Nehemi 1:11 - Maktub gə́ To gə Kəmee

¹¹ Ai, Mbaidɔmbaije, maji kari ur mbii gèŋ oo ne tamaji lə kura ləi ləm, gə tamaji lə kuraje ləi gə́ ndigi ɓəl rii ləm tɔ. Ɓogənè lé, ar kura ləi teḛkɔr ləm, aree taa kəm dəw neelé rəgm ləm tɔ! Mee ndəaje’g neelé ma m’to gə́ njekar mbai nékai ya.

Nehemi 1:11 ပူးပေါင်းရင်းမြစ်များ

Gḭ-Néje 24:42

Ɓogənè ma m’teḛ kəm-rəw-mán’g ndá ma m’pana: Njesigənea̰, Ala lə ɓémje gə́ Abrakam, ɓó lé i ndigi kar mbá ləm gə́ m’aw lé wam maji ndá

Gḭ-Néje 32:11

Ma lé m’to dəw gə́ əḭ el gə́ m’askəm kari wa səm nojije ɓəd-ɓəd əsé mba ra səm meemajije ɓəd-ɓəd to gə́ i ra gə kura ləi lé el. Mbata ma m’gaŋg Jurdɛ̰ neelé gə kag-tɔs ba jim’g nɛ ɓasinè dəwje ləm bula as kam m’kai dee kudu dee joo ŋga.

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Gḭ-Néje 40:1

Gée gə́ gogo kuraje lə mbai gə́ Ejiptə joo ra né gə́ taa kəm ɓée deeje el. Yeḛ gə́ kára to njekaa dɔ njékaree nékaije ləm, maree to njekaa dɔ njéra muru kaareeje ləm tɔ.

Gḭ-Néje 40:2

Mee Parao̰ ea̰ dɔ kuraje’g ləa gə́ joo lé yeḛ gə́ to njekaa dɔ njékaree nékaije ləm, gə njekaa dɔ njéra muru kaareeje ləm tɔ.

Gḭ-Néje 40:21

Yeḛ tel gə kura ləa gə́ njekaa dɔ njékaree nékaije lé loo-kula karee nékaije’g lé gogo mba karee unda ŋgo-kai-né ji Parao̰’g ya

Gḭ-Néje 40:23

Nɛ lé togə́bè kara njekaa dɔ njékaree nékaije lé mée olé dɔ Jisəb’g el. Mée wəi dəa’g.

Gḭ-Néje 41:9

Yen ŋga njekaa dɔ njékaree nékaije lé un ta ula Parao̰ pana: Ɓogənè m’a gə kar məəm olé dɔ némajel’g ləm gə́ m’ra lé.

Gḭ-Néje 43:14

Maji kar Ala gə́ to Bao-siŋgamoŋ lé ar sí iŋgaje meekoso lemsé rɔ dəw’g neelé karee ya̰ loo ar ŋgoko̰ sí gə́ nu, deḛ gə Bḛjami lé tel ree sə sí na̰’d. Nɛ ma lé ɓó lé m’a gə kisi lal ŋganje ndá m’lal né ləm ya.

2 Sôrta Gḭka Israɛlje 6:40

Ɓasinè, əi Ala ləm, maji kar kəmi to jḛ̀ ləm, ur mbi gèŋ oo ne tamaji gə́ ra lée’g neelé ləm tɔ.

Esdras 1:1

Mee ləb ko̰ɓee gə́ dɔtar’g lə Sirus, mbai gə́ Persə lé Njesigənea̰ ar ta gə́ yeḛ pa gə ndu Jeremi lé aw lée’g béréré ya. Njesigənea̰ lé ɔs Sirus, mbai gə́ Persə lé ɓɔḭ-ɓɔḭ gə mba karee ar dee d’ila mber gə looje lai mee ɓeeko̰’g ləa ləm, gə ndaŋg taree mee maktub’g ləm tɔ pana:

Esdras 7:6

Esdras neelé ḭ Babilɔn ɓa ree Jerusalem. Yeḛ to njendaji-maktub gə bao-gər-gin-godndu Moyis gə́ Njesigənea̰ Ala lə Israɛlje un aree ləw lé. Tɔɓəi to gə́ ji Njesigənea̰ Ala ləa to dɔ Esdras’g ndá mbai ndigi səa dɔ né gə́ rara gə́ yeḛ dəjee’g lé tɔ.

Nehemi 1:6

maji kari ur mbii gèŋ ləm, gə teḛ kəmi ləm tɔ gə mba k’oo ne tamaji ləm ma, kura ləi gə́ m’ra tai’g lé. Ɓasinè, dan kàrá gə loondul’g lé, m’no̰ tai’g mbata lə kuraje ləi gə́ Israɛlje lé ya. M’teggin kaiya lə Israɛlje, kaiya lə sí gə́ jeḛ n’ra j’ɔsje ne ta ləi rəw lé. Mbata ma jeḛ gə gel-bɔje lə bɔmje lé jeḛ n’raje kaiya ya.

Nehemi 2:1

Mee naḭ gə́ ɓaree Nisa̰, mee ləb gə́ njekɔm’g rɔ-joo gə́ Artajerjɛs to ne mbai lé, loo gə́ yeḛ si ta ka-nésɔ’g ndá m’a gə kun mán-nduú gə́ mḭ lé kar mbai lé ya. Nɛ ma lé kédé m’aar nea̰’g m’ar kəm to ndòo ndɔ kára kara bèe el.

Nehemi 2:8

tɔɓəi a kam maktub kára mbata lə Asap, njekaa dɔ kag-mee-kɔrje lə mbai gə mba karee am kagje gə́ tɔl mba ra ne tarəwkəije lə kəi-kaar-kegoro gə́ to mbɔr kəi gə́ to gə kəmee’g ləm, gə mbata lə ndògo-bɔrɔ lə ɓee-boo ləma, gə mbata kəi gə́ m’a gə si keneŋ ləm tɔ. Mbai am maktubje neelé ya mbata ji Ala gə́ maji dum lé to dɔm’g.

Pakɔsje 106:46

Yeḛ ɔs njékwa dee gə́ ɓərje lé Ar meḛ dee aw taḭ-taḭ dɔ dee’g ləm tɔ.

Pakɔsje 130:2

Mbaidɔmbaije, maji kari oo ndum ya kari, Maji kari ur mbii gèŋ gə mba koo ne ndòo ra gə́ m’ra rɔi’g lé.

Pakɔsje 61:5

Ma m’ndigi si mee kəi-kubu’g ləi saar gə nɔm Gə mba kula ne dɔm pḛ́ ndil bagije’g

Pakɔsje 86:6

Njesigənea̰, maji kari ur mbii gèŋ oo ne tamaji ləm, Maji kari orè ne mbii ndəŋ dɔ ndukwɔi’g ləm ya kari.

Gosota-Kəmkàrje 1:29

Mbata deḛ d’ə̰ji négər bəḭ-bəḭ ləm, Deḛ ndigi ɓəl Njesigənea̰ el ləm,

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Jeremi 42:12

M’a kar mée aw taḭ-taḭ dɔ sí’g Ndá yeḛ a koo kəmtondoo lə sí ləm, Yeḛ a kya̰ loo kar sí síje Mee ɓee’g lə sí ləm tɔ.

Malasi 3:16

Gelee gə́ ne ɓa deḛ gə́ ɓəl Njesigənea̰ lé d’ula na̰ ta gə́ yo gə́ nee. Njesigənea̰ lé tuga mbia oo ne ta lə dee ndá deḛ ndaŋg maktub gə́ ka̰ kolé mee Njesigənea̰ nea̰’g mbata lə deḛ gə́ ɓəl Njesigənea̰ ləm, d’ila riɓar dɔ ria’g ləm tɔ.

Ǝbrəje 13:18

Raje tamaji mbata lə sí, ta gə́ meḛ sí lé ar meḛ sí oso naŋg po̰, mbata jeḛ ndiŋga rɔ sí mba ra néje lai gə goo rəbee.