Nehemi 12:27 - Maktub gə́ To gə Kəmee

²⁷ Ndɔ kunda ndògo-bɔrɔ gə́ Jerusalem gə kəmee lé deḛ ɓar Ləbije gə looje lai gə́ d’isi keneŋ mba kar dee ree Jerusalem mba ra naḭ gə́ wɔji dɔ kunda ndògo-bɔrɔ gə kəmee gə paje gə pa pidije ləm, gə kaa ma̰də gə́ saga səgə-səgə ləm, gə kṵdu-ko̰déje ləma, gə kṵdu-kagje ləm tɔ.

Nehemi 12:27 ပူးပေါင်းရင်းမြစ်များ

2 Samel 6:12

Deḛ ree d’ula mbai Dabid lé pana: Njesigənea̰ tɔr ndia dɔ njémeekəije’g lə Obed-Edɔm ləm, gə dɔ néje lai gə́ to kea̰ ləm tɔ mbata sa̰duk-manrɔ lə Ala. Yen ŋga Dabid ḭ aw ndá yeḛ ar dee d’un sa̰duk-manrɔ lə Ala gə́ to mee kəi’g lə Obed-Edɔm lé ree ne mee ɓee-boo’g lə Dabid gə rɔlel.

1 Mbaije 8:63

Salomo̰ wa bɔ maŋgje tɔl-dɔg-loo rɔ-joo giree-joo (22.000) ləm, gə badje tɔl-dɔg-loo rɔ-joo (20.000) ləm tɔ gə́ nékinjanéməsje gə́ wɔji dɔ kɔm na̰’d. Bèe ɓa, mbai lé gə Israɛlje lai d’un ne kəi lə Njesigənea̰ d’unda ne gə kəmee.

1 Sôrta Gḭka-Israɛlje 13:8

Dabid gə Israɛlje lai la no̰ Ala’g lé gə sḭgarɔ dee bura gə pakɔs ləm, gə kṵdu-kagje ləm, gə kṵdu-ko̰déje ləm, gə dalè-bajḭgje ləm, gə ma̰dje gə́ sa səgə-səgə ləma, gə to̰to̰je ləm tɔ.

1 Sôrta Gḭka-Israɛlje 15:12

Yeḛ ula dee pana: Seḭ nja toje mbai dɔ gel-bɔje lə Ləbije. Maji kar sí undaje rɔ sí-seḭ gə rɔ ŋgako̰ síje gə kəmee ndá gə́ reeje gə sa̰duk-manrɔ lə Njesigənea̰, Ala lə Israɛlje lé undaje mee loo gə́ ma m’gɔl mbata ləa lé.

1 Sôrta Gḭka-Israɛlje 15:16

Tɔɓəi Dabid ula mbai dɔ Ləbije gə mba kar dee d’ar ŋgako̰ deeje gə́ to njékɔspaje d’aar loo-kaar dee’g gə nékimje lə dee gə́ to kṵdu-ko̰déje ləm, gə kṵdu-kagje ləm, gə ma̰dje gə́ sa səgə-səgə ləm tɔ ji dee’g gə mba kar dee d’im d’aree ɓar ɔr loo lɔi-lɔi mbata lə boo-rɔkal lə dee lé tɔ.

1 Sôrta Gḭka-Israɛlje 15:28

Israɛlje lai d’ar dee ree gə sa̰duk-manrɔ lə Njesigənea̰ lé ɓée gə ndu rɔlel ləm, gə ndu tébé ləm, gə ndu to̰to̰ ləma, gə ndu ma̰dje gə́ sa səgə-səgə ləm tɔ ndá deḛ d’im kṵdu-ko̰déje gə kṵdu-kagje tɔ.

1 Sôrta Gḭka-Israɛlje 15:4

Dabid mbo̰ ŋgaka Aaro̰ ləm, gə Ləbije ləm tɔ dɔ na̰’d as bèe:

1 Sôrta Gḭka-Israɛlje 16:42

Heman gə Jedutun d’aar mbɔr dee’g gə to̰to̰je ləm, gə ma̰dje gə́ sa səgə-səgə ləm tɔ mbata lə deḛ gə́ d’im d’aree ɓar ŋgəw ləm, gə nékimje gə́ wɔji dɔ pa kula rɔnduba dɔ Ala’g lé ləm tɔ. Ŋgalə Jedutun to njéŋgəm tarəwkəije ya.

1 Sôrta Gḭka-Israɛlje 16:5

Deḛje neelé ri deeje ɓa nee: Asap ɓa to njekɔrno̰ dee, Jakari ɓa to njekɔm’g joo ləm, Jeyel gə Semiramot gə Jehiel gə Matitia gə Eliab gə Benaja gə Obed-Edɔm gə Jeyel. Deḛ d’aw gə nékimje gə́ to kṵdu-ko̰déje gə kṵdu-kagje ji dee’g ndá Asap lé to nje saga ma̰dje səgə-səgə tɔ.

1 Sôrta Gḭka-Israɛlje 23:5

gə dəwje tɔl sɔ (400) gə́ to njépidi Njesigənea̰-je gə nékimje gə́ m’ra gə mba kula ne rɔnduba dəa’g lé ləm tɔ.

1 Sôrta Gḭka-Israɛlje 26:31

Né gə́ wɔji dɔ Ebro̰je gə́ Jerija to mbai lə dee lé mee ləb gə́ njekɔm’g rɔ-sɔ gə́ Dabid o̰ ne ɓee lé deḛ saŋg ginta gə́ wɔji dɔ dee gə goo ginkaje lə dee ləm, gə gel-bɔje lə dee ləm tɔ ndá deḛ d’iŋga bao-rɔje mbuna dee’g mee ɓee gə́ Jajer gə́ wɔji dɔ Galaad.

2 Sôrta Gḭka Israɛlje 29:25

Yeḛ ar dee d’unda Ləbije mee kəi’g lə Njesigənea̰ gə ma̰dje gə́ sa səgə-səgə ləm, gə kṵdu-ko̰déje ləma, gə kṵdu-kagje ləm tɔ ji dee’g gə goo rəw gə́ Dabid ləm, gə Gad gə́ njekoota ta Ala’g lé mbata lə mbai ləma, gə Natan gə́ to njetegginta d’wɔji ləm tɔ, mbata to ndukun gə́ Njesigənea̰ ɓa un ar njéteggintaje pa taree ya.

2 Sôrta Gḭka Israɛlje 29:30

Yen ŋga mbai Ejekias gə ŋgan-mbaije d’un ndu dee d’ar Ləbije mba kar dee pidi Njesigənea̰ gə paje lə Dabid, gə ka̰ Asap, njetegginta lé, ndá deḛ pidee gə boo-rɔkal ləm, d’ɔs kəji dee naŋg d’unda barmba ləm tɔ.

2 Sôrta Gḭka Israɛlje 5:13

Yen ŋga loo gə́ deḛ gə́ njékim to̰to̰je gə njékɔspaje lé d’ɔm na̰’d yəg d’unda ndu dee na̰’d gə mba pidi Njesigənea̰ ndá deḛ d’ar to̰to̰je ləm, gə ma̰dje gə́ sa səgə-səgə ləma, gə nékimje gə́ raŋg ləm tɔ ɓar ŋgaw d’ula ne rɔnduba dɔ Njesigənea̰’g gə taje nee pana: Mbata yeḛ lé maji dum ləm, meekɔrjol ləa to saar-saar gə no̰ ləm tɔ. Mee kàree gə́ neelé mum taa mee kəi gə́ to kəi lə Njesigənea̰ lé pəl-pəl tɔ .

2 Sôrta Gḭka Israɛlje 7:6

Njékinjanéməsje d’aar loo-kula’g lə dee. Ləbije kara d’aar gə nékimje gə́ ka̰ kula rɔnduba dɔ Njesigənea̰’d gə́ mbai Dabid ra gə mba kɔs ne pa pidi ne Njesigənea̰, loo gə́ Dabid ɔm ne kula neelé ji dee’g mba kar dee d’ula ne rɔnduba dɔ Njesigənea̰’g lé pa ne pana: Meekɔrjol ləa lé to saar-saar gə no̰. Ndá njékinjanéməsje d’im to̰to̰je no̰ dee’g. Israɛlje lai d’aar lée’g neelé tɔ.

Esdras 6:16

Israɛlje, gə njékinjanéməsje gə Ləbije gə ges ŋgalə deḛ gə́ d’ḭ ɓee-ɓər’g tel ree lé d’unda kəi-Ala neelé gə kəmee gə rɔlel.

Nehemi 11:20

Ges Israɛlje gə njékinjanéməsje gə Ləbije lé deḛ lai d’isi mee ɓee-booje gə́ Juda ar nana kara si loo gə́ to kea̰-kea̰’g.

Nehemi 12:43

Mee ndəa’g neelé deḛ d’inja nékinjanéməsje bula yaa̰ ndá deḛ d’al rɔ dee mbata Ala ar koso-dəwje nérɔlel gə́ boo. Denéje gə ŋganje kara ra rɔlel tɔ ndá ndu rɔlel lə njé gə́ Jerusalem lé dəwje d’oo loo gə́ əw’g ya tɔ.

Nehemi 8:17

Koso-dəwje lai gə́ d’ḭ ɓee-ɓər’g tel ree ɓee lé la kəi-surumje ndá d’isi keneŋ. Un kudee mee ndəa’g lə Juje, ŋgolə Nun lé saar teḛ ne ndəa gən lé Israɛlje ra gar né gə́ togə́bè lé el. Yee ɓa deḛ d’isi ne dan boo-rɔlel’g ya.

Pakɔsje 149:3

Maji kar dee pidee gə ndam lə dee ləm, D’ila riɓar dəa’g gə dalè bajiŋ gə kṵdu-kag ləm tɔ.

Pakɔsje 30:1

Pakɔs lə Dabid mee ndəa gə́ d’unda ne kəi-Ala gə́ boo gə kəmee lé

Tel tura Godndu 16:11

Seḭ a kalje rɔ sí no̰ Njesigənea̰ Ala’g lə sí, loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g, seḭ ləm gə ŋgan síje gə́ diŋgam gə njé gə́ dené ləm, gə Ləbije gə́ d’isi mbuna sí’g ləma, gə dəw-dɔ-ɓeeje gə ŋganalje gə njékəisiŋgaje gə́ d’isi mbuna sí’g lé ləm tɔ.

Tel tura Godndu 20:5

Gée gə́ gogo ndá ɓé-njérɔje d’a dəji boo-njérɔje ta pana: See na̰ ɓa ra kəi sigi lal kisi keneŋ ɓəi wa. Maji karee tel aw kəi ləa nà a kwəi loo rɔ’g kar dəw gə́ raŋg ɓa si keneŋ.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

Loo gə́ killa rea kəm Ja̰’g 5:8

Loo gə́ yeḛ taa maktub lé mba̰ ndá nékundaje lə Ala sɔ gə́ d’aw kəmba ləm, gə ŋgatɔgje rɔ-joo-gir-dee-sɔ ləm tɔ d’unda barmba d’ula dɔ dee naŋg no̰ Ŋgonbad’g lé. Deḛ kára-kára lai d’isi gə kṵdu-kagje ləm, bai-larlɔrje gə́ né ə̰də sululu rusu mee dee tub-tub to ji dee’g kára-kára lai ləm tɔ. Yee ɓa gə́ tamaji ra lə deḛ gə́ to gə kəmee.