Nehemi 10:30 - Maktub gə́ To gə Kəmee

³⁰ Deḛ d’ɔm na̰’d gə ŋgako̰ deeje gə́ to dəwje gə́ boo gə́ d’ur dɔ mar deeje mbuna dee’g ndá deḛ d’un ndu dee gə manrɔ gə rɔkubu mba njaa gə goo godndu Ala gə́ Moyis, kura lə Ala ar dee gə mba kaa dəa kər-kər ləm, gə mba ra néje lai gə́ godndu Njesigənea̰, Mbaidɔmbaije lé pa ləma, gə ndukunje gə godndiaje ləm tɔ.

Nehemi 10:30 ပူးပေါင်းရင်းမြစ်များ

2 Mbaije 23:25

Kédé ɓa kar Jojias to ne mbai ɓəi lé mbai gə́ raŋg gə́ njendigi Njesigənea̰ gə ŋgaw mée bura gə rəa bura gə siŋgarea bura gə goo taje lai gə́ godndu Moyis pa to gə́ yeḛ bèe lé godo ləm, njetana səa gə́ gée gə́ gogo kara godo ləm tɔ.

2 Mbaije 23:3

Mbai lé aar tar dɔ loo-kuba-kaar’g man rəa no̰ Njesigənea̰’g. Yeḛ un rəa unda gə kəmee gə mba kun dɔ gɔl Njesigənea̰ ləm, gə mba kaa dɔ torndiaje gə ndukunje ləa gə godndiaje gə ŋgaw mée gə rəa bura ləma, gə mba ra néje lai gə́ taree to mee maktub manrɔ’g neelé ləm tɔ. Tɔɓəi koso-dəwje lai kara d’ɔm səa na̰’d dɔ ta manrɔ’g neelé tɔ.

2 Sôrta Gḭka Israɛlje 34:31

Mbai lé aar loo-kaar-tar’g ləa man ne rəa no̰ Njesigənea̰’g gə mba kun dɔ gɔl Njesigənea̰ ləm, gə mba kaa dɔ torndiaje, gə ndukunje ləa, gə godndiaje gə ŋgaw mée bura ləma, gə mba ra ne néje lai gə goo ta manrɔ gə́ to mee maktub’g neelé ləm tɔ.

Nehemi 10:1

Gə goo néje lai neelé jeḛ j’unje ndu sí gə manrɔ j’ar Ala ndá jeḛ ndaŋgje taree mee maktub’g, ndá mbaije lə sí ləm, gə Ləbije lə sí ləma, gə njékinjanéməsje lə sí ləm tɔ d’unda nétorji dee dɔ’g.

Nehemi 13:23

Mee ndəa’g neelé ma m’oo Jibje gə́ taa denéje gə́ to Asdodje əsé Amo̰je əsé Moabje tɔ.

Nehemi 13:25

Ma m’ndaŋg dee ləm, m’ila ndɔl dɔ dee’g ləm, m’kunda njé gə́ na̰je bula mbuna dee’g ləma, m’tɔr yiŋga dɔ dee ləm tɔ ndá m’ar dee manrɔ dee gə ri Ala m’pana: Seḭ a karje ŋgan síje gə́ dené taa ŋgan deeje gə́ diŋgam el ləm, seḭ a taaje ŋgan deeje gə́ dené karje ŋgan síje gə́ diŋgam el ləma, seḭ kara a taa deeje el ləm tɔ.

Nehemi 13:30

Togə́bè ɓa m’ɔr ne dəwje lai gə́ dɔɓee’g mbuna dee’g ndá m’tel m’ɔm godndu gə́ wɔji dɔ njékinjanéməsje gə Ləbije mba kar dee ra lé ji dee’g mba kar nana kara tɔs kəmee dɔ kula’g ləa-ləa.

Nehemi 5:12

Deḛ tel d’ilam keneŋ pana: J’a telje gə néje lé kar dee ləm, j’a dəji deeje né el ləm tɔ to gə́ i pa lé ya. Bèe ɓa ma m’ɓar njékinjanéməsje m’ar dee manrɔ dee no̰ dee’g gə mba kar ta lə dee lé d’a ra née ya.

Pakɔsje 119:106

Ma lé m’un ndum gə rɔkubu ndá M’a kaar dɔ’g njaŋg Gə mba kaa ne dɔ godnduije gə́ meekarabasur ləi wɔji.

Teḛ-Raga 34:16

nà banelə seḭ a taaje ŋgan deeje gə́ dené kar ŋgan síje gə́ diŋgam ndá ŋgan deeje gə́ dené lé loo gə́ d’ya̰ rɔ dee dan néje gə́ mina̰’g d’ar magəje lə dee lé d’a ndɔr ŋgan síje gə́ diŋgam kar dee-deḛ kara d’ya̰ rɔ dee dan néje gə́ mina̰’g d’ar magəje lə dee lé tɔ.

Tel tura Godndu 29:11

gə mba kɔm na̰’d gə manrɔ gə manrɔ lə Njesigənea̰, Ala lə sí, to manrɔ gə́ Ala lə sí gə́ Njesigənea̰ man ne rəa ar sí ɓogənè gə rɔkubu lé

Tel tura Godndu 7:3

Seḭ a taa deeje gə́ denéje el ləm, seḭ a karje ŋgan síje gə́ dené taa ŋgan deeje gə́ diŋgam el ləma, seḭ a taaje ŋgan deeje gə́ dené mbata lə ŋgan síje gə́ diŋgam el ləm tɔ,