Nehemi 10:36 - Maktub gə́ To gə Kəmee

³⁶ Gə ləbje kára-kára lai lé jeḛ j’wɔjije mba kaw gə dɔ koje lə sí gə́ dɔtar gə́ j’iŋgaje dɔ naŋg’d lə sí ləm, gə kandə kagje gə́ doŋgɔr lai ləm tɔ mee kəi’g lə Njesigənea̰.

Nehemi 10:36 ပူးပေါင်းရင်းမြစ်များ

2 Sôrta Gḭka Israɛlje 31:5

Loo gə́ d’ila mber ndukun neelé ndá Israɛlje d’un ta nékiŋgaje lə dee gə́ dɔtar yaa̰ gə́ to kó ləm, gə mán-nduú gə́ sigi ləm, gə ubu ləm, gə ubu tə̰ji ləma, gə kandə néndɔje lai ləm tɔ, deḛ ree gə ta néje lai gə́ dɔg ɓa kun təa kára-kára kar lé yaa̰ tɔ.

Nehemi 12:44

Mee ndəa’g neelé deḛ d’unda dəwje gə́ njékaa dɔ kəije gə́ to kəi-ŋgəm-nékarje ləm, gə kandə néje gə́ doŋgɔr ləma, gə néje gə́ kun kára mee njé gə́ dɔg’d ləm tɔ. Deḛ d’unda dee mba kar dee taa ta néje gə́ mee ndɔje gə́ gugu gir ɓee-booje to gə́ godndu wɔji mbata lə njékinjanéməsje ləm, gə Ləbije ləm tɔ lé. Mbata njé gə́ Juda d’al rɔ dee gə mba njékinjanéməsje gə Ləbije gə́ d’aar loo-kula’g lə dee

Nehemi 13:5

ndá yeḛ unda kəi gə́ boi gə kəmee mbata lə Tobija, to kəi gə́ kédé d’unda nékarje gə́ to nduji ləm, gə néje gə́ ə̰də sululu ləm, gə nékulaje ləma, gə ta néje gə́ kun kára mee njé gə́ dɔg’d gə́ to kó gə mán-nduú gə ubu ləm tɔ keneŋ. Yee ɓa to né gə́ d’un gə goo godndu d’ar Ləbije ləm, gə njékɔspaje gə njéŋgəm takəije ləma, gə né gə́ d’ɔr dan mareeje’g mbata lə njékinjanéməsje ləm tɔ.

Teḛ-Raga 13:2

Ŋgandərje gə́ rara gə́ d’oji dee mbuna Israɛlje’g lé seḭ a kunda deeje gə kəmee kamje, lé to ŋgandər dəwje əsé ŋgandər daje kara ləm tɔ.

Teḛ-Raga 23:19

Dɔ kó gə́ ər dɔtar gə́ seḭ iŋgaje mee ndɔ’g lə sí kédé lé seḭ a reeje ne kəi lə Ala lə sí gə́ Njesigənea̰ ya. Seḭ a ndirije ŋgon bya̰ gə mbà kea̰je el.

Teḛ-Raga 34:19

Ŋgandər dəwje lai-lai lé to kamaje ya, dan nékulje’g lə sí lai lé, yee gə́ rara gə́ d’ojee dɔtar lé, lé to bɔ maŋg əsé bàl badə kara to kama ya tɔ.

Malasi 3:10

Njesigənea̰ gə́ njeboo-néje lé pana: Reeje gə néje lə sí dɔg kun təa kára-kára lai kəi-ŋgəm’g mba kar nésɔ to mee kəi’g ləm. See m’a kar kəm dara ɔr wuyum dɔ sí’g el wa. See m’a kar nétɔrndu taa rɔ sí pəl-pəl el wa.

Bula lə Israɛlje 3:13

Mbata ŋgondər gə́ rara kara to kama ya doŋgɔ doi, mee ndəa gə́ m’unda ne ŋgandərje lai mee ɓee gə́ Ejiptə lé ma m’ɔr ŋgandər Israɛlje lai m’unda dee gə kəmee gə́ kamaje ya doŋgɔ doi, ŋgandər dəwje lai, gə ŋgandər daje ləm tɔ: d’a to kamaje ya doŋgɔ doi. Ma m’to Njesigənea̰.

Njé gə́ Galati 6:6

Maji kar yeḛ gə́ d’aw ndée Tagə́maji lé un ta némajije ləa mba kar yeḛ gə́ njendée né lé tɔ.

Tel tura Godndu 12:6

Lée gə́ neelé ɓa seḭ a reeje keneŋ gə nékinjanéməsje lə sí gə́ ka̰ roo ləm, gə nékinjanéməsje lə sí gə́ raŋg ləm, gə néje lə sí gə́ dɔg kun təa kára kar lé ləm, gə dɔ koje lə sí gə́ doŋgɔr ləm, gə nékarje gə́ ka̰ tɔl ne ta ndukun bém lé ləm, gə nékar gə́ ka̰ kḭ gə mee kar ləma, gə ŋgandər nékulje lə sí gə́ boi-boi əsé gə́ lam-lam ləm tɔ.