Misee 7:14 - Maktub gə́ To gə Kəmee

¹⁴ Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.

Misee 7:14 ပူးပေါင်းရင်းမြစ်များ

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 143:5

M’ar məəm olé teḛ dɔ ndɔje gə́ kédé gə́ ləw lé ləm, M’la̰ji dɔ néraje’g ləi lai ləma, M’ə̰ji m’teḛ dɔ néje lai gə́ i ra gə jii ya ləm tɔ.

Pakɔsje 28:9

Maji kari aji koso-dəwje ləi ləm, Gə tɔr ndui dɔ nédɔji’g ləi ləm tɔ! Maji kari to gə́ njekul dee ləm, Gə njegəd dee ləm tɔ saar gə no̰ ya!

Pakɔsje 95:7

Mbata yeḛ lé to Ala lə sí ya, Jeḛ n’toje koso-dəwje gə́ j’aar mee loo-ko̰-mu’g ləa lé ləm, Jeḛ n’toje gə́ koso-nékulje gə́ yeḛ nja o̰ sí gə jia ya ləm tɔ. Ǝi, ɓó lé seḭ asjekəm kooje ndia ɓogənè ndá

Teḛ-Raga 33:16

See dəwje d’a gər to gə́ ma jeḛ gə koso-dəwje ləi n’taaje kəmi rəgm to gə́ ban wa. See a to korè gə́ i a korè sə sí rəw na̰’d més lé ɓa, jeḛ j’a tel to ne koso-dəwje gə́ n’toje ɓəd mbuna dəwje’g lai-lai dɔ naŋg nee lé el wa.

Pa gə́ ur dɔ paje 4:1

Ǝi njemɔr ləm, I ma̰də gə́ ban ɓa bèe wa. I ma̰də gə́ ban ɓa bèe wa. Kəmi to asəna gə dərndaje bèe Mee kubu gə́ ila dɔi’g lé, Yiŋga dɔi to asəna gə koso-bya̰je Gə́ d’ḭ dɔ mbal’d gə́ Galaad D’aw risi gə́ naŋg bèe.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Esai 35:2

Puduje d’a taa loo keneŋ pəl-pəl ləm, Dɔ naŋg lé a kal rəa ləm tɔ Gə pa boo-rɔlelje gə ndu kii kun baŋga, D’a kula rɔnduba lə Liba̰ dəa’g ləm, Gə boo-ronduba lə Karmel gə Saron ləm tɔ. Ndá d’a koo nérɔnduba lə Njesigənea̰ Gə boo-ronduba lə Ala lə sí tɔ.

Esai 37:24

I ula sul dɔ Mbaidɔmbaije’g gə ndu kuraje ləa Ndá i pana: Mbɔl dɔ pusu-rɔje ləi gə́ dum tura ɓa I teḛ ne dɔ sém mbalje gə́ Liba̰, I tuga kag-sɛdrəje ləa gə́ ŋgal d’unda mar deeje ləm, Gə kag-siprɛsje ləa gə́ maji d’unda mar deeje ləma, I aw njal teḛ ne sém kagje’g ləa Gə́ to mee kag-kɔr’g ləa Gə́ to asəna gə loo-ma̰a-kagje bèe ləm tɔ.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Esai 65:10

Loo gə́ Saron a to loo-ko̰-mu lə ŋgan nékulje ləm, Wəl-loo gə́ Akɔr a to loo-to maŋgje ləm tɔ Gə mbata lə koso-dəwje ləm gə́ d’a saŋgəm lé.

Jeremi 49:31

Ḭje tar aw rɔje gə ginkoji dəwje Gə́ d’isi lɔm ləm, Gə d’isi gə́ majee ləm tɔ lé. Njesigənea̰ ɓa pa bèe. Tarəwkɔg lə dee godo ləm, Pəgərə tarəw lə dee godo ləma, Deḛ d’isi gə kar dee ba ləm tɔ.

Nɔ̰-ndôo gə́ wɔji dɔ Jerusalem 1:7

Loo gə́ njé gə́ Jerusalem D’aw d’ila mbir-mbir ləm, Gə d’isi dan kəmtondoo’g ləm tɔ lé Meḛ dee olé dɔ maji gə́ d’isi danee’g kédé gə́ ləw Ɓa d’oso ji njékula kəm dee ndooje’g ɓəi Ar dəw kára bèe gə́ njela sə dee godo, Njéba̰je lə dee d’oo dee ndá deḛ kogo dee Mbata néurti gə́ teḛ dɔ dee’g lé tɔ.

Nɔ̰-ndôo gə́ wɔji dɔ Jerusalem 5:21

Ǝi Njesigənea̰, tel wa sí gə́ rɔi’g ya Ndá j’a kaw rɔi’g ya tɔ! Ar sí ndɔje to gə́ njé gə́ kédé gə́ ləw lé ya!

Ejekel 36:11

N’a kar bula lə dəwje gə daje ḭ dɔ maree’d gə́ kédé-kédé, d’a bula gə́ kédé-kédé ləm, d’a koji na̰ gə́ kédé-kédé ləm tɔ, neḛ ndigi kar dəwje d’isi mee ɓee’g neelé to gə́ d’isi keneŋ kédé ndá n’a ra sə sí meemaji unda nje gə́ kédé tɔ, bèe ɓa seḭ a gərje ne to gə́ neḛ n’to Njesigənea̰ ya.

Ləbije 27:32

Né gə́ dɔg kun təa kára-kára k’ar gə́ to nékulje gə́ boi-boi əsé gə́ lam-lam lé deḛ lai gə́ dəs gel kag-ɗugu’d lé d’a to né kára mbuna néje’g dɔg gə́ to gə kəmee mbata lə Njesigənea̰ ya.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Abdias 1:19

Deḛ gə́ d’isi par gə́ dɔkɔl lé d’a taa dɔ mbalje lə Esawu gə́ né ka̰ dee-deḛ. Deḛ gə́ d’isi mee ndag-loo’g lé d’a taa ɓee lə Pilistije tɔ. D’a taa dɔ naŋg lə Eprayim ləm, gə ka̰ Samari ləm tɔ, tɔɓəi Bḛjamije d’a taa Galaad tɔ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Soponi 3:13

Ges Israɛlje gə́ nai lé D’a ra né gə́ kori-kori el ŋga ləm, D’a pata ŋgɔm el ləma, Dəw a kiŋga ta sukəmloo ta dee’g el ləm tɔ, Nɛ d’a kul rɔ dee ləm, d’a kwa rɔ dee ləm tɔ Ndá dəw kára kara a kɔm ɓəl dɔ dee’g el.

Jakari 10:10

N’a kar dee d’ḭ Ejiptə tel ree ləm, N’a mbo̰ dee mee ɓee gə́ Asiri ləm tɔ, N’a kar dee ree ɓee gə́ Galaad gə Liba̰ Ndá loo a kas dee el.

Jakari 11:7

Yen ŋga ma m’un ne kudu kul badje gə́ twa dee d’aw sə dee gə́ loo-tḭja-gwɔs dee’g lé, to deḛ gə́ to majel d’unda mar deeje tɔgərɔ ya. Ma m’wa kag gə́ ɗugu joo jim’g. M’unda ri yee gə́ kára lə Noji ləm, m’unda ri yeḛ gə́ raŋg lə Kɔm-na̰’d ləm tɔ. Yee ɓa m’ul ne badje lé ya.

Malasi 3:4

Bèe ɓa nékarje lə Judaje gə njé gə́ Jerusalem lé d’a taa kəm Njesigənea̰ rəgm to gə́ mee ndəaje gə́ ləw lé ləm, to gə́ mee ləbje gə́ dəs mba̰ lé ləm tɔ.

Bula lə Israɛlje 23:9

Dɔ sém mbalje’g lé m’oo dee ləm, Dɔ diŋgri-looje’g lé m’aa dee gərərə ləm tɔ. To dəwje gə́ loo-si dee to ɓəd ləm, Deḛ tura dee na̰’d gə ginkoji dəwje gə́ raŋg el ləm tɔ.

Bula lə Israɛlje 32:1

Ginkoji Rubḛje gə ginkoji Gadje lé deḛ to njénékulje gə́ bula digi-digi, tɔɓəi deḛ d’oo to gə́ ɓee gə́ Jajer gə ɓee gə́ Galaad lé to loo gə́ maji mbata nékulje.

Bula lə Israɛlje 32:4

ɓeeje neelé gə́ Njesigənea̰ tuji dəwje gə́ keneŋ no̰ Israɛlje’g lé to loo gə́ maji mbata nékulje ndá aa oo, kuraje ləi lé to njé njénékulje.

Matiyo 2:6

I Betlehem dɔ naŋg lə Juda lé Ɓee-booje gə́ to ɓeeko̰ gə́ Juda lé d’ur dɔi’g el, Mbata mbai gə́ a kul dəwje ləm gə Israɛl lé a kḭ keneŋ.

Tagə́maji gə́ Ja̰ ndang 17:16

Deḛ to ka̰ naŋg nee el to gə́ ma kara m’to ka̰ naŋg nee el tɔ.

Tel tura Godndu 33:28

Israɛlje d’isi dan meekulɔm’g, Kəm-rəw-manje lə Jakobje to gə kəmee ɓəd Mee ɓee gə́ kó gə mán-nduú to keneŋ, Tàl ḭ mee dara’g ləa wa dɔ’g tɔ.