔji mbata lə njékinjanéməsje ləm, gə Ləbije ləm tɔ lé. Mbata njé gə́ Juda d’al rɔ dee gə mba njékinjanéməsje gə Ləbije gə́ d’aar loo-kula’g lə dee

Nehemi 12:44 ပူးပေါင်းရင်းမြစ်များ

1 Sôrta Gḭka-Israɛlje 23:28

D’ar dee d’aar mbɔr ŋgaka Aaro̰’g gə mba ra kula mee kəi’g lə Njesigənea̰ mba tɔs ne kəm dee bao-bao dɔ gadlooje’g gə ŋgan kəije’g ləm, gə mba togo ne néje lai gə́ to gə kəmee kar dee d’àr ŋgad-ŋgad ləm, gə mba ra ne kulaje gə́ wɔji dɔ mee kəi-Ala ləm,

1 Sôrta Gḭka-Israɛlje 26:20

Mbuna Ləbije’g lé Aija ɓa to njekaa dɔ nébaoje gə́ to mee kəi’g lə Ala ləm, gə nébaoje gə́ to néje gə́ to gə kəmee ləm tɔ.

1 Sôrta Gḭka-Israɛlje 9:26

Mbata deḛ gə́ sɔ gə́ to mbai dɔ njéŋgəm tarəwje neelé gə́ to Ləbije lé ra kula lə dee gə ndɔ dee ndɔ dee ləm, deḛ d’aa dɔ ŋgan kəije gə dɔ kəi-nébao lə Ala ləm tɔ,

Nehemi 10:36

Gə ləbje kára-kára lai lé jeḛ j’wɔjije mba kaw gə dɔ koje lə sí gə́ dɔtar gə́ j’iŋgaje dɔ naŋg’d lə sí ləm, gə kandə kagje gə́ doŋgɔr lai ləm tɔ mee kəi’g lə Njesigənea̰.

Gosota-Kəmkàrje 8:34

Rɔlel nai gə dəw gə́ oo ta ləm ləm, Yeḛ gə́ si kəmba tarəwkɔgje’g ləm Gə ndɔje kára-kára lai Gə mba kaa ne dɔ looje kər-kər ləm tɔ!

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Bula lə Israɛlje 3:10

I a kunda Aaro̰ gə ŋganeeje gə́ diŋgam mba kar dee tɔs kəm dee bao-bao dɔ kula gə́ wɔji dɔ dee loo-nékinjaməs’g lé, dəw gə́ raŋg gə́ aw keneŋ ndá d’a tɔlee gə́ tɔl ya.

Njé gə́ Rɔmə 12:7

Yeḛ gə́ Ala ɓaree gə́ njera né kar dəwje lé ndá maji karee ula rəa keneŋ mbiriri ya. Yeḛ gə́ to gə́ njendoo mareeje né ndá maji karee tuga rəa sib gə́ kédé gə́ ta néndoo’g ləa.

Tel tura Godndu 18:8

yeḛ a kiŋga nésəa karee asəna gə ka̰ dee-deḛ ya ləm, néje lai gə́ yeḛ iŋga dɔ nénduba’g lə bɔbeeje gə́ yeḛ ndogo lé kara a to kea̰ mba karee al ne rəa ləm tɔ.