Misee 7:8 - Maktub gə́ To gə Kəmee

⁸ Seḭ njéba̰je lə sí lé, maji kar sí alje rɔ sí Wɔjije ne dɔ síjeḛ el Mbata jeḛ j’oso ya Nɛ j’a kḭje ta ɓəi. Ɓó lé j’isi dan loondul’g kara Njesigənea̰ a to lookàr lə sí ɓəi.

Misee 7:8 ပူးပေါင်းရင်းမြစ်များ

Maktub gə́ wɔji dɔ Jɔb 31:29

Ɓó lé m’al rɔm mbata meeko̰ gə́ oso dɔ njeba̰’g ləm Esé ɓó lé ma m’tal turu gə kalrɔ mbata némajel gə́ teḛ dəa’g

Pakɔsje 112:4

Lookàr lé ḭ ndogó loondul’g Mbata lə njéra nédanaje lé ləm, Mbata lə dəw gə́ to njemeekoso lemsé Gə njekoo kəmtondoo gə njemeekarabasur ləm tɔ.

Pakɔsje 143:3

Njeba̰ lé kɔrəm ləm, Yeḛ mboiyim naŋg mbajila-mbajila ləma, Yeḛ am m’isi dan loondul’g Asəna gə dəwje gə́ d’wəi ləw ba bèe lé ləm tɔ.

Pakɔsje 20:8

Njé gə́ yo nduna rɔ dee dɔ pusu-rɔje’g lə dee ləm, Njé gə́ nee nduna rɔ dee rɔ kundaje’g lə dee ləm tɔ, Nɛ jeḛ lé jeḛ m’ɓarje ri Ala lə sí gə́ Njesigənea̰ ya kára ba.

Pakɔsje 27:1

Pakɔs lə Dabid Njesigənea̰ lé to lookàr ləm ləm, gə kaji ləm ləm tɔ, Ŋga see na̰ ɓa m’a ɓəlee tɔɓəi wa. Njesigənea̰ lé to gə́ négəd rɔ dɔ’g ləm, Ŋga see na̰ ɓa m’a ndəb pəd-pəd nea̰’g wa.

Pakɔsje 35:19

Maji kar deḛ gə́ to njéba̰je ləm lal né gə́ bèe lé D’al rɔ dee d’wɔji ne dɔm el ləm, Maji kar deḛ gə́ d’ḛjim bəḭ-bəḭ lal né gə́ bèe lé D’ula sul dɔm’g el ləm tɔ.

Pakɔsje 37:21

Njemeeyèr lé tona dee né ndá Tel ar dee gogo el, Nɛ njemeemaji lé ar né gə́ kar pə-pə.

Pakɔsje 37:24

Ɓó lé debee neelé oso ndá a koso naŋg pal el Mbata Njesigənea̰ un jia ŋgəji gə́ tar ya.

Pakɔsje 38:16

Njesigənea̰, i nja ɓa m’unda məəm yel dɔi’g ya, Mbaidɔmbaije, Ala ləm, i a tel kilam keneŋ tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Pakɔsje 97:11

Lookàr to mbata njéra nédanaje ləm, Rɔlel to mbata deḛ gə́ meḛ dee to kára ba sur ləm tɔ.

Esai 2:5

Seḭ ŋgaka Jakobje lé Gə́ reeje ar sí njaaje dan lookàr’g lə Njesigənea̰!

Esai 49:9

Mba kula dee gə́ d’wa dee ɓər lé pana: Undaje loo teḛje ləm, Mba kula dee gə́ d’isi dan loondul’g pana: Aarje raga ndəgəsə ləm tɔ. Ndá d’a sɔ né dan kag-rəwje’g ləm, D’a kiŋga nékulrɔ dee dɔdərlooje’g lai ləm tɔ.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Esai 9:2

I ar bula lə koso-dəwje ḭ dɔ maree’d gə́ kédé-kédé ləm, I ar dee boo-rɔlelje ləm tɔ, Deḛ ra ne rɔlel nɔḭ’g To gə́ ra ne rɔlel naḭ kinja kó’g bèe ləm, To gə́ d’al ne rɔ dee loo-kai-na̰ nébanrɔ’g bèe ləm tɔ.

Jeremi 48:27

See i lé unda Israɛlje gə́ nékula sul dɔ’g ləi el wa. See i teḛ dəa’g wai mbuna njéɓogoje’g ɓa i pata ləa tuga ne dɔi jəgm-jəgm bèe wa.

Jeremi 50:11

Oiyo, maji kar sí síje Dan rɔlel’g gə dan kalrɔ’g Seḭ gə́ undaje nédɔji ləm banrɔ. Oiyo, maji kar sí tilaje riŋga To gə́ ma̰də maŋgje Gə́ d’aar loo-ko̰-mu’g ləm, Maji kar sí no̰je to gə́ kundaje Gə́ gə siŋga dee bèe ləm tɔ.

Jeremi 8:4

Maji kari ula dee pana: Njesigənea̰ ɓa dəji sí ta nee pana: See dəw oso ndá a lal kuba naŋg kḭ tar wa! Esé see dəw ɔs rəw-kabee lal ndá A tel ree keneŋ gogo el wa.

Ejekel 25:6

Mbata Mbaidɔmbaije gə́ Njesigənea̰ pa togə́bè pana: To gə́ seḭ kundaje ji sí ləm, seḭ tubaje gɔl sí naŋg ndag-ndag ləm, seḭ alje rɔ sí ə̰jije ne dɔ naŋg gə́ Israɛl bəḭ-bəḭ gə ŋgaw-meḛ sí bura ləm tɔ ndá

Ejekel 35:15

Rɔlel gə́ seḭ raje loo gə́ gel-bɔje lə Israɛl tuji pugudu-pugudu lé yee ɓa n’a ra sə sí togə́bè ya tɔ, seḭ gə́ síje dɔ mbal gə́ Seir lé n’a kar sí tel toje dɔ nduba gə́ wa ŋgɔ njag-njag, seḭ gə dəwje gə́ Edɔm lai ya. Bèe ɓa d’a gər ne to gə́ neḛ n’to Njesigənea̰ ya.

Ejekel 36:5

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Tɔgərɔ ya, dan pər oŋg’g lə neḛ lé neḛ m’pata n’ila dɔ ginkoji dəwje gə raŋg gə́ raŋg ləm, gə dɔ Edɔmje’g lai ləm tɔ, deḛ gə́ kai na̰ ɓee lə neḛ d’aree to gə́ né ka̰ dee-deḛ gə rɔlel gə́ taa meḛ dee pəl-pəl ləm, gə kḛji loo bəḭ-bəḭ lə dee ləm tɔ mba kodo ne nékiŋgaje lə dee gə́ nébanrɔ lé.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Abdias 1:12

Mee kàree gə́ némeeko̰ ra ŋgoko̰ sí lé Kəm kar sí ooje gə́ nérɔlel el ləm, Kəm kar sí alje rɔ sí dɔ ŋgaka Judaje’g ndɔ tuji’g lə dee el ləma, Ndɔ gə́ néurti teḛ lé Kəm kar sí teḛje ta sí Ulaje ne sul dɔ dee’g el ləm tɔ.

Misee 4:10

Seḭ gə́ Jerusalem, maji kar sí ooje ko̰ né ləm, Gə tuma̰je ŋgururu-ŋgururu To gə́ dené gə́ ndóo tée bèe ləm tɔ! Mbata ɓasinè lé seḭ a kundaje loo mee ɓee-boo’g teḛje Ndá a kaw síje wala, Tɔɓəi seḭ a kawje saar teḛje Babilɔn. Lée neelé ɓa d’a kɔr sí kila sí tar keneŋ ləm, Lée neelé ɓa Njesigənea̰ a kɔr sí ji njéba̰je’g lə sí kɔm sí tar ləm tɔ.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Matiyo 4:16

Dəwje neelé gə́ d’isi dan loondul’g lé Deḛ nja d’oo loo gə́ ndogó wər-wər ləm, Deḛ neelé gə́ ndil yoo dəb dɔ dee’g bigim lé Loo un kudu ndogó dɔ dee’g ləm tɔ.

Tagə́maji gə́ Ja̰ ndang 16:20

Ma m’ula sí təsərə, seḭ a no̰je gə mán-no̰ kəm sí’g ləm, seḭ a no̰je gə kii wəl-wəl ləm tɔ ndá njé gə́ naŋg nee d’a si kal rɔ dee, seḭ lé a sije dan némeeko̰’g nɛ meeko̰ lə sí lé a tel to rɔlel ɓəi.

Tagə́maji gə́ Ja̰ ndang 8:12

Jeju un ta gə́ raŋg ula dee pana: Ma m’to lookàr lə njé gə́ naŋg nee. Yeḛ gə́ un rəw goom’g ndá a njaa loondul’g el nɛ yeḛ a nai dan lookàr’g gə́ ka̰ si ne gə kəmə lé.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

2 Njé gə́ Kɔrḭtə 4:9

d’ula kəm sí ndòo nɛ yeḛ uba sí ya̰ sí pelm el, deḛ kunda sí tila sí nɛ jeḛ n’tuji ne el tɔ.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.