Misee 7:19 - Maktub gə́ To gə Kəmee

¹⁹ Mée a kaw taḭ-taḭ gə mbata lə sí ya ɓəi ləm, Yeḛ a tuba néra kori-korije lə sí gə gɔlee ləm tɔ. I a kɔm kaiyaje lə sí lai gel baa-boo-kad’g.

Misee 7:19 ပူးပေါင်းရင်းမြစ်များ

2 Samel 24:14

Dabid tel ila Gad keneŋ pana: Ma m’isi dan boo-nékəmndoo’g. Wai, maji kar sí j’oso meḛ ji Njesigənea̰’g ɓa mbata meekaw taḭ-taḭ ləa al dɔ loo sula, nɛ maji kam m’oso meḛ ji dəwje’g ɓa el!

Pakɔsje 103:12

To gə́ kḭ bər kaw gə́ dɔ-gó əw yaa̰ lé Kaltaje lə sí kara yeḛ ɔm dee əw sə sí togə́bè tɔ.

Pakɔsje 130:8

Yeḛ nja ɓa a kuga dɔ Israɛlje lé Kɔr néra gə́ kori-korije lə deḛ lai dɔ dee’g ya.

Pakɔsje 85:3

I lé ar məəi ti mbidi dɔ néra gə́ kori-korije’g lə koso-dəwje ləi ya, I nja ɔn dɔ kaiyaje lə deḛ lai tɔ.

Esai 33:24

Dəw-mee-ɓee kára kara a pa pana: Rɔ neḛ to neḛ a pa bèe el! Koso-dəwje gə́ Jerusalem D’a kiŋga meekoso lemsé dɔ néra kori-korije’g lə dee tɔ.

Esai 38:17

Aa oo, némeekonje ləm lé Tel to gə́ meekulɔm ləm, Gə mba kunda gə́ I undam dan kəmi’g lé ɓa I ɔrm ne dan bwa-tuji’g ya Mbata i ɔm kaiya ramje lai giri’g gogo.

Esai 43:25

To ma nja ɓa m’tuji kaltaje lə sí Gə goo meenoji ləm ləm, M’a kar məəm olé dɔ kaiyaje’g lə sí Gɔgo el ləm tɔ.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Jeremi 33:8

M’a kɔr won néra kori-korije lə dee gə́ deḛ ra d’ɔsm ne rəw lé ndɔs-ndɔs ləm, m’a kar məəm oso lemsé dɔ néra kori-korije gə́ deḛ ra d’ar meḛ dee ɔs ne səm gel ləm, d’ɔs ne ta ləm rəw ləm tɔ.

Jeremi 50:20

Njesigənea̰ pana: Mee ndəaje gə mee kàree’g neelé D’a saŋg néramajel lə Israɛlje Nɛ d’a kiŋga el ləm, D’a saŋg kaiya ra Judaje Nɛ d’a kiŋga kára kara el ləm tɔ. Mbata m’a kar məəm oso lemsé Dɔ ges deeje gə́ m’a kya̰ dee lé.

Nɔ̰-ndôo gə́ wɔji dɔ Jerusalem 3:22

Némeemajije lə Njesigənea̰ lé Rudu dee godo ləm, Némeekaw taḭ-taḭje ləa kara D’unda ŋgaŋ dee el ləm tɔ.

Nɔ̰-ndôo gə́ wɔji dɔ Jerusalem 3:32

Lee yeḛ ar nékəmndoo Ra dəw kara Yeḛ tel ar mée aw taḭ-taḭ dəa’g Gə goo boo-meekɔrjol ləa.

Ejekel 18:22

Nékaltaje lai gə́ yeḛ ra lé n’a kar mee neḛ wəi dɔ’g, yeḛ a si kəmba mbata néra gə́ gə dɔ najee gə́ yeḛ ra lé.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Ojee 14:2

Ǝi Israɛlje! ɔsje badm telje gə́ rɔ Njesigənea̰ Ala’g lə sí Mbata néra gə́ kori-korije lə sí ɓa Seḭ tugaje ne loo osoje ne.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Jakari 3:4

Kura gə́ dara un ta ula deḛ gə́ d’aar nea̰’g lé pana: Tɔrje kubuje ləa gə́ mina̰ rəa’g. Tɔɓəi yeḛ ulá pana: Aa oo, ma m’ɔr néra kori-korije ləi rɔi’g ndá ma kula kubu ra naḭ ɓa rɔi’g.

Njé gə́ Rɔmə 6:14

Mbata kaiya a kuba dɔ sí si tar el ŋga mbata seḭ síje gin noji’g lé ɓó gin godndu’g el ŋga.

Njé gə́ Rɔmə 8:13

Tɔgərɔ ya, ɓó lé seḭ sije kəmba gə mba darɔ ndá seḭ a kwəije ne. Nɛ ɓó lé seḭ ndolèje goo Ndil, tɔlje ne néra lə darɔ ndá seḭ a sije ne gə kəmə lé ya.

Tel tura Godndu 30:3

Ala lə sí gə́ Njesigənea̰ a tel gə njé’g lə sí gə́ d’wa dee gə́ ɓər ləm, a ra sə sí meemaji ləma, yeḛ a tel mbo̰ sí dɔ na̰’d kar sí ḭje mbuna koso-dəwje’g lai gə́ Ala lə sí gə́ Njesigənea̰ sané sí mbuna dee’g lé ləm tɔ.

Tel tura Godndu 30:6

Ala lə sí gə́ Njesigənea̰ a kinja tamɔd sí gə́ wɔji dɔ dɔɓəŋgərə sí ləm, gə dɔɓəŋgərə ŋgan meḛ síje ləm tɔ, bèe ɓa seḭ a ndigije ne Ala lə sí gə́ Njesigənea̰ dɔɓəŋgərə sí’g ləm, gə rɔ sí bura ləm tɔ gə mba kar sí síje ne kəmba ya.

Tel tura Godndu 32:36

Njesigənea̰ a gaŋg rəwta dɔ koso-dəwje’g ləa, Nɛ yeḛ a koo kəmtondoo lə kuraje ləa Loo gə́ yeḛ oo to gə́ siŋga dee godo lé Ar ɓər əsé dəw gə́ to ŋgonkoji kara godo tɔ.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 8:12

Mbata məəm a koso lemsé dɔ néra dee gə́ ndɔji pɔdɔdɔ’g ləm, M’a kar məəm olé dɔ kaiyaje’g lə dee nda̰ el ləm tɔ.

1 Ja̰ 3:8

Yeḛ gə́ ra kaiya ndá yeḛ to gə́ ka̰ njekurai mbata njekurai lé un kudu ra kaiya kédé gə́ dɔtar saar ɓasinè. Nɛ Ŋgon-Ala lé unda loo teḛ gə mba tuji néraje lə njekurai lé.