Nahum 3:4 - Maktub gə́ To gə Kəmee

⁴ To mbata boo-néraje lə Ninibəje Gə́ to asəna gə néra kaiya-denéje Gə́ ra rɔ dee ma̰də ləm, ra goso su ne kəm loo ləm, Gə́ ndogo ne ginkoji dəwje gə raŋg gə nérakaiyaje lə dee ləma, Ndogo koso-dəwje gə nésukəmlooje lə dee ləm tɔ.

Nahum 3:4 ပူးပေါင်းရင်းမြစ်များ

Esai 47:8

Seḭ njékərkəmlooje lé Ɓasinè maji kar sí reeje ooje, Seḭ síje lɔm, Seḭ paje meḛ sí’g pajena: Seḭ nja gə kar sí Ɓó dəw gə́ raŋg kára kara godo, Seḭ nja gə́ kar sí ba ləm, Seḭ a síje gə́ njékəisiŋgaje nda̰ el ləma, A lalje ŋganje nda̰ el ləm tɔ.

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Ejekel 16:35

Gelee gə́ nee ɓa i Jerusalem gə́ to asəna gə kaiya-dené lé maji kari oo ta lə Njesigənea̰.

Loo gə́ killa rea kəm Ja̰’g 18:23

Pərndɔ a ndogó ɓee ləi el ŋga ləm, ndu njédené sigije gə denéje lə dee a ɓar ɓee’g ləi gogo el ŋga ləm tɔ, mbata njételkəmlarje ləi to dəwje gə́ boo dɔ naŋg nee ləm, mbata nésukəmlooje ləi lé i su ne kəm ginkoji dəwje gə raŋg lai su-su ləma,

Loo gə́ killa rea kəm Ja̰’g 18:9

Mbaije gə́ dɔ naŋg nee lai gə́ ndal səa mɔdkaiya ləm, d’uru səa na̰’d dan némajije gə́ d’al dɔ loo sula ləm tɔ lé d’a no̰ gə mán-no̰ kəm dee’g sii ne mbigi-mbigi mbata ləa loo gə́ d’a koo sa pər gə́ rée lé.