Nahum 3:13 - Maktub gə́ To gə Kəmee

¹³ Aa ooje, koso-dəwje lə sí to d’asəna gə denéje gə́ mee ɓee’g lə sí ləm, Tarəwkɔgje lə ɓee lə sí teḛ to tag bə̰dəŋ no̰ njéba̰je’g lə sí ləma, Pər roo pəgərə tarəwje lə sí ləm tɔ.

Nahum 3:13 ပူးပေါင်းရင်းမြစ်များ

Pakɔsje 107:16

Mbata yeḛ təd tarəwkəije gə́ ra gə lar gə́ kas lé kərm-kərm ləm, Kɔgərɔ larndul lé yeḛ təd kərm-kərm ləm tɔ.

Pakɔsje 147:13

Mbata yeḛ ar pəgərə tarəwkəije lə sí kiriŋ kiriŋ-kiriŋ ləm, Yeḛ tɔr ndia dɔ ŋganje síje gə́ d’isi mbuna sí’g ləm tɔ.

Esai 19:16

Mee ndəa’g neelé Ejiptəje d’a to kasəna gə denéje, d’a kunda bala ləm, d’a ɓəl ləm tɔ loo gə́ d’oo ji Njesigənea̰ gə́ njeboo-néje gə́ ula gə́ dɔ dee’g ləm, loo gə́ yeḛ un jia gə́ tar rɔ ne sə dee ləm tɔ.

Jeremi 50:36

Ɔrje kiambas wɔjije ne njéteggintaje gə́ ŋgɔm! Ar deeje tel to d’asəna gə mbəje! Ɔrje kiambas wɔjije ne bao-rɔje! Arje ɓəl unda dee ɓad gaŋg dee!

Jeremi 50:37

Ɔrje kiambas wɔji ne Kundaje lə dee gə pusu-rɔje lə dee! Wɔjije ne dəwje gə́ gə gel dee gel dee Gə́ d’isi mbuna dee’g! Maji kar dee tel to d’asəna gə denéje! Ɔrje kiambas wɔjije ne nébaoje lə dee! Maji kar dee d’odo dee mbad-mbad Gə́ nébanrɔ ya!

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Abdias 1:9

Ǝi Teman, njérɔje ləi lé ɓəl a kunda dee badə gaŋg dee Mbata deḛ lai gə́ dɔ mbal’g lə Edɔm lé D’a kwəi yoo-məs ya mburug-mburug.

Nahum 2:6

Yeḛ ar mée olé dɔ bao-siŋgamoŋje’g ləa Nɛ deḛ d’unda ndolè rəw-kaw dee’g, Deḛ d’ɔs rɔ dee ɓad gə́ kaar ndògo-bɔrɔ’g ləm, Deḛ d’wa dɔ gɔl rɔ dee mba kaḭ ne bada dɔ ɓee’g ləm tɔ.

Nahum 2:7

Léegəneeya d’ɔs tarəwje gə́ aw gə́ baa-booje’g lé təd Ar dee to tag ləm, Kəi-mbai kara jura naŋg ləm tɔ.

Nahum 3:15

Nɛ lé neelé ɓa pər a roo sí keneŋ ləm, Kiambas a tuji sí pugudu ləma, A tuji sí to gə́ beedéje bèe ləm tɔ. Maji kar sí toje dɔ na̰’d rib-rib to gə́ ndirikɔrje bèe ləm, Toje dɔ na̰’d rib-rib to gə́ beedéje bèe ləm tɔ!