Nahum 3:18 - Maktub gə́ To gə Kəmee

¹⁸ I mbai gə́ Asiri, njékul dəwje ləi lé toɓi, Bao-rɔje ləi d’wa rɔ dee, Koso-dəwje ləi sané na̰ dɔ mbalje’g Ndá dəw kára kara gə́ njembo̰ dee dɔ na̰’d godo.

Nahum 3:18 ပူးပေါင်းရင်းမြစ်များ

1 Mbaije 22:17

Mise tel ilá keneŋ pana: Ma m’oo Israɛlje lai gə́ sanéna̰ dɔ mbalje’g To gə́ badje gə́ njekul dee godo bèe, Bèe ɓa Njesigənea̰ pana: Dəwje neelé ɓée deeje godo. Maji kar nana kara tel ree mee kəi’g ləa gə meekulɔm ya.

Teḛ-Raga 15:16

Ɓəl gə ndəb lé a teḛ dɔ dee’g wai, Gə goo siŋgamoŋ lə jii lé ɓa D’a tel kisi ne dɔ mundu to gə́ mbal bèe, Saar njen kar dəwje ləi dəs d’aw, əi Njesigənea̰, Saar njen kar dəwje gə́ i uga dee lé dəs d’aw ya.

Esai 13:14

Bèe ɓa asəna gə ndooi gə́ tubá ləm, Gə badə-kosoje gə́ njekul dee godo ləm tɔ lé Nana kara a tel gə́ rɔ dəwje’g ləa ləm, Nana kara a kaḭ gə́ ɓee ləa ləm tɔ.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Jeremi 50:18

Gelee gə́ nee ɓa Njesigənea̰ gə́ njeboo-néje gə́ to Ala lə Israɛlje lé pa ne togə́bè pana: Aa ooje, m’a kar bo̰ néra mbai gə́ Babilɔn ɔs təa’g to gə́ m’ar bo̰ néra mbai gə́ Asiri ɔs təa’g bèe tɔ.

Jeremi 51:39

Loo gə́ meḛ dee nuŋga kəd-kəd ndá M’a kar dee d’ai né ndá M’a karee ra dee kar dee D’ya̰ rɔ dee yag dan rɔlel’g ləm, Kar dee d’oso gə ɓi gə́ to gə no̰ ɓó D’a ndel dɔ ɓi’g lé gogo el ŋga ləm tɔ. Njesigənea̰ ɓa pa bèe.

Jeremi 51:57

M’a kar nékai ra njékaa dɔ ɓeeko̰je ləa ləm, gə njékəmkàrje ləa ləm, gə njéguburuɓeeje ləa ləm, gə mbaije ləa ləma, gə bao-rɔje ləa ləm tɔ. D’a koso gə ɓi gə́ to gə no̰ pərəg ɓó d’a ndel dɔ ɓi’g neelé el ŋga. Mbai gə́ ria lə Njesigənea̰ gə́ njeboo-néje lé ɓa pa bèe.

Loo gə́ killa rea kəm Ja̰’g 6:15

Mbaije gə́ dɔ naŋg nee ləm, gə dəwje gə́ boo ləm, gə ɓé-njérɔje ləm, gə baoje ləm, gə njésiŋgamoŋje ləm, gə ɓərje lai ləma, gə ŋgankojije bura ləm tɔ lé deḛ dəb rɔ dee bolè mbalje’g gə mbuna mbalje’g.