Nahum 1:14 - Maktub gə́ To gə Kəmee

¹⁴ Aa ooje, né gə́ Njesigənea̰ un ne ndia wɔji ne dɔ sí-seḭ gə́ Ninibə ɓa nee: Seḭ a kiŋgaje ŋgaka síje gə́ ri sí a ɓar ne dɔ dee’g nda̰ el, N’a tɔr néndajije gə́ seḭ tɔl deeje ləm, gə lḛ̀je ləm tɔ Mee kəi-magə’d lə sí, N’a gɔl bwa-dubu sí mbata seḭ toje dəwje gə́ gə mḭdé ba.

Nahum 1:14 ပူးပေါင်းရင်းမြစ်များ

2 Mbaije 19:37

Nɛ ndɔ kára bèe loo gə́ yeḛ unda barmba mee kəi’g lə Nisrok gə́ to magə ləa ndá Adramelek gə Sareser gə́ to ŋganeeje tɔlee gə kiambas ndá d’aḭ d’aw d’isi Ararat tɔ. Tɔɓəi ŋgonee gə́ Esar-Hado̰ ɓa o̰ ɓee toree’g ya.

2 Sôrta Gḭka Israɛlje 32:21

Yen ŋga Njesigənea̰ ula kura ləa gə́ dara aree tuji bao-rɔje lai, gə ɓé-njérɔje, gə ŋgan-mbaije lai gə́ d’isi loo-si mbai gə́ Asiri’g. Togə́bè ɓa mbai lé tel gə rɔkul aw ne mee ɓee’g ləa. Yeḛ aw mee kəi-magə’d ləa ndá lé neelé ŋganeeje gə́ d’ḭ mée’g ya tɔlee gə kiambas tɔ.

Maktub gə́ wɔji dɔ Jɔb 18:17

Dəw kára kara mée olé dəa’g el ləm, Ria kara ɓar dɔ naŋg nee el ləm tɔ.

Pakɔsje 109:13

Maji kar ginkaje ləa d’udu guduru ləm, Ri dee kara maji karee udu bo̰ mbuna ŋgakeaje gə́ d’a gə teḛ gogo ɓəi lé ləm tɔ.

Pakɔsje 71:3

Maji kari to gə́ biri mbal ləm gə́ to njo̰loo-kula-dɔm keneŋ Gə́ m’askəm tel gə́ keneŋ gə ndɔm-ndɔm ya! I ya wɔji njaŋg gə mba kam m’iŋga kaji Mbata i lé to biri mbal ləm gə kəi-kaar-kɔgərɔ ləm ləm tɔ.

Teḛ-Raga 12:12

Mee til’g neelé n’a njaa mee ɓee gə́ Ejiptə ndá n’a kila tuji dɔ ŋgandərje lai gə́ mee ɓee gə́ Ejiptə’g, un kudee dɔ ŋgandər dəwje’g saar teḛ ne dɔ ŋgandər daje’g ləm, n’a gaŋgta dɔ magəje’g lai gə́ to Ejiptə lé ləm tɔ. Neḛ n’to Njesigənea̰.

Gosota-Kəmkàrje 10:7

Njemeekarabasur lé meḛ dəwje olé dəa’g gə ndutɔr, Nɛ njémeeyèrje lé ndum d’oso ludu gə ri dee dɔ dee’g bura.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 33:13

Seḭ gə́ síje əw lé Ooje ta né gə́ ma m’ra! Seḭ gə́ síje dəb lé Maji kar sí gərje loo siŋgamoŋ ləm!

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Loo gə́ killa rea kəm Daniel’g 11:21

Dəw gə́ gə mḭdé ba ya a kḭ taa toree lal kar dee d’ula mbai dəa’g. Yeḛ a teḛ kəm dee dan meelɔm’g ndá ta gə́ rii gə́ təa’g lé yeḛ a taa ne ɓeeko̰ ya.

Loo gə́ killa rea kəm Daniel’g 5:27

TEKEL: Yeḛ wɔji kwɔi ləi dɔ nékwɔji kwɔi lə né’g ndá oo to gə́ i wɔilɔ pélé-pélé.

Ləbije 26:30

M’a tuji loo-pole-magje lə sí ləm, m’a təd loo-suu néje lə sí gə́ ə̰də sululu lé njigi-njigi ləm, m’a kɔm nin sí dɔ gaila magəje’g lə sí ləma, m’a koo sí gə́ néje gə́ ram kəm’g ləm tɔ.

Misee 5:13

N’a kar magə-Astartéje godo mbuna sí’g ləm, N’a tuji ɓee-booje lə sí ləm tɔ.

Misee 5:14

N’a dal ba̰ lə neḛ gə oŋg gə meekḭ jugugu Dɔ ginkoji dəwje gə raŋg gə́ to mbim-oo-ta-elje lé.

Habakuk 2:10

Yee ɓa to rɔkul gə́ seḭ wɔjije njaŋg Mba karee oso dɔ njémeekəije’g lə sí Loo gə́ seḭ tujije koso-dəwje bula ləm, To kaiya gə́ seḭ raje ilaje dɔ sí-seḭ’g ya ləm tɔ.

1 Samel 3:13

Ma m’ulá təsərə to gə́ m’a gə kar bo̰ néra njémeekəije ləa ɔs ta dee’g gə no̰ mbata yeḛ oo néra gə́ kərm-kərmje lə deḛ gər gao, to néra ŋganeeje gə́ ar dəwje d’ə̰ji dee ne gə́ kḛji nɛ yeḛ lal ndaŋg dee dɔ’g lé.