Nahum 1:5 - Maktub gə́ To gə Kəmee

⁵ Mbalje yə ɓugu-ɓugu nea̰’g ləm, Dɔdərlooje ləŋg təji-təji ləm tɔ: Naŋg kara ula déréré-dèrèrè nea̰’g ləm, Dɔ naŋg gə dəwje lai gə́ d’isi keneŋ ləm tɔ.

Nahum 1:5 ပူးပေါင်းရင်းမြစ်များ

2 Samel 22:8

Naŋg yə bura ɓugu-ɓugu ləm, Ar gin dara kara ɓar bura ɗigi-ɗigi ləm tɔ. Néje neelé yə mbata mee Ala gə́ ḭ səa pu.

Maktub gə́ wɔji dɔ Jɔb 26:11

Gajije gə́ ka̰ gəd dara yə, Deḛ ndəb pəd-pəd mbata ndaŋg ləa.

Maktub gə́ wɔji dɔ Jɔb 9:5

Yeḛ ŋgəs gə mbalje gə́ raŋg lal kar dee gər ləm, Yeḛ ɓugu dee naŋg gə oŋg ləa ləm tɔ.

Pakɔsje 104:32

I ila kəmi dɔ naŋg’d ndá naŋg lé yə, I ɔrɔ rɔ mbalje gə ŋgaw jii ndá Sa uba keneŋ ŋgɔg-ŋgɔg.

Pakɔsje 114:4

Mbalje lé tal jagəra-jagəra to gə́ bàl bya̰je bèe ləma, Dɔ diŋgri mbalje lé kara tal jagəra-jagəra asəna gə ŋgan badje bèe ləm tɔ.

Pakɔsje 114:6

Seḭ mbalje lé See ɗi ɓa ra sí ɓa talje jagəra-jagəra to gə́ bàl bya̰je bèe wa. Esé seḭ dɔ diŋgri mbalje lé See ɗi ɓa ra sí ɓa tel talje jagəra-jagəra asəna gə ŋgan badje ne ɓəi wa.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Pakɔsje 18:8

Naŋg yə bura ɓugu-ɓugu Ar gin mbalje kara ɓar bura ɗigi-ɗigi tɔ. Néje neelé yə mbata mee Ala gə́ ḭ səa pu lé.

Pakɔsje 46:6

Ala si mee ɓee’g neelé, né a yə ŋgirá el, Ala la səa un kudee taginloo’g.

Pakɔsje 68:8

Ǝi Ala, loo gə́ i teḛ gə́ ŋgaw ta koso-dəwje ləi lé ləm, Loo gə́ i njaa no̰ dee’g mee dɔdilaloo’g ləm tɔ lé

Pakɔsje 98:7

Maji kar kaa baa-boo-kad gə néje lai gə́ to keneŋ lé Ɓar ɔr loo lɔi-lɔi ləm, Maji kar deḛ lai gə́ d’isi dɔ naŋg neelé Nduba rɔ dee gə boo-rɔkal ləm tɔ.

Teḛ-Raga 19:18

Mbal gə́ Sinai lé sa pər taa pəl-pəl mbata Njesigənea̰ ḭ tar ree uru naŋg keneŋ dan pər’g, sa pər neelé uba ŋgɔg-ŋgɔg asəna gə sa pər mbo-boo bèe ndá mbal neelé bura ya yə ɓugu-ɓugu.

Esai 24:1

Aa ooje, Njesigənea̰ a gə tuji ɓee karee tel to dɔ nduba ləm, Yeḛ a kar dɔ naŋg tel wagəsa ləma, A sané dəwje gə́ d’isi keneŋ kad-kad ləm tɔ.

Esai 24:20

Dɔ naŋg ləŋg təji-təji To gə́ dəw gə́ kido tɔlee bèe ləm, Yee ləŋg to gə́ kəi-ləw bèe ləm tɔ, Kaiya ləa wɔi dəa’g Ndá yee oso nɛ tel ḭ tar gogo el.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 4:24

M’aa dɔ mbalje ndá Aa oo, deḛ yə ɓugu-ɓugu ləm, Dɔdərlooje d’ula déréré-dèrèrè ləm tɔ.

Ejekel 38:20

Ka̰jije gə́ dan baa-boo-kad’g ləm, gə yelje gə́ pə̰ dara’g ləm, gə daje gə́ wala ləm, gə néje lai gə́ d’ag naŋg gə ta mee dee ləma, gə dəwje lai gə́ dɔ naŋg nee ləm tɔ lé d’a kunda bala tigi-tigi no̰ neḛ’g. Mbalje d’a tɔr toso ləm, biri mbalje d’a jura naŋg ləma, ndògo-bɔrɔje lai d’a təd kərm-kərm ləm tɔ.

Joɛl 2:10

Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Amɔs 9:5

Mbaidɔmbaije gə́ Njesigənea̰ gə́ njeboo-néje lé Ɔrɔ dɔ naŋg aree yə ɓugu-ɓugu ləm, Dəwje lai-lai gə́ d’isi keneŋ lé D’isi dan kəmndooyoo’g ya ləm tɔ. Naŋg ḭ bura asəna gə baa bèe ləm, Yee rəm asəna gə baa gə́ Ejiptə bèe ləm tɔ.

Misee 1:4

Mbalje léḛ gel gɔlee’g sələlə-sələlə To gə́ ya̰-tḛji léḛ ne ta pər’g bèe ləm, Kəm wəl-looje ta̰ To gə́ mán ula ne loo gə́ suru ɗum’g bèe ləm tɔ.

Habakuk 3:10

Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Jakari 4:7

I mbal gə́ boi lé see i to gə́ ɗi ɓa no̰ Jorobabel’g wa. Jorobabel a kari asəna rai-rai. Yeḛ a kɔr ne rudu kɔr mbal kunda ne sém kəi gə́ tar Dan ndu dəwje gə́ ɓar wəl-wəl’d gə́ pana: Maji péd-péd! Maji péd-péd!

Matiyo 27:51

Yen ŋga kubu gə́ gaŋg ne mee kəi-Ala lé un tar til dana njal uru naŋg jig ləm, naŋg yə ləm, mbalje kara ta̰ ɓəgəgə-ɓəgəgə ləma,

Matiyo 28:2

Aa ooje, dɔ naŋg yə ɓugu-ɓugu mbata kura lə Mbaidɔmbaije ḭ dara nar uru naŋg nduburu biri mbal gə́ boi uba dəa gao si’g.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Loo gə́ killa rea kəm Ja̰’g 6:14

Dara kə́ dɔ na̰’d mber-mber to gə́ maktub gə́ kə́ na̰’d mber-mber bèe tɔɓəi mbalje gə dɔgoré-looje lé dee ŋgəs d’ya̰ loo-to dee gə́ kédé.

Njéga̰g-Rəwtaje 5:5

Dɔ mbalje d’ula déréré-dèrèrè no̰ Njesigənea̰’g ləm, Sinai nee gə́ to no̰ Njesigənea̰, Ala’g lé lə Israɛlje kara yə ləm tɔ.