Misee 7:7 - Maktub gə́ To gə Kəmee

⁷ Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Misee 7:7 ပူးပေါင်းရင်းမြစ်များ

Gḭ-Néje 49:18

Ǝi Njesigənea̰, ma m’ŋgina kaji ləi!

Pakɔsje 109:4

Ma lé m’unda dee dan kəm’g Nɛ deḛ ndá tel to gə́ njékoma̰ səmje. Nɛ ma lé tamaji ɓa m’ra ya.

Pakɔsje 130:5

M’unda məəm yel gə́ dɔ Njesigənea̰’g ləm, M’unda məəm yel dəa’g gə ŋgaw məəm bura ləm tɔ, Ndá m’ŋgina ne ndukun ləa lé.

Pakɔsje 25:5

Maji kari ɔr nɔm dan kankəmta’g ləi, gə́ ndoom ne né, Mbata i nja to Ala gə́ njekajim, M’unda məəm yel dɔi’g ta-ta ya.

Pakɔsje 37:7

Maji kari si mundu no̰ Njesigənea̰’g Ɓó gə unda ne məəi yel dəa’g ya, Yeḛ gə́ teḛkɔr rəw-kabeeje’g lé Ar məəi ḭ səi pu dəa’g el ləm, Yeḛ gə́ néra majelje gə́ yeḛ wɔji-kwɔji ra lé d’ɔr njal kara Ar məəi ḭ səi pu dəa’g el ləm tɔ.

Pakɔsje 38:15

Ma lé m’to asəna gə dəw gə́ oo ta el Ndá yeḛ oo loo kila maree ta’g el tɔ.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 65:2

Ǝi Ala, d’a pidii Kɔm ne meḛ dee dɔi’g mee ɓee gə́ Sio̰’g, Ndukunje gə́ d’un d’ari lé kara D’a ra tɔl bém ya tɔ.

Pakɔsje 85:5

I Ala gə́ to njekaji lə sí lé Maji kari tel gɔl sí unda sí gə́ majee gogo, Oŋg ləi gə́ ari ḭ ne sə sí lé Maji kari ya̰ gée ya.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 17:7

Mee ndəa’g neelé dəw a tel kəmee par gə́ rɔ njekṵdá’g, a turu kəmee gə́ dɔ Njerɔkunda’g lə Israɛlje,

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 8:17

Ma m’unda məəm yel dɔ Njesigənea̰’g, yeḛ gə́ iya kəmee gə ŋgaka Jakobje lé, m’ɔm məəm dəa’g ya.

Nɔ̰-ndôo gə́ wɔji dɔ Jerusalem 3:24

Ma m’pa məəm’g m’pana: Njesigənea̰ to nébao ləm, Gelee gə́ nee ɓa M’ar məəm to ne yel gə́ dəa’g tɔ.

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Ojee 12:6

Njesigənea̰ to Ala gə́ njeboo-néje, Ria to Njesigənea̰ ya.

Joɛl 1:19

Ǝi Njesigənea̰! I ɓa m’no̰ wəl gə́ rɔi’g, Mbata pər roo ndag-looje gə́ dɔdilaloo’g dula-dula ləm, Ndo̰ pər roo kagje lai gə́ mee ndɔ’g ləm tɔ.

Habakuk 2:1

Ma lé m’isi loo-kula-ŋgəm-loo’g ləm, Ma m’aar dɔ kəi gə́ ŋgal gə́ duu dɔ loo. Ma m’isi kəmba mba koo né gə́ Njesigənea̰ a gə kulam ləm, Gə ta gə́ m’a gə kilá keneŋ dɔ né gə́ m’dəjee’g lé ləm tɔ.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Bula lə Israɛlje 5:28

Nɛ ɓó lé dené lé ar rəa mina̰ el ɓa rəa àr ŋgad-ŋgad ndá d’a gəree gə́ dené gə́ ta wa dəa el ləm, yeḛ a koji ŋganje ləm tɔ.