Nehemi 12:30 - Maktub gə́ To gə Kəmee

³⁰ Njékinjanéməsje gə Ləbije togo won rɔ dee-deḛ nja ləm, d’ɔr won koso-dəwje gə tarəwkɔgje gə ndògo-bɔrɔ ləm tɔ.

Nehemi 12:30 ပူးပေါင်းရင်းမြစ်များ

Gḭ-Néje 35:2

Jakob ula njémeekəije ləa gə deḛ lai gə́ d’isi səa lé pana: Tɔrje magəje gə́ dɔ ɓee’d gə́ to mbuna sí’g lé gə́ raŋg ləm, togoje rɔ sí ləma, tel tulaje kubuje gə́ raŋg rɔ sí’g ləm tɔ.

1 Sôrta Gḭka-Israɛlje 15:14

Njékinjanéməsje gə Ləbije d’unda rɔ dee gə kəmee mba ree gə sa̰duk-manrɔ lə Njesigənea̰, Ala lə Israɛlje lé.

2 Sôrta Gḭka Israɛlje 29:34

Nɛ bula lə njékinjanéməsje ɓa lam ba ndá d’askəm tó ndar da-nékinjanéməsje lé lai el, ŋgako̰ deeje gə́ to Ləbije la sə dee saar d’ar kula neelé godo tɔɓəi saar loo gə́ njékinjanéməsje gə́ raŋg d’unda rɔ dee gə kəmee mbata Ləbije lé kunda rɔ dee gə kəmee wa meḛ dee-deḛ unda njékinjanéməsje tɔ.

2 Sôrta Gḭka Israɛlje 29:5

tɔɓəi yeḛ ula dee pana: Ləbije, maji kar sí ooje ta ləm! Ɓasinè, maji kar sí undaje rɔ sí gə kəmee ləm, undaje kəi lə Njesigənea̰, Ala lə bɔ síje-je gə kəmee ləm tɔ ndá néje gə́ mina̰ lé ɔrje mee loo gə́ to gə kəmee aw ɔmje gir loo gə́ raga.

Esdras 6:21

Israɛlje gə́ d’ḭ ɓee-ɓər’g tel ree lé d’usɔ badə Pag na̰’d gə deḛ lai gə́ d’ɔr rɔ dee rɔ néje gə́ mina̰’g lə ginkoji dəwje gə́ d’isi mee ɓee’g neelé gə́ d’ɔm sə dee na̰’d sad mba saŋg goo Njesigənea̰ Ala lə Israɛlje lé.

Nehemi 12:29

gə Bet-Gilgal ləm, gə dɔ naŋg gə́ Geba ləma, gə Ajmabet ləm tɔ, mbata bao-paje ra ɓee-kogoje lə dee gugu ne dɔ Jerusalem sub.

Nehemi 13:22

Ləbije kara m’un ndum mba kar dee d’ɔr won rɔ dee ləm, gə mba kar dee ŋgəm tarəwkɔgje mba kunda ndɔ-kwa-rɔ lé gə kəmee doi ləm tɔ.

Nehemi 13:30

Togə́bè ɓa m’ɔr ne dəwje lai gə́ dɔɓee’g mbuna dee’g ndá m’tel m’ɔm godndu gə́ wɔji dɔ njékinjanéməsje gə Ləbije mba kar dee ra lé ji dee’g mba kar nana kara tɔs kəmee dɔ kula’g ləa-ləa.

Maktub gə́ wɔji dɔ Jɔb 1:5

Loo gə́ ndɔ muru-gadje lé dəs mba̰ ndá Jɔb ɓar ŋganeeje ree unda dee gə kəmee, tɔɓəi yeḛ uba naŋg ḭta gə ndɔ rad inja nékinjaməs gə́ ka̰ roo mbata lə dee kára-kára lai. Mbata Jɔb pana: Banelə ŋgan neḛje ra kaiya d’ar meḛ dee ɔs gel gə Ala. Yee ɓa gə́ né gə́ Jɔb ra ta-ta ya.

Teḛ-Raga 19:10

Tɔɓəi Njesigənea̰ ula Moyis pana: Aw rɔ koso-dəwje’g neelé ar dee d’unda rɔ dee gə kəmee mba ndɔ gə́ ɓogənè gə bèlè ləm tɔ ndá maji kar dee togo kubuje lə dee tɔ.

Teḛ-Raga 19:15

Yeḛ ula koso-dəwje lé pana: síje pèrèrè mee ndɔ gə́ njekɔm’g munda lé tɔɓəi seḭ a tibije mbɔr dené kára kara el tɔ.

Ǝbrəje 5:1

Tɔgərɔ ya, ŋgɔ-njekinjanéməs gə́ rara kara deḛ d’ɔree mbuna dəwje’g mba karee nai gə dəwje rɔ Ala’g, mba karee mbo̰ nénojije gə nékoga-kaiyaje kar Ala.

Ǝbrəje 5:3

Rəm ləa-yeḛ ɓa aree un ne nékoga kaiyaje ar Ala mbata kaiya ləa-yeḛ ləm, gə ka̰ koso-dəwje lé ləm tɔ.