Nehemi 12:39 - Maktub gə́ To gə Kəmee

³⁹ Tɔɓəi j’aw n’dəsje dɔ tarəwkɔg’d gə́ ria lə Eprayim ləm, gə tarəwkɔg’d gə́ ria lə Ləw ləm, gə tarəwkɔg’d gə́ ria lə Ka̰jije ləm, gə kəi-kaar-kɔgərɔ gə́ duu dɔ loo gə́ ka̰ Hananeel ləma, gə ka̰ Méa ləm tɔ saar teḛ ne tarəwkɔg’d gə́ ria lə Badje ləm tɔ. Bèe ɓa deḛ d’aar naŋg tarəwkɔg’d gə́ ria lə Kəi-daŋgai tɔ.

Nehemi 12:39 ပူးပေါင်းရင်းမြစ်များ

2 Mbaije 14:13

Mee ɓee gə́ Bet-Semes ɓa Joas, mbai gə́ Israɛl wa Amasia, mbai gə́ Juda gə́ to ŋgolə Joas, gə́ ŋgoka Ahajia daŋgai keneŋ. Tɔɓəi yeḛ ḭ keneŋ aw Jerusalem ndá yeḛ təd ndògo-bɔrɔ gə́ to Jerusalem ar tadee as kəmkil dəw tɔl-sɔ (400), un kudee tarəwɓee gə́ Eprayim’g saar teḛ ne tarəw’d gə́ ria lə Dɔkum Loo tɔ.

Nehemi 12:40

Yen ŋga kudu njékɔspaje gə́ joo lé d’aar naŋg mee kəi-Ala’g ndá jeḛ kara n’raje togə́bè ya tɔ, ma jeḛ gə njéko̰ɓeeje gə́ d’aw səm na̰’d ləm,

Nehemi 3:1

Eliasib gə́ to ŋgɔ-njekinjanéməs lé ḭ gə ŋgakea̰je gə́ to njékinjanéməsje ar dee ra tarəwkɔg gə́ ria lə Rəw lə Badje lé. Deḛ d’unda gə kəmee ləm, gə tula tabidi-rəwje keneŋ ləm tɔ. Deḛ d’unda gə kəmee un kudee dɔ kəi-kaar-kɔgərɔ gə́ duu dɔ loo gə́ ria lə Méa saar teḛ ne kəi-kaar-kɔgərɔ gə́ duu dɔ loo gə́ ria lə Hananeel tɔ.

Nehemi 3:25

Palal, ŋgolə Ujai ɓa ra kula loo gə́ wɔji dɔ dɔkum ndògo-bɔrɔ ləm, gə dɔ kəi-kaar-kɔgərɔ gə́ duu dɔ loo gə́ ur dɔ maree’g no̰ kəi’g lə mbai, mbɔr gad kəi-daŋgai’g. Gée-yeḛ’g lé Pedaja, ŋgolə Pareos ɓa ra kula keneŋ tɔ.

Nehemi 3:3

Dəwje gə́ Senaa ra tarəwɓee gə́ ria lə rəw lə Ka̰jije. Deḛ dolè dəa ləm, tula tabidi-rəwje keneŋ ləma, d’ila pəgərəje gə kageeje keneŋ ləm tɔ.

Nehemi 3:6

Jojada, ŋgolə Pasəa, gə Mesulam, ŋgolə Besodia, deḛ lé gɔl tarəwkɔg gə́ ləw. Deḛ dolè dəa ləm, deḛ tula tabidi-rəwje keneŋ ləma, d’ila pəgərə-larje gə kageeje keneŋ ləm tɔ.

Nehemi 8:16

Yen ŋga koso-dəwje lé d’aw saŋg kam kagje neelé ndá deḛ la ne kəi-surumje dɔ kəije’g lə dee ləm, mee gadlooje’g lə dee ləm, mee gadloo gə́ wɔji dɔ kəi-Ala ləm, gə ndaa-loo gə́ to no̰ tarəwɓee gə́ ria lə Rəw-Manje ləma, gə ndaa-loo gə́ to no̰ tarəwɓee gə́ ria lə Eprayim ləm tɔ.

Jeremi 31:38

Njesigənea̰ pana: Aa ooje, ndɔje gə́ a gə ree lé d’a gɔl ɓee-boo gogo kar ri Njesigənea̰ ɓar’g lé ndá a kun kudee dɔ kəi’g lə Hananeel gə́ duu dɔ loo lé saar teḛ ne tarəwkɔg gə́ ria lə Dɔkumloo.

Jeremi 32:2

Njérɔje lə mbai gə́ Babilɔn d’aḭ dɔ Jerusalem sub gə rɔ. Jeremi, njetegginta lé si mee gad kəi-daŋgai’g gə́ to mee kəi’g lə mbai gə́ Juda tɔ.

Soponi 1:10

Njesigənea̰ pana: Mee ndəa’g neelé D’a koo ndu kii tarəwkəi gə́ ɓaree Tarəw-ka̰jije ləm, Gə no̰ sii mbigi-mbigi mee dəb loo gə́ mee ɓee-boo’g ləma, Gə tuji-boo gə́ oso dɔdərlooje’g ləm tɔ.

Tagə́maji gə́ Ja̰ ndang 5:2

Mee ɓee gə́ Jerusalem lé duu-mán gə́ to mbɔr rəw-kaw badje’g to keneŋ dəb, duu-mán neelé deḛ ɓaree gə ta Ǝbrə, Betesda tɔɓəi deḛ la ndil ta rəbee’g loo mi.