Nahum 3:3 - Maktub gə́ To gə Kəmee

³ Njérɔ gə kundaje d’aw kalaŋ ləm, Kiambasje lə dee kel pəji-pəji ləma, Niŋga-ndəije lə dee ndɔḭ pəl-pəl ləm tɔ. Koso-njérɔje gə́ bula digi-digi d’iŋga doo ləm, Nin dee to naŋg rib-rib ləm, D’wəi gə́ kédé-kédé ləma, Deḛ toso dɔ yoo na̰’g ləm tɔ.

Nahum 3:3 ပူးပေါင်းရင်းမြစ်များ

Gḭ-Néje 3:24

Togə́bè ɓa yeḛ tuba ne Adam bèe tɔɓəi yeḛ unda Nékundaje gə́ dara par gə́ bər lə loo-ndɔ gə́ Edḛ’g lé. Nékundaje gə́ dara neelé d’wa kiambas gə́ taa pər bilim-bilim ji dee’g ndá, deḛ biri tar widi-widi mba ŋgəm ne rəw gə́ wɔji dɔ kag-kəmə lé.

2 Mbaije 19:35

Mee til’g neelé kura lə Njesigənea̰ teḛ loo-si Asirije’g ndá yeḛ kunda dəwje tɔl dee as tɔl-dɔg-loo-tɔl gə dɔ dee rɔ-jinaijoo-gir-dee-mi (185.000). Loo gə́ d’ḭta gə ndɔ ndá aa ooje, nin dəwje ɓa to rib-rib nee.

Esai 34:3

D’odo yoo dee d’ɔm dɔ na̰’d rib-rib ləm, Nin dee ə̰də mbo̰ ləma, Məs dee kara ula dɔ mbal’g ləm tɔ.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Ejekel 39:4

I a kwəi dɔ mbalje gə́ Israɛl, i gə kudu-njérɔje ləi lai ləm, gə koso-dəwje gə́ d’a kaw səi lé ləm tɔ, n’a kari to nésɔ lə yelje gə́ njésɔ mar deeje ləm, gə néje lai gə́ gə bag dee ləma, gə daje gə́ wala ləm tɔ.

Ləbije 26:37

D’a dar na̰ yo gə́ nee to gə́ d’aar no̰ kiambas’g bèe, lal kar dəw korə dee. Seḭ a kiŋgaje siŋga sí mba kaar ne naŋg gəs no̰ njéba̰je’g lə sí el.

Nahum 2:4

Dərje gə́ njeboo-néje lə dee lé kas ləm, Njérɔje d’ula kubu gə́ kas njir-njir rɔ dee’g ləm tɔ. Pusu-rɔje gə́ ra gə larndul lé ndɔḭ lḛd-lḛd Mee ndɔ gə́ yeḛ wɔji njaŋg gə mba rɔ ne ləm, Deḛ d’wa niŋga-ndəije tar ləm tɔ.

Habakuk 3:11

Kàr gə naḭ d’aar loo-kaar dee’g régégé Gə goo ndɔḭ lə ɓandaŋgje ləi gə́ teḛ lé ləm, Gə goo ndɔḭ lə niŋga-ndəije ləi gə́ ndogó ləm tɔ.