Nahum 1:9 - Maktub gə́ To gə Kəmee

⁹ See ta ɗi ɓa seḭ la̰jije meḛ sí’g Mba kɔs ne Njesigənea̰ rəw wa. To yeḛ nja tuji loo pugudu-pugudu. Néurti lé a teḛ gɔl joo el.

Nahum 1:9 ပူးပေါင်းရင်းမြစ်များ

2 Samel 20:10

Amasa unda kəmkàr dɔ rəa’d gə mbata kiambas gə́ to ji Joab’g lé el, ndá Joab ɔs ne mée mbudu ɔm ŋgan siḭyee naŋg lal kɔsee jia joo ndá Amasa wəi tɔ. Joab, deḛ gə ŋgokea̰ Abisai d’aw korə Seba, ŋgolə Bikri lé.

Pakɔsje 21:11

I a kar ginkadɔg deeje sané pá dɔ naŋg nee ləm, Ginkoji dee kara a kudu bo̰ mbuna dəwje’g ləm tɔ.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 28:22

Ɓasinè maji kar sí ya̰je rɔ sí dan nékula sul dɔ’g el nà banelə kúla gə́ d’wa sí ne lé a ŋgəŋ ŋgəŋ-ŋgəŋ. Mbata ta tuji ɓeeje lai lé to njaŋg mba̰, ma m’oo taree rɔ Mbaidɔmbaije gə́ Njesigənea̰ gə́ njeboo-néje’g.

Jeremi 51:64

ndá i a pa ne togə́bè pana: Babilɔn a ndii mán togə́bè ləm, némeekonje gə́ Njesigənea̰ a kar dee ree dəa’g lé d’a kɔr dəa’g el ləm tɔ, deḛ d’a koso naŋg kunda ndolé. Yee nee ɓa to rudu taje lə Jeremi.

Ejekel 21:5

Ma m’pana: Ǝi Mbaidɔmbaije gə́ Njesigənea̰! Deḛ pata d’ila dɔm’g pana: See ma m’to njepa gosotaje lé el wa.

Ejekel 7:5

Mbaidɔmbaije gə́ Njesigənea̰ pa togə́bè pana: Némeeko̰, némeeko̰ gə́ garee godo! Aa ooje, yee lé si ree!

Ojee 7:15

Ma m’ndoo dee m’ar ji dee ɓar mèr-mèr, Nɛ lé bèe kara deḛ la̰ji tor majel meḛ dee’g dɔm’g.

Nahum 1:11

Yeḛ gə́ la̰ji tor né gə́ majel Mba kɔs ne Njesigənea̰ rəw ləm, Yeḛ gə́ wɔji némeeyèrje mée’g gə mba ra ləm tɔ lé Ḭ rɔi’g ya.

2 Njé gə́ Kɔrḭtə 10:5

Nérɔje lə sí lé jeḛ j’unda ne tamaḭje gə nébeeléje lə dəwje gə́ ḭ udu rəw ɔg dee gər ta lə Ala j’unda dee ne naŋg rə̰dəŋ-rə̰dəŋ ləm, takə̰ji lə dəwje lai lé jeḛ n’kiri dee j’wa dee j’ar dee d’oso kul no̰ Kristi’g ləm tɔ.

1 Samel 26:8

Yen ŋga Abisai ula Dabid pana: Ɓogənè Ala ila njeba̰ ləi meḛ jii’g. M’ra ndòo rɔi’g, ya̰ loo am m’ɔsee gə ko̰-niŋga ya, m’a kɔsee ji kára ba ya kɔree naŋg ɓó m’a tel kɔsee ji joo el.

1 Samel 3:12

Mee ndəa’g neelé ta néje lai gə́ m’pa m’wɔji ne dɔ Eli gə dɔ njémeekəije ləa lé m’a kar dee d’aw lée’g béréré ya. M’a kun kudu ra ləm, m’a tɔl taree bém ləm tɔ.