Nehemi 1:6 - Maktub gə́ To gə Kəmee

⁶ maji kari ur mbii gèŋ ləm, gə teḛ kəmi ləm tɔ gə mba k’oo ne tamaji ləm ma, kura ləi gə́ m’ra tai’g lé. Ɓasinè, dan kàrá gə loondul’g lé, m’no̰ tai’g mbata lə kuraje ləi gə́ Israɛlje lé ya. M’teggin kaiya lə Israɛlje, kaiya lə sí gə́ jeḛ n’ra j’ɔsje ne ta ləi rəw lé. Mbata ma jeḛ gə gel-bɔje lə bɔmje lé jeḛ n’raje kaiya ya.

Nehemi 1:6 ပူးပေါင်းရင်းမြစ်များ

1 Mbaije 8:30

Maji kari tuga mbii oo ne ndòo ra lə kura ləi ləm, gə ka̰ koso-dəwje ləi gə́ Israɛl ləm tɔ, loo gə́ d’a ree mba ra tamaji lée’g neelé. Maji kari oo ndu dee loo-sii’d gə́ mee dara’g lé tɔɓəi loo gə́ i oo ndu dee ndá maji kari ar məəi oso lemsé dɔ dee’g ya.

1 Mbaije 8:47

ɓó lé deḛ nja d’ə̰ji ta meḛ dee’g mee ɓee-ɓər gə́ d’aw sə dee keneŋ ɓa deḛ tel ra ndòo rɔi’g mee ɓee gə́ d’aw sə dee gə́ ɓər keneŋ lé pa ne pana: Jeḛ n’raje kaiya, n’raje néje gə́ majel, jeḛ n’raje néje gə́ to lée’g el

2 Sôrta Gḭka Israɛlje 28:10

Bèe ɓa ɓasinè seḭ ə̰jije meḛ sí’g gə mba kwaje Judaje gə Jerusalemje gə́ ɓərje lə sí gə́ diŋgam gə njé gə́ dené. Nɛ seḭje kara see ta wa dɔ sí no̰ Njesigənea̰, Ala’g lə sí to el wa.

2 Sôrta Gḭka Israɛlje 29:6

Mbata bɔ síje-je ra kaiya, deḛ ra né gə́ majel kəm Njesigənea̰, Ala’g lə sí ləm, deḛ d’ubá d’yá̰ ləm, deḛ d’un kəm dee rəw dɔ kəi-kubu-kiŋga-na̰’g lə Njesigənea̰ ləma, deḛ tel gir dee d’ila d’aree ləm tɔ.

2 Sôrta Gḭka Israɛlje 6:40

Ɓasinè, əi Ala ləm, maji kar kəmi to jḛ̀ ləm, ur mbi gèŋ oo ne tamaji gə́ ra lée’g neelé ləm tɔ.

Esdras 10:1

Loo gə́ Esdras oso naŋg bəbərə gə mán-no̰ kəmee’g ra ne tamaji neelé teg ne gin kaiya neelé ndá koso-Israɛlje bula ree mbo̰ dɔ na̰ rəa’g, diŋgamje ləm, gə denéje ləma, gə ŋganje ləm tɔ, dəwje neelé no̰ gə mán-no̰ kəm dee’g ɓugudu-ɓugudu.

Esdras 10:11

Ɓasinè, maji kar sí tegje gin kaiya lə sí arje Njesigənea̰ gə́ to Ala lə bɔ síje-je ndá gə́ raje torndia. Undaje rɔ sí ɓad rɔ dəwje gə́ mee ɓee’g nee ləm, gə rɔ denéje gə́ to ginkoji gə́ raŋg’d ləm tɔ.

Nehemi 1:11

Ai, Mbaidɔmbaije, maji kari ur mbii gèŋ oo ne tamaji lə kura ləi ləm, gə tamaji lə kuraje ləi gə́ ndigi ɓəl rii ləm tɔ. Ɓogənè lé, ar kura ləi teḛkɔr ləm, aree taa kəm dəw neelé rəgm ləm tɔ! Mee ndəaje’g neelé ma m’to gə́ njekar mbai nékai ya.

Pakɔsje 102:17

Tɔgərɔ ya, Njesigənea̰ lé a tel kunda Sio̰ lé tar gogo ya, Yeḛ a riba dɔ rɔnduba ləa gə́ raga.

Pakɔsje 106:6

Jeḛ lé n’raje kaiya to gə́ bɔ síje-je bèe, Jeḛ lé n’raje néje gə́ kori-kori ləm, Jeḛ n’raje néje gə́ majel ya ləm tɔ.

Pakɔsje 130:2

Mbaidɔmbaije, maji kari oo ndum ya kari, Maji kari ur mbii gèŋ gə mba koo ne ndòo ra gə́ m’ra rɔi’g lé.

Pakɔsje 32:5

M’teggin kaiya ram m’ari ya. M’iya səi dɔ néra kori-kori ləm el tɔ, M’pana: M’a riba dɔ kaltaje ləm pərəg no̰ Njesigənea̰’g, Bèe ɓa i tuji bo̰ néra kaiya ləm gə́ a gə kɔs tam’g lé.

Pakɔsje 34:15

Maji kari unda rɔi ɓad dɔ néra gə́ majel’g ndá Ra né gə́ maji ləm, Maji kari saŋg meelɔm ai ne məəi sam-sam keneŋ ləm tɔ.

Pakɔsje 55:17

Nɛ ma lé m’ila ndum naŋg m’ra ne né wəl gə́ rɔ Ala’g lé, Ndá Njesigənea̰ lé a kajim ya.

Pakɔsje 88:1

Pakɔs lə Koréje gə́ bao-pa ɔs sə dee lé. Deḛ d’ɔs gə tébé-ro̰gje. To pakɔs lə Heman gə́ to ŋgoka Ejrak.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Nɔ̰-ndôo gə́ wɔji dɔ Jerusalem 5:7

Bɔ síje-je ɓa ra kaiya Ndá deḛ godo mba̰ Nɛ jeḛ ɓa j’isi j’oo ko̰-néra gə́ kori-korije lə dee.

Loo gə́ killa rea kəm Daniel’g 9:15

Ɓasinè, Mbaidɔmbaije Ala lə sí, i gə́ ar dəwje ləi d’unda loo mee ɓee gə́ Ejiptə teḛ gə ji siŋgamoŋ ləi gə́ ɓar mèr-mèr ləm, i gə́ iŋga ne riɓar saar teḛ ɓogənè ləm tɔ lé jeḛ ɓa jeḛ n’raje kaiya ləm, jeḛ n’raje néraje gə́ kori-kori ləm tɔ.

Loo gə́ killa rea kəm Daniel’g 9:20

Loo gə́ m’isi m’pata ya ɓəi ləm, m’ra tamaji ləm, m’teggin kaiya ləm gə kaiya lə dəwje ləm gə́ Israɛl ləma, m’ra ndòo rɔ Njesigənea̰ Ala’g ləma, m’wɔji ne dɔ mbal lə Ala ləm gə́ to gə kəmee ləm tɔ,

Loo gə́ killa rea kəm Daniel’g 9:4

Ma m’ra tamaji ta Njesigənea̰ Ala’g ləm, tɔɓəi m’tɔr ndum m’aree togə́bè m’pana: Ǝi Mbaidɔmbaije, Ala gə́ boo gə́ to ɓəl kədm-kədm lé, i gə́ aa dɔ manrɔ ləi kər-kər ləm, oo ne kəmtondoo lə deḛ gə́ d’undai dan kəm dee’g d’aa ne dɔ godnduije kər-kər ləm tɔ!

Loo gə́ killa rea kəm Daniel’g 9:5

Jeḛ n’raje kaiya ləm, jeḛ n’raje néraje gə́ kori-kori ləm, jeḛ n’toje njémeeyèrje gə njékaltaje ləma, godnduije gə tornduije lé j’uba dee j’ya̰ dee ləm tɔ.

Loo gə́ killa rea kəm Daniel’g 9:8

Ǝi Mbaidɔmbaije, rɔkul wa kəm síjeḛ ya, gə kəm mbaije lə sí ləm, gə kəm ŋgan-mbaije lə sí ləma, gə kəm bɔ síje-je ləm tɔ mbata jeḛ n’raje kaiya j’ɔsje ne ta ləi rəw ya.

Lugu 18:7

See Ala lé a ra rəwta lə dəwje ləa gə́ yeḛ ɔr dee unda dee gə kəmee gə́ to təa’g pəgə-pəgə dan kàrá gə loondul’g lé bel wa. See yeḛ a tila gə́ tila dɔ dee’g wa.

Lugu 2:37

Yeḛ si gə́ njekəisiŋga ɓəi ar ləbee aḭ rɔ-jinaijoo-giree-sɔ ndá yeḛ ya̰ mee kəi-Ala un gɔlee unda raŋg ndɔ kára el. Yeḛ wa Ala mée’g loondul’g gə dan kàrá ləm, ɔg ne mée ɓoo ta-ta ra ne tamaji təa’g ləm tɔ.

Njé gə́ Epesə 2:3

Jeḛ lai kara j’ɔm sə dee na̰’d tɔ ndá kédé lé jeḛ n’tɔlje ne mal né gə́ ra darɔ sí bém ləm, n’raje ne né gə́ darɔ sí gə meḛ sí ɓa wɔji ləma, n’toje ne ŋganje gə́ oŋg ɓa wɔji dɔ sí to gə́ njé gə́ raŋg lé ləm tɔ.

1 Timote 5:5

Dené gə́ to njekəisiŋga tɔgərɔ gə́ si gə karee ba lé yeḛ unda mée yel dɔ Ala’g ləm, yeḛ ra ne tamaji oso ne ndòo rəa’g ai ne mée sam-sam loondul’g gə dan kàrá ləm tɔ.

2 Timote 1:3

Ala gə́ kamje-je ra kula d’aree ləm, ma kara m’ra kula gə meekara m’aree ləm tɔ lé m’rəa oiyo mbata məəm olé dɔi’g am m’ɓar rii ta-ta loo ra tamaji’g ləm, loondul’g ləm, gə dan kàrá ləm tɔ.

1 Ja̰ 1:9

Ɓó lé jeḛ n’teggin kaiya lə sí gə́ raga ndá yeḛ to njemeenda londoŋ gə njemeekarabasur mba kar mée ti mbidi dɔ’g ləm, mba kɔr won néra gə́ kori-kori lə sí ɓə̰dərə-ɓə̰dərə ləm tɔ.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.