Nahum 2:1 - Maktub gə́ To gə Kəmee

¹ Aa ooje, njekaḭkula gə́ ila mber meelɔm lé ɓa Kaa gɔlee ɓar dɔ mbal’g kən! Seḭ gə́ Juda lé maji kar sí raje naḭje lə sí ləm, Tɔlje ne ta ndukunje lə sí bém ləm tɔ! Mbata njemeeyèr a dəs mbuna sí’g el ŋga. Yeḛ udu guduru ya.

Nahum 2:1 ပူးပေါင်းရင်းမြစ်များ

2 Sôrta Gḭka Israɛlje 25:8

Ɓó lé i aw sə dee lé lé i a rɔ gə siŋgamoŋgi ya kara, Ala a kari oso naŋg no̰ njeba̰’g ləi mbata Ala siŋgá as mba la səi ləm, as mba kari oso ləm tɔ.

Pakɔsje 50:14

Maji kar néra oiyo ɓa to gə́ nékinjaməs gə́ seḭ injaje arje Ala Gə mba tɔl ne ta ndukunje lə sí bém kar Njekurdɔloo’g.

Pakɔsje 65:2

Ǝi Ala, d’a pidii Kɔm ne meḛ dee dɔi’g mee ɓee gə́ Sio̰’g, Ndukunje gə́ d’un d’ari lé kara D’a ra tɔl bém ya tɔ.

Esai 14:6

Yeḛ gə́ oŋg ḭ səa jugugu Aree kunda ginkoji dəwje gə raŋg Gə́ kédé-kédé lal kəw rəa ləm, Yeḛ gə́ oŋg ḭ səa Aree dum dɔ ginkoji dəwje gə raŋg ləm tɔ lé D’ula kəmee ndòo lal kunda ŋgaŋgee.

Esai 29:7

Ginkoji dəwje gə raŋg gə́ bula digi-digi lé D’a teḛ kaw rɔ gə Ariel ləm, Deḛ lai d’a rɔ səa-yeḛ gə kəi-kaar-kɔgərɔ ləa ləma, D’a kaḭ dəa sub kwá kègègè ləm tɔ Asəna gə néni gə némḭdi gə́ teḛ loondul’g bèe.

Esai 29:8

Asəna gə dəw gə́ ɓó tɔlee ndá ni pana: Neḛ n’usɔ né, Tɔɓəi loo gə́ ḭ dɔ ɓi’g ndá Mée to wəl ləm, Asəna gə dəw gə́ kṵdaman tɔlee ndá ni pana: N’ai mán Nɛ loo gə́ ndel dɔ ɓi’g ndá Kṵdaman tɔlee gə́ kédé-kédé ar siŋgá godo ləm tɔ, A to togə́bè ya to gə ginkoji dəwje gə raŋg gə́ bula digi-digi Gə́ d’a ree gə mba rɔ Gə́ njé gə́ d’isi dɔ mbal gə́ sio̰ lé.

Esai 52:7

Dəw gə́ ḭ dɔ sém mbal’g ree ula sí tagə́maji ləm, Gə́ ila mber ta gə́ wɔji dɔ meekulɔm ləm, Yeḛ gə́ ula sí tagə́maji ləm, Gə́ ila mber ta gə́ wɔji dɔ kaji ləma, Yeḛ gə́ ula njé gə́ Sio̰ pana: Ala lə sí lé o̰ ɓee ləm tɔ lé Gɔlee to njam-njam.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 50:23

Deḛ guree rug-rug ləm, D’iree njigi-njigi ləm tɔ! Babilɔn lé tuji pugudu Mbuna ginkoji dəwje gə raŋg’g!