Misee 7:9 - Maktub gə́ To gə Kəmee

⁹ Jeḛ j’waje meḛ sí mbidi n’tije dɔ oŋg’d lə Njesigənea̰ Mbata jeḛ n’raje kaiya j’ɔsje ne ta ləa rəw ya, Saar loo gə́ yeḛ a koso gel sí’g Kɔr ne ta lə sí gə goo rəbee lé Yeḛ a kɔr no̰ sí teḛ sə sí dan lookàr’g ləa Ndá j’a kooje néra gə́ gə dɔ najee ləa.

Misee 7:9 ပူးပေါင်းရင်းမြစ်များ

2 Samel 24:17

Loo gə́ Dabid oo kura gə́ dara gə́ tɔl koso-dəwje lé ndá yeḛ ula Njesigənea̰ pana: Aa oo, ma nja m’ra kaiya. Ma nja taree wa dɔm nɛ badə-kosoje neelé ɗi ɓa deḛ ra wa. Maji kar jii wɔi dɔm-ma gə dɔ njémeekəije’g lə bɔm ɓa.

Maktub gə́ wɔji dɔ Jɔb 23:10

Lé bèe kara yeḛ gər rəw-kabm gao, Loo gə́ yeḛ a naam ndá M’a kunda loo teḛ gə rɔm gə́ àr ŋgad-ŋgad to gə́ larlɔr bèe.

Maktub gə́ wɔji dɔ Jɔb 35:14

Ɓó lé i pana: I ée el kara Ta ləi to nea̰’g: maji kari ŋginá ɓa.

Pakɔsje 119:154

Maji kari oso gelm’g ɓó gə ugam ne Gə mba karm m’isi ne kəmba gə goo ndukun ləi lé ya.

Pakɔsje 37:6

Yeḛ a kar meekarabasur ləi nduba rəa gə́ raga Asəna gə lookàr bèe ləm, A kar nérai gə́ danasur lé nduba rəa gə́ raga Asəna gə kàr gə́ aar daŋdɔ bèe ləm tɔ.

Pakɔsje 43:1

Ǝi Ala, maji kari ɔr kəm ta ləm gə goo rəbee, Oso gelm’g ɔs ne ta lə ginkoji dəwje gə́ to majikojije el lé rəw! Maji kari taam ji dəwje gə́ njéŋgɔmje’g ləm, gə njéra né kori-korije’g ləm tɔ.

Pakɔsje 7:6

Maji kar njeba̰ ləm kɔrəm saar iŋgam ləm, Maji karee tubam naŋg mbajila-mbajila ləma, Maji karee ila riɓar ləm dan babur’g ya ləm tɔ.

Pakɔsje 94:15

Mbata rəwta-gaŋg lé a kaw na̰’d gə néra gə dɔ najee ləm, Deḛ lai gə́ meḛ dee to kára ba sur lé D’a ndigi səa dɔ’g ya ləm tɔ.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 42:7

Gə mba kar kəm njékəmtɔje teḛ ləm, Gə mba kar deḛ gə́ d’wa dee ɓər lé D’unda loo teḛ ləma, Kar deḛ gə́ d’udu dee duu-loo gə́ loondul’g lé D’unda loo teḛ ləm tɔ.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 51:22

Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Esai 56:1

Njesigənea̰ pa togə́bè pana: Aaje dɔ néra gə́ to danasur kər-kər ləm, Raje né gə́ to gə dɔ najee ləm tɔ Mbata kaji ləm si ree gə́ nee ləm, Néram gə́ gə dɔ najee lé a gə kila rəa gə́ raga ləm tɔ.

Jeremi 10:19

Meeko̰ oso dɔm’g am m’tuji mba̰! Doo lé tom yaa̰! Kédé ma m’pana: To rɔko̰ gə́ ram Ndá m’a kila məəm po̰.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Jeremi 51:10

Njesigənea̰ riba dɔ ta lə sí pərəg To gə́ to ta gə́ gə dɔ najee, Gə́ reeje Sio̰ Ar sí j’ɔrje sor néra Ala lə sí gə́ Njesigənea̰.

Nɔ̰-ndôo gə́ wɔji dɔ Jerusalem 1:18

Njesigənea̰ lé to njemeekarabasur ya, Nɛ to ma ya ɓa m’al dɔ ndukunje ləa. Seḭ koso-dəwje lai lé urje mbi sí ooje ne ta ləm ləm, Teḛje kəm sí ooje ne némeeko̰ ləm ləm tɔ! Ŋganəmje gə́ ma̰də ləm, gə deḛ gə́ basa ləm tɔ lé D’wa dee ɓər d’aw sə dee ya.

Ləbije 26:41

kaiya ra dee gə́ togə́bè ɓa a karm ma nja kara m’a kɔs dee ne rəw ləm, m’a ndɔr dee ne kɔm dee ne ɓee’g lə njéba̰je lə dee ləm tɔ. Yen ɓa deḛ gə́ meḛ dee tɔ kujita el lé d’a tel kula ne dɔ dee ləm, d’a kuga ne ɓaŋg néra kori-korije lə dee ləm tɔ.

Malasi 3:18

Ndá seḭ a tel kooje loo to ɓəd lə njemeekarabasur gə njemeeyèr ləm, gə loo to ɓəd lə dəw gə́ njera né kar Ala gə yeḛ gə́ ra né aree el ləm tɔ.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

1 Samel 24:15

See na̰ ɓa mbai lə Israɛlje aw mba rɔ səa wa.

1 Samel 25:39

Dabid oo to gə́ Nabal wəi ndá yeḛ pana: Maji kar dɔ ri Njesigənea̰ ai səgərə mbata yeḛ ɔr kəm ta ləm dan boo-rɔkul gə́ Nabal ila dɔm’g, ɔgm ne ma kura ləa dɔ ra majel’g lé! Njesigənea̰ ar némajel lə Nabal tel oso dəa-yeḛ’g ya. Yen ŋga Dabid ula njékulaje rɔ Abigayil’g dəjee mba karee tel to dené ləa.

1 Samel 26:10

Dabid pana: Njesigənea̰ si kəmba ya! Ndá to ta lə Njesigənea̰ ya kára ba gə mba ra səa né ya, banelə ndɔ ləa a kas ndá a kwəi əsé a kaw loo-rɔ’g ɓa a kwəi keneŋ ɓəi.

1 Samel 3:18

Yen ŋga Samel ndaji tarje lai aree ɓó iya səa dɔ né kára el. Tɔɓəi Eli pana: Yeḛ to Njesigənea̰ ya. Maji karee ra né to gə́ mée wɔji.