Nehemi 10:32 - Maktub gə́ To gə Kəmee

³² Ɓó lé dəwje gə́ mee ɓee’g nee ree gə néndogo əsé nésɔje gə́ ban-ban kara j’a ndogo sə dee gə ndɔ-kwa-rɔ el ləm, gə ndɔ naḭ gə́ to gə kəmee el ləm tɔ. Ləb gə́ njekɔm’g siri-siri lé j’a kya̰je dɔ naŋg karee wa rəa ləm, j’a kya̰je goo ɓaŋgje gə́ rara kara ləm tɔ.

Nehemi 10:32 ပူးပေါင်းရင်းမြစ်များ

Gḭ-Néje 28:22

Kɔr mbal nee gə́ ma m’unda gə́ nékolé-mee lé a to kəi lə Ala ndá néje lai gə́ i a karm lé m’a kai dee loo dɔg ndá m’a kun təa kára kari ya tɔ.

1 Sôrta Gḭka-Israɛlje 26:27

to nébanrɔ gə́ deḛ taa loo-rɔ’g d’unda gə kəmee gə mba ra ne kula mee kəi’g lə Njesigənea̰.

Nehemi 13:15

Mee ndəa’g neelé ma m’oo diŋgamje gə́ mee ɓee gə́ Juda gə́ d’aar mbula kandə nduúje gə ndɔ-kwa-rɔ ləm, deḛ d’odo koje gə mán-nduúje gə kandə nduúje gə kandə kodéje gə néje gə́ rara kara dɔ mulayḛ̀je-je’g ləm tɔ ɓa deḛ ree ne Jerusalem gə ndɔ-kwa-rɔ lé. Yen ŋga m’ɓar dee m’ndəji dee kɔr dɔ ndɔ’g neelé gə́ deḛ ndogo nésɔ dee keneŋ lé.

Nehemi 13:18

See yee gə́ bèe ɓa bɔ síje-je ra kédé el wa. See yee gə́ bèe ɓa Ala lə sí ar nékəmndooje lai neelé teḛ ne dɔ sí’g gə dɔ ɓee-boo’g neelé gə mbəa el wa. Bèe ɓa seḭ lé seḭ ilaje ndɔl dɔ ndɔ-kwa-rɔ’g ɓarje ne oŋg dɔ Israɛlje’g ya tɔɓəi.

Nehemi 13:21

M’ndəji dee m’pa ne sə dee m’pana: See gelee ban ɓa toje gir ndògo-bɔrɔ’g nee loondul’g bèe wa. Ɓó lé seḭ a toje bèe gɔl kára tɔɓəi ndá m’a kɔrɔ rɔ sí gə jim. Un kudee mee ndəa gən lé deḛ ree gə ndɔ-kwa-rɔ gogo el ŋga.

Nehemi 5:10

Ma kara jeḛ gə ŋgakɔmje gə kuraje ləm j’ar dee tona sí lar gə kó tɔ. Ar sí j’ya̰je goo ɓaŋg lə sí gə́ to dɔ dee’g lé.

Nehemi 9:14

I ar dee gər ndɔ-kwa-rɔ ləi gə́ to gə kəmee ləm, I un ndui ar dee godnduije gə tornduije Gə ndu kura ləi Moyis ləm tɔ.

Teḛ-Raga 23:11

Nɛ ləb gə́ njekɔm’g siri lé seḭ a kya̰je loo ndɔ neelé kaareeje wa rəa: njéndooje gə́ mbuna dəwje’g lə sí lé d’a kiŋga nésɔje keneŋ kar meḛ dee lel dee ləm, daje gə́ mee ndɔ’g kara d’a sɔ geseje gə́ nai keneŋ ləm tɔ. Seḭ a raje togə́bè mbata ndɔ nduú lə sí ləm gə mbata kag koiyoje lə sí ləm tɔ.

Gosota-Kəmkàrje 3:9

Tədkag Njesigənea̰ gə némajije ləi ləm, Gə néje gə́ doŋgɔr lai gə́ i iŋga dee ləm tɔ.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.