Nahum 2:5 - Maktub gə́ To gə Kəmee

⁵ Deḛ d’aḭ gə pusu-rɔje lé gə rəwje ləm, D’aw yo gə́ nee ndaa-looje’g ləm tɔ, Loo gə́ oo dee ndá a pana: To pərŋgelje, Deḛ d’aḭ to gə́ ndi gə́ tel bèe.

Nahum 2:5 ပူးပေါင်းရင်းမြစ်များ

Esai 21:5

Deḛ ra loo-nésɔ lə dee ləm, D’ɔm twaje naŋg ləma, Deḛ d’usɔ gə d’ai ləm tɔ. Seḭ mbaije, ḭje tar! Ubuje ubu dərje’g lə sí!

Esai 5:27

Dəw kára kara mbuna dee’g dao el ləm, Dəw kára kara ndɔr gɔlee el ləma, Ɓi wa kəm dəw kára kara el Ar dəw kara toɓi el ləm tɔ. Dəw kára kara tudu ta ndar ləa el ləm, Kula ta markob ləa gaŋg el ləm tɔ.

Jeremi 46:12

Ginkoji dəwje gə raŋg d’oo Ta nérɔkul gə́ teḛ dɔi’g ləm, Gə́ kiije ləi gə́ ɓar Taa naŋg nee pəl-pəl ləm tɔ, Mbata njérɔje d’unda ndolè dɔ na̰’g ləm, Deḛ lai tɔr toso na̰’d ləm tɔ.

Jeremi 50:29

Ɓarje njérɔ ɓandaŋgje Ar deeje d’aw rɔ gə Babilɔn, Seḭ lai gə́ toje njéra gama rɔ ɓandaŋgje lé. Aḭje dəa sub arje dəw kára kara Teḛ aḭ el ləm, Raje səa gə goo kula reaje ləma, Raje səa areeje aw na̰’d béréré Gə kea̰ gə́ yeḛ ra lé ləm tɔ. Mbata beelé ḭ səa dɔ Njesigənea̰’d Gə́ to Njerɔkunda lə Israɛlje lé.

Nahum 2:6

Yeḛ ar mée olé dɔ bao-siŋgamoŋje’g ləa Nɛ deḛ d’unda ndolè rəw-kaw dee’g, Deḛ d’ɔs rɔ dee ɓad gə́ kaar ndògo-bɔrɔ’g ləm, Deḛ d’wa dɔ gɔl rɔ dee mba kaḭ ne bada dɔ ɓee’g ləm tɔ.

Nahum 3:18

I mbai gə́ Asiri, njékul dəwje ləi lé toɓi, Bao-rɔje ləi d’wa rɔ dee, Koso-dəwje ləi sané na̰ dɔ mbalje’g Ndá dəw kára kara gə́ njembo̰ dee dɔ na̰’d godo.

Nahum 3:3

Njérɔ gə kundaje d’aw kalaŋ ləm, Kiambasje lə dee kel pəji-pəji ləma, Niŋga-ndəije lə dee ndɔḭ pəl-pəl ləm tɔ. Koso-njérɔje gə́ bula digi-digi d’iŋga doo ləm, Nin dee to naŋg rib-rib ləm, D’wəi gə́ kédé-kédé ləma, Deḛ toso dɔ yoo na̰’g ləm tɔ.

Habakuk 1:8

Kundaje lə dee d’aiŋgwɔd kalaŋ d’unda daje gə́ tana gə da-kàgje bèe ləm, Deḛ d’ila riŋga d’unda jagmjərje gə́ kàrkemetag bèe ləma, Njérɔ gə kundaje lə dee ti rɔ dee D’aw ne kəm dee gə́ kédé-kédé ləm tɔ. Njérɔ gə kundaje lə dee lé d’ḭ əw ɓa ree ləm, Deḛ d’aw gə tɔg dee to gə́ niŋgatə̰də Gə́ nar gə bagee dəb dɔ nékwa’g ləa bèe ləm tɔ.