Nehemi 10:29 - Maktub gə́ To gə Kəmee

²⁹ Ges koso-dəwje ləm, gə njékinjanéməsje ləm, gə Ləbije ləm, gə njéŋgəm tarəwkəije ləm, gə njékɔspaje ləm, gə njéra kula kəi-Ala’d gə́ raje ləm, gə deḛ lai gə́ d’ɔr rɔ dee rɔ dəw-mee-ɓeeje’g mba kun goo godndu Ala ləm, gə denéje lə dee ləm, gə ŋgan deeje gə́ diŋgam gə njé gə́ dené ləma, gə deḛ lai gə́ d’askəm gər né gə gosonégər ləm tɔ lé d’ɔm sə dee na̰’d tɔ.

Nehemi 10:29 ပူးပေါင်းရင်းမြစ်များ

2 Mbaije 10:31

Lée togə́bè kara Jehu unda kəmkàr dɔ rəa’g njaa ne gə meendakaḭ goo godndu Njesigənea̰, Ala lə Israɛlje’g el, kaiyaje lai gə́ Jeroboam ar Israɛlje ra lé yeḛ ya̰ goo dee el tɔ.

2 Mbaije 23:3

Mbai lé aar tar dɔ loo-kuba-kaar’g man rəa no̰ Njesigənea̰’g. Yeḛ un rəa unda gə kəmee gə mba kun dɔ gɔl Njesigənea̰ ləm, gə mba kaa dɔ torndiaje gə ndukunje ləa gə godndiaje gə ŋgaw mée gə rəa bura ləma, gə mba ra néje lai gə́ taree to mee maktub manrɔ’g neelé ləm tɔ. Tɔɓəi koso-dəwje lai kara d’ɔm səa na̰’d dɔ ta manrɔ’g neelé tɔ.

1 Sôrta Gḭka-Israɛlje 9:2

Dəwje gə́ dɔtar gə́ d’isi dɔ naŋg’d lə dee ləm, gə mee ɓee-booje’g lə dee ləm tɔ lé to Israɛlje, gə njékinjanéməsje, gə Ləbije, gə njéra kula mee kəi-Ala’d gə́ raje lé tɔ.

2 Sôrta Gḭka Israɛlje 34:31

Mbai lé aar loo-kaar-tar’g ləa man ne rəa no̰ Njesigənea̰’g gə mba kun dɔ gɔl Njesigənea̰ ləm, gə mba kaa dɔ torndiaje, gə ndukunje ləa, gə godndiaje gə ŋgaw mée bura ləma, gə mba ra ne néje lai gə goo ta manrɔ gə́ to mee maktub’g neelé ləm tɔ.

2 Sôrta Gḭka Israɛlje 6:16

Ɓasinè Njesigənea̰, Ala lə Israɛlje, maji kari aa dɔ ndukun gə́ i un ar bɔm Dabid gə́ to kura ləi lé loo gə́ i ulá ne pana: Ɓó lé ŋganije d’unda kəmkàr dɔ panjaa dee’g d’aa ne dɔ godndum kər-kər to gə́ i ra bèe no̰m’g ndá i a lal njetaa tori dɔ kalimbai’g lə Israɛlje nda̰ el.

Nehemi 13:25

Ma m’ndaŋg dee ləm, m’ila ndɔl dɔ dee’g ləm, m’kunda njé gə́ na̰je bula mbuna dee’g ləma, m’tɔr yiŋga dɔ dee ləm tɔ ndá m’ar dee manrɔ dee gə ri Ala m’pana: Seḭ a karje ŋgan síje gə́ dené taa ŋgan deeje gə́ diŋgam el ləm, seḭ a taaje ŋgan deeje gə́ dené karje ŋgan síje gə́ diŋgam el ləma, seḭ kara a taa deeje el ləm tɔ.

Nehemi 7:46

Njéra kula kəi-Ala’d gə́ raje lé to ŋgaka Siha gə Hasupa gə Tabaot,

Nehemi 8:2

Bèe ɓa Esdras, njekinjanéməs ree gə maktub godndu lé no̰ koso-dəwje gə́ to diŋgamje gə denéje gə ŋganje gə́ d’askəm koo ta gər ginee. To ndɔ gə́ dɔtar mee naḭ gə́ njekɔm’g siri.

Nehemi 8:3

Esdras tura maktub lé ndaa-loo’d gə́ to tarəwɓee gə́ ria lə Rəw-Manje, un kudee gə ndɔ ya saar ar kàr aar daŋdɔ no̰ diŋgamje gə denéje gə ŋganje lai gə́ d’askəm koo ta gər ginee lé. Koso-dəwje lai d’ur mbi dee gèŋ dɔ maktub godndu’d gə́ yeḛ tura lé.

Nehemi 9:2

Deḛ gə́ to gə́ ginkoji Israɛlje lé d’ɔr rɔ dee gə́ raga rɔ deḛ lai gə́ to dəw-dɔ-ɓeeje’g ndá deḛ teggin kaiya lə dee ləm, gə néra kori-korije lə bɔ deeje-je ləm tɔ.

Pakɔsje 105:45

Gə mba kar dee tɔs ne kəm dee bao-bao dɔ ndukunje’g ləa lé ləm, Gə mba kar dee d’aa ne dɔ godndiaje kər-kər ləm tɔ. Pidije Njesigənea̰.

Pakɔsje 119:106

Ma lé m’un ndum gə rɔkubu ndá M’a kaar dɔ’g njaŋg Gə mba kaa ne dɔ godnduije gə́ meekarabasur ləi wɔji.

Pakɔsje 8:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-ko̰déje gə́ ɓaree gitit.

Pakɔsje 8:9

Gə ka̰jije gə́ dan baa-boo-kad’g ləma, Gə néje lai gə́ d’aw kəmba kəm-rəw-mán baa-boo-kad’g ləm tɔ.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Jeremi 26:4

A kula dee pana: Njesigənea̰ pa togə́bè pana: Ɓó lé seḭ ooje ta ləm gə mba njaa gə goo godndum gə́ m’unda no̰ sí’g el ləm,

Jeremi 34:15

Ɓogənè seḭ lé seḭ telje gə ndu sí ləm, seḭ telje raje né gə́ danasur kəm’g arje nana kara ila mber kila maree tar ləm, seḭ manje rɔ sí no̰m’g mee kəi gə́ rim ɓar dɔ’g ləm tɔ.

Ejekel 36:27

N’a kar ndil neḛ to meḛ sí’g ndá n’a kar sí unje goo ndukunje’g lə neḛ ləm, seḭ a kaaje dɔ godnduje lə neḛ kər-kər raje née ləm tɔ.

Ləbije 20:26

Seḭ a toje dəwje gə́ to gə kəmee doi mbata ləm, mbata ma nja m’to Njesigənea̰ gə́ m’to gə kəmee doi lé tɔ, ma m’kɔdə sí m’ɔr sí mbuna ginkoji dəwje gə raŋg’g mba kar sí toje kamaje ya doŋgɔ doi.

Bula lə Israɛlje 5:21

njekinjanéməs lé a kar dené neelé ndo̰ naji ɔm dɔ rəa’g ndá a kulá pana: Maji kar Njesigənea̰ ar ndɔl wa dɔi ləm, ar məəi ti njiriri ləm tɔ. Yee ɓa i a tel to ne gə́ nétɔji lə dəwje ləi loo gə́ deḛ d’a ndo̰ naji kɔm dɔ rɔ dee’g lé.

Tagə́maji gə́ Ja̰ ndang 1:17

Mbata ləw lé Moyis ree gə godndu ar sí nɛ noji gə kankəmta lé Jeju Kristi ɓa ree ne.

Tagə́maji gə́ Ja̰ ndang 15:14

Torndum gə́ ma m’un m’ar sí lé ɓó lé seḭ raje areeje ɔr rɔd ndá seḭ toje gə́ baokuraje ləm ya.

Tagə́maji gə́ Ja̰ ndang 7:19

Godndu lé see Moyis ar sí el wa. Nɛ dəw kára kara mbuna sí’g aa dɔ godndu neelé lé kər-kər el. See ban ɓa seḭ saŋgje rəw gə mba tɔlmje wa.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

Néra Njékaḭkulaje 17:34

Lé bèe kara njé gə́ na̰je dii ne rɔ dee gə rəa’g d’un ne meḛ dee asəna gə Deni gə́ to barkəm njégaŋ-rəwtaje gə́ d’isi dɔdərloo gə́ ria lə Areopajə ləm, gə dené kára ria lə Damaris ləma, gə njé gə́ raŋg sə dee ləm tɔ.

Néra Njékaḭkulaje 23:21

Maji kari taa ta lə dee el mbata deḛ bula dum rɔ-sɔ tɔs dɔ na̰ der-der gə mba kumee rəw, deḛ manrɔ dee bər-bər pana: N’a sɔje né el ləm, n’a kaije né el ləm tɔ saar n’a tɔlje darɔ Pool ya ndəd ɓa. Ɓasinè ya deḛ d’isi pèrèrè ŋgina kari ndigi sə dee ya.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Tel tura Godndu 33:4

Moyis ar sí godndu, Nédɔji lə koso-dəwje lə Jakob gə́ mbo̰ dɔ na̰ lé.

Tel tura Godndu 5:1

Moyis ɓar Israɛlje lai nea̰’g ula dee pana: Israɛlje, maji kar sí ooje ta godnduje gə ndukunje gə́ m’a gə kula sí ɓogənè. Maji kar sí taaje gə meḛ sí aaje dɔ dee kər-kər gə mba ra née.

Tel tura Godndu 5:32

Né gə́ Ala lə sí gə́ Njesigənea̰ un ndia dɔ’g gə mba kar sí raje lé seḭ a raje kaareeje ɔr rɔd ya, seḭ a kawje ne yo-yo nee-nee el.