Nahum 1:4 - Maktub gə́ To gə Kəmee

⁴ Yeḛ ḭ gə baa-boo-kad aree tudu kurum-kurum ləm, Yeḛ ar mán baaje lai d’yi tə-tə ləm tɔ. Dɔ mbalje gə́ Basan gə Karmel lé d’wəi mbugu-mbugu ləm, Puduje gə́ Liba̰ gəḭ ləm tɔ.

Nahum 1:4 ပူးပေါင်းရင်းမြစ်များ

Gḭ-Néje 8:1

Mee Ala olé dɔ Noe’g gə dɔ daje’g lai, gə dɔ nékulje’g lai gə́ d’aar səa mee kəi-kag’d lé. Ala ar lel ula dɔ naŋg nee ndá mán lé rəm.

2 Samel 22:16

Ǝi Njesigənea̰, gə goo taji gə́ i taji dee ləm, Gə goo ndu kəmə gə́ teḛ əmi’g ləm tɔ lé Dɔ diŋgri loo gə́ gel manje teḛ ləm, Gin naŋg nee kara teḛ raga ndəgəsə kəm dee’g ləm tɔ.

Maktub gə́ wɔji dɔ Jɔb 38:11

Gə loo gə́ ma m’ulá m’pana: Yee a ree saar kunda ŋgaŋgee nee ɓó Yee a dəs kaw raŋg el ləma, Lée neelé tuŋga poŋgm-poŋgm lə paŋgəm manee a kaar naŋg nee ləm tɔ lé wa.

Pakɔsje 104:7

Ta ndaŋg gə́ i ndaŋg dee lé Manje d’aḭ gə́ kédé ləm, Kaa ndi ləi gə́ ndaŋg lé Ar dee tudu kurum-kurum ləm tɔ.

Pakɔsje 106:9

Yeḛ ḭ gə baa-boo-kad gə́ ria lə Baa-Kas lé aree yi tə Ya̰ rəw ar dee njaa kəm wəlee’g lé Asəna gə dɔdilaloo bèe ya.

Pakɔsje 114:3

Baa-boo-kad lé oo né neelé ndá Aḭ aw əw ləm, Man baa gə́ Jurdɛ̰ lé kara Rəm ula gə́ gogo ləm,

Pakɔsje 114:5

I Baa-boo-kad lé See ɗi ɓa rai ɓa aḭ aw əw bèe wa. Esé i mán baa gə́ Jurdɛ̰ lé See ɗi ɓa rai ɓa i rəm ula ne gə́ gogo ɓəi wa.

Pakɔsje 18:16

Ǝi Njesigənea̰, gə goo kḭ gə́ i ḭ sə dee ləm, Gə goo ndu kəmə gə́ i aree teḛ əmi’g ləm tɔ lé Dɔ diŋgri-loo gə́ gel manje’g teḛ ləm, Gin naŋg nee kara teḛ raga ndəgəsə kəm dee’g ləm tɔ.

Pakɔsje 74:15

I ar kəm-rəw-manje gə ŋgira-manje tuba tir-tir ləm, Man baaje gə́ d’yi kédé gə́ ləw el lé I ar dee tudu kurum-kurum ləm tɔ.

Esai 33:9

Ɓee lé si dan kəmndoo’g gə dan némeeko̰’g, Liba̰je d’isi dan rɔkul-boo’g ar siŋga dee yɔ. Saron tel to asəna gə dɔdilaloo, Basan gə Karmel lé d’ar kam dee gəḭ naŋg to gə́ kam kag bèe.

Esai 42:15

M’a tuji dɔ mbalje gə dɔdərlooje pugudu-pugudu ləm, M’a kar néje lai gə́ to təb keneŋ Tudu kurum-kurum ləm tɔ, M’a kar baa-booje tel to gə́ dɔ naŋg gə́ kədərə kaw-kaw ləm, M’a kar duu-manje d’yi tə-tə ləm tɔ.

Esai 44:27

Ma m’ula ŋguru mán gə́ uru lé m’pana: Maji kari yi tə-tə ləm, M’a kar mán baaje ləi tudu kurum-kurum ləm tɔ.

Esai 51:10

See to i ɓa ar baa-boo-kad yi ləm, Ar manje gə́ bwa-wəl gə́ uru lé tudu kurum-kurum ləma, Ar ŋgaw dan baa gə́ uru lé Tel to gə́ rəw ar koso-dəwje ləi gə́ i uga dɔ dee lé Dəs keneŋ ləm tɔ lé el wa.

Ejekel 30:12

N’a kar kəm-rəw-manje tudu kurum-kurum ləm, n’a kila ɓee meḛ ji njémeeyèrje’g ləm tɔ, n’a kar ji dəw-dɔ-ɓeeje tuji ɓee gə néje gə́ to keneŋ pugudu-pugudu. Neḛ Njesigənea̰ ɓa m’pa bèe.

Ejekel 38:20

Ka̰jije gə́ dan baa-boo-kad’g ləm, gə yelje gə́ pə̰ dara’g ləm, gə daje gə́ wala ləm, gə néje lai gə́ d’ag naŋg gə ta mee dee ləma, gə dəwje lai gə́ dɔ naŋg nee ləm tɔ lé d’a kunda bala tigi-tigi no̰ neḛ’g. Mbalje d’a tɔr toso ləm, biri mbalje d’a jura naŋg ləma, ndògo-bɔrɔje lai d’a təd kərm-kərm ləm tɔ.

Amɔs 1:2

Amɔs pana: Ndu Njesigənea̰ ɓar asəna gə ndu no̰ lə toboḭ bèe mee Sio̰’g ləm, Ndia gə́ ɓar Jerusalem kara Yeḛ ar dee d’oo ləm tɔ. Bèe ɓa mu ko̰ badje gə́ njékul deeje d’aar keneŋ lé To dan nékəmndoo’g ləm, Dɔ sém mbal gə́ Karmel kara Tudu kurum-kurum ləm tɔ.

Amɔs 5:8

Yeḛ lé ra kéréméje Gə́ ɓar dee Ŋgama̰dje-gə́-siri gə Bisi-tɔb-talje ləm, Yeḛ ar loo gə́ ndul njudu-njudu lé Tel to loo gə́ a gə kàr ləm, Yeḛ ar lookàr lé kara tel to loondul ləma, Yeḛ ɓar manje mee baa-boo-kad’g Ar dee d’ər dɔ naŋg nee ləm tɔ lé Ria lə Njesigənea̰ ya.

Matiyo 8:26

Yeḛ dəji dee pana: See ban ɓa ɓəlje wa, seḭ njémeekunje gə́ əḭ el. Yen ŋga yeḛ uba naŋg ḭta ndaŋg lel ləm, gə mán baa-boo ləm tɔ ar loo to ndiŋ.

Jujé 3:16

mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.