Misee 7:4 - Maktub gə́ To gə Kəmee

⁴ Dəw gə́ maji ur dɔ dee’g mbuna dee’g lé To asəna gə kun pɔrɔrɔ bèe ləm, Dəw gə́ danasur ur dɔ dee’g lé Majel ur dɔ kun’g ləm tɔ. Ndɔ gə́ bo̰ néra sí a kɔs ta sí’g Gə́ njéteggintaje lə sí d’ila mberee lé nai dəb ba ŋga. Yee gə́ bèe ɓa seḭ lai meḛ sí to ne kəgəgə mba̰.

Misee 7:4 ပူးပေါင်းရင်းမြစ်များ

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 22:5

Mbata to ndɔ mee pélé wəs-wəs Gə ndɔ tuba sí naŋg ras-ras Gə ndɔ rɔkul-boo Gə́ Mbaidɔmbaije gə́ Njesigənea̰ gə́ njeboo-néje Ula ne mee wəl-loo koo némḭdije’g. Deḛ tɔ ndògo-bɔrɔje pɔs-pɔs Ndá ndu kii lé ɓar par gə́ dɔ mbal’g.

Esai 55:13

Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Jeremi 10:15

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 11:23

Dəw kára kara mbuna dee’g a nai el, mbata m’a kar némeeko̰ oso dɔ dəwje gə́ Anatot mee ləb gə́ m’a gə kar bo̰ néra dee ɔs ta dee’g lé.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Jeremi 8:12

D’a si gə rɔkul mbata deḛ ra néje gə́ mina̰, Rɔkul ra dee el ləm, sɔḭ wa kəm dee el ləm tɔ. Gelee gə́ nee ɓa d’a koso na̰’d Gə deḛ gə́ d’oso lé ləm, N’a tɔs dee tila dee Loo gə́ n’a kar bo̰ néra dee ɔs ta dee’g ləm tɔ. Njesigənea̰ ɓa pa bèe.

Ejekel 2:6

Nɛ ma ŋgon-dəw lé lé kun pɔrɔrɔje gə kunje to mbɔrm’g ləm, m’isi gə mbai-yḭje na̰’d ləm tɔ kara maji kam m’ɓəl dee el ləm, maji kam m’ɓəl tapa dee el ləm tɔ. Deḛ to gel-bɔje lə njékɔsta-rəwje ya nɛ lé bèe kara maji kam m’ɓəl tapa dee el ləm, m’ɓəl kəm dee el ləm tɔ.

Ejekel 28:24

Bèe ɓa yeḛ a to kun gə́ njekɔs gɔl loo el ləm, a to ŋgar mba tuga ne gel-bɔje lə Israɛl gogo el ŋga ləm tɔ mbuna deḛ lai gə́ gugu dəa sub gə́ d’ə̰jee bəḭ-bəḭ lé. Ndá d’a gər to gə́ neḛ n’to Mbaidɔmbaije gə́ Njesigənea̰ ya.

Amɔs 8:2

Yeḛ dəjim pana: Amɔs, see ɗi ɓa i oo wa. Ma m’pana: To karè gə́ kandə kagje gə́ ərə to keneŋ. Ndá Njesigənea̰ ulam pana: Ndəa lə koso-dəwje lə neḛ gə́ Israɛl lé rudee un ɗiao mba̰. N’a kar mee neḛ oso lemsé dɔ dee’g el.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Lugu 21:25

Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.

Ǝbrəje 6:8

Nɛ ɓó lé naŋg a kinja gə kun əsé kiro ndá yeḛ a rəm gə ndia dəa’g mba manee ne ləm, a to gə́ né gə́ ka̰ roo ləm tɔ.