Nahum 1:13 - Maktub gə́ To gə Kəmee

¹³ Ɓasinè m’a tuji néməməna̰ ləa gə́ to gwɔs sí’g ləm, M’a gaŋg kulaje gə́ tɔ sí ne mbidi-mbidi ləm tɔ.

Nahum 1:13 ပူးပေါင်းရင်းမြစ်များ

Pakɔsje 107:14

Yeḛ nja ɓa ɔr dee dan loo gə́ ndul’g gə ta yoo’g ləm, Kula gə́ tɔ dee ne lé Yeḛ gaŋg gwɔb dee’g ya ləm tɔ.

Esai 10:27

Mee ndəa’g neelé D’a taa nékodo lə dee gə́ wɔi dɔ tam sí’g ləm, D’a taa néməməna̰ lə dee gwɔb sí’g ləm tɔ, Ndá néməməna̰ lé a təd karee godo.

Esai 14:25

M’a təd Asirije rém-rém mee ɓee’g ləm ləm, M’a tuba dee gə gɔlm dɔ mbalje’g ləm ləm tɔ, Néməməna lə dee a godo gwɔb dee’g ləm, D’a kɔr nékodo lə dee gə́ wɔi lé dɔ tam dee’g ləm tɔ.

Esai 9:4

Mbata markob-rɔje lai gə́ d’aw ne loo-rɔ’g ləm, Gə kubu-rɔje lai gə́ rogo dan məs’g ləm tɔ lé D’a kɔm dee pər’d Kar dee roo dula-dula ya.

Jeremi 2:20

Un kudee ləw ba lé Seḭ tədje néməməna̰ gwɔb sí’g ləm, Seḭ tije kulaje rɔ sí’g ləm tɔ Ndá seḭ pajena: Seḭ ndigije ra kula ɓər el ŋga! Nɛ dɔdərlooje lai gə́ d’ḭ tar lé ləm, Gə gel kagje lai gə́ təb ləm tɔ lé Seḭ rogoje keneŋ Asəna gə néra kaiya-dené bèe.

Jeremi 5:5

M’a kaw rɔ dəwje gə́ boo-boo’g Ndá m’a kula dee ta, Mbata deḛ lé gər rəw lə Njesigənea̰ ləm, Gə torndu Ala lə dee ləm tɔ. Nɛ deḛ lai kara təd néməməna̰ gwɔs dee’g ləm, Deḛ gaŋg kúla rɔ dee’g ləm tɔ.

Ləbije 26:13

Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje ləm, m’ɔr sí kula ɓər’g ləm tɔ, ma m’gaŋg kúla néməməna̰ gə́ to gwɔb sí’g m’ar sí undaje dɔ sí tar njaaje ne ya.