Nehemi 10:35 - Maktub gə́ To gə Kəmee

³⁵ Jeḛ gə́ n’toje njékinjanéməsje gə Ləbije gə koso-dəwje lé jeḛ n’raje né asəna gə téḛ bèe mba kɔr ne kəm dəwje gə goo gel-bɔje lə bɔ síje-je mba kar mee ləbje kára-kára lai lé d’a ree gə nékarje gə́ to kir mee kəi’g lə Ala lə sí gə ndəaje gə́ d’wɔji njaŋg gə mba roo dɔ loo-nékinjaməs’g lə Njesigənea̰, Ala lə sí to gə́ deḛ ndaŋg ne taree mee maktub godndu’g lé tɔ.

Nehemi 10:35 ပူးပေါင်းရင်းမြစ်များ

Nehemi 13:31

M’tel m’gɔl dɔ ta gə́ wɔji dɔ nékarje gə́ to kir gə́ d’a kar mee ndəa gə́ d’wɔji ləm, gə dɔ dɔmaḭ-koje gə́ doŋgɔr kara bèe ləm tɔ. Ǝi Ala ləm, maji kari ar məəi olé dɔm’d gə́ majee ya kari.

Teḛ-Raga 23:19

Dɔ kó gə́ ər dɔtar gə́ seḭ iŋgaje mee ndɔ’g lə sí kédé lé seḭ a reeje ne kəi lə Ala lə sí gə́ Njesigənea̰ ya. Seḭ a ndirije ŋgon bya̰ gə mbà kea̰je el.

Teḛ-Raga 34:26

Dɔ kó gə́ dɔtar gə́ seḭ iŋgaje mee ndɔ’g lə sí lé seḭ a reeje ne kəi lə Ala lə sí gə́ Njesigənea̰ ya. Seḭ a ndirije ŋgon bya̰ gə mbà kea̰je el.

Ejekel 44:30

Kandə kagje lai gə́ doŋgɔr ləm, gə nékarje lai gə́ seḭ a kun deeje gə́ tar ləm tɔ lé d’a to ka̰ njékinjanéməsje, seḭ a karje njékinjanéməsje nduji lə sí gə́ doŋgɔr gə mba kar ndutɔr to ne dɔ kəije’g lə sí.

Ləbije 6:5

Pər lé a ko̰ loo-nékinjaməs’g lé ta-ta ɓó a kwəi nda̰ el. Teḛ gə ndɔ gə ndɔje kára-kára lai ya njekinjanéməs lé a kula kir pər’d ləm, a kɔm nékinjanéməsje gə́ ka̰ roo keneŋ ləma, a roo ubu nékinjanéməsje gə́ ka̰ kɔm na̰’d keneŋ ləm tɔ.

Ləbije 6:6

Pər lé a ko̰ loo-nékinjaməs’g lé ta-ta ɓó a kwəi nda̰ el.

Bula lə Israɛlje 18:12

Néje gə́ doŋgɔr gə́ d’un d’am-ma Njesigənea̰ gə́ ma m’ari ɓa nee: Ubu lai gə́ maji dum ləm, mán-nduú gə́ sigi ləma, gə kó lai gə́ maji dum ləm tɔ.

Bula lə Israɛlje 18:2

Maji kari ar ŋgakɔḭje gə́ to gə́ ginkoji’g lə Ləbi gə́ to ŋgalə bɔbije-je lé rəm pər gə́ rɔi’g gə mba kɔm səi na̰’d loo-kula’g ləm, mba to ne njéla seḭje dɔ kulaje’g ləm tɔ loo gə́ i seḭ gə ŋganije na̰’d a kaarje no̰ kəi-kubu gə́ ka̰ nékɔrgoota’g lé.

Tel tura Godndu 26:2

nana kara a kodo kandə néje gə́ doŋgɔr gə́ yeḛ iŋga dɔ naŋg’d mee ɓee gə́ Ala lə sí gə́ Njesigənea̰ ar sí lé ɓa yeḛ a kɔm mee budu’g kaw ne mee loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g lé.