Nahum 2:3 - Maktub gə́ To gə Kəmee

³ Mbata Njesigənea̰ tel gə rɔnduba ula dɔ ŋgaka Jakobje’g gogo ləm, Yeḛ tel gə rɔnduba ula dɔ ŋgaka Israɛlje’g ləm tɔ. Mbata gayim-dəwje d’unda dee banrɔ ləm, Tuji kag-nduúje lə dee ləm tɔ.

Nahum 2:3 ပူးပေါင်းရင်းမြစ်များ

Maktub gə́ wɔji dɔ Jɔb 39:23

Kaa ku ɓandaŋg ɓar dəa’g kogoro-kogoro ləm, Nḭga-ndəi gə niŋga-dubu ndɔḭ pəl-pəl rəa’g ləm tɔ.

Pakɔsje 80:13

See gelee ban ɓa i unda ndògoje ləa naŋg rə̰dəŋ-rə̰dəŋ Gə mba kar deḛ lai gə́ dəs lé ndá Tḭja ne ka̰dee mbad-mbad wa.

Esai 14:8

Kag-siprɛsje gə kag-sɛdrəje gə́ Liba̰ kara D’al rɔ dee d’wɔji ne dɔ koso ləi pana: Loo gə́ i oso ya saar ɓasinè lé Dəw kára kara ḭ gə mba tuga sí el.

Ejekel 23:24

Deḛ d’a kɔr rɔ kaw rɔ səi gə nérɔje, gə pusu-rɔje, gə ŋgan pusuje ləm, gə koso-dəwje ləm tɔ, d’a kḭ gə looje ɓəd-ɓəd gə dərje gə́ boi-boi ləm, gə ŋgan dərje ləma, gə dɔgugu-rɔje ləm tɔ gə mba ree rɔ ne səi. N’a kɔm rəwta-gaŋg ji dee’g kar dee gaŋg rəwta dɔi’g gə goo godnduje lə dee.

Ejekel 26:7

Mbata Mbaidɔmbaije gə́ Njesigənea̰ pa togə́bè pana: Aa ooje, neḛ n’a kar Nebukadnesar, mbai gə́ Babilɔn gə́ to mbai gə́ ur dɔ mbaije’g lé ḭ par gə́ dɔgel mba kaw rɔ gə Tirje gə kundaje, gə pusu-rɔje, gə njékal kundaje, gə koso-dəwje gə́ bula digi-digi.

Nahum 3:2

Aa ooje, kaa ndəi gə kaa gɔl pusu-rɔje gə kaa gɔl kundaje Ɓar keneŋ ləm, Kaa pusu-rɔje gə́ nduburu lé kara ɓar keneŋ ləm tɔ.

Jakari 1:8

Ma m’aa loo gərərə loondul’g ndá aa oo, dəw kára uba kunda-ndai ndá yeḛ aar mbuna bèmèje gə́ wəl-loo’g. Loo gə́ goo njekunda-ndai’g lé ndá kunda-ndaije gə kunda-ndulije d’aar keneŋ tɔ.

Jakari 11:2

Seḭ kag-siprɛsje, maji kar sí no̰je siije mbigi-mbigi Mbata kag-sɛdrəje lé toso ləm, Kagje gə́ ŋgal pur-pur lé tuji mba̰ ləm tɔ. Seḭ kag-sɛnəje gə́ Basan lé Maji kar sí no̰je siije mbigi-mbigi Mbata kag-kɔrje gə́ dəw askəm kandə keneŋ el lé Tuji mbad-mbad.

Jakari 6:2

Pusu-rɔ gə́ dɔtar lé kunda-margwɔije ɓa ndɔr ləm, pusu-rɔ gə́ njekɔm’g joo lé kundaje gə́ ndul ɓa ndɔr ləm,

Loo gə́ killa rea kəm Ja̰’g 12:3

Néɓəl gə́ raŋg teḛ dara to: Aa ooje, to dakɔb gə́ kas gə́ dəa siri ləm, gajee dɔg ləma, dɔgugu to dəa’g kára-kára siri ləm tɔ.

Loo gə́ killa rea kəm Ja̰’g 6:4

Ndá kunda-ndai teḛ raga. Njekubá lé d’un ndu dee d’aree gə mba karee ar meelɔm gə́ dɔ naŋg neelé udu bo̰ ləm, gə mba kar koso-dəwje gaŋg gwɔs na̰ ləm tɔ. D’aree kiambas gə́ boi pəmə tɔ.