Misee 7:13 - Maktub gə́ To gə Kəmee

¹³ Ges ɓee gə́ nai lé a tel to dɔdilaloo Mbata dəwje gə́ d’isi keneŋ Mbata lə kandə néra gə́ yèr lə dee lé.

Misee 7:13 ပူးပေါင်းရင်းမြစ်များ

Maktub gə́ wɔji dɔ Jɔb 4:8

Ma lé m’oo gao, deḛ gə́ d’ɔs gel néra gə́ kori-kori ləm, Gə́ dubu néra gə́ gə dɔ najee el ləm tɔ lé d’a kinja ka̰dee ya tɔ.

Gosota-Kəmkàrje 1:31

Ndá d’a kul rɔ dee gə kandə né Gə́ ḭ dan panjaa dee’g ləm, Takwɔji-kəmkàrje lə dee-deḛ ya ɓa A kas dee nag-nag ləm tɔ.

Gosota-Kəmkàrje 31:31

Aree kandə kula rəa gə́ nékoga dɔ jia ləm, Ar kula reaje pidee tarəwkɔgje’g ləm tɔ.

Gosota-Kəmkàrje 5:22

Njemeeyèr lé Néra kori-korije ləa-yeḛ nja wá ləm, Kula kaiyaje ləa ɓa təa jo̰dɔrɔ ləm tɔ.

Esai 17:9

Mee ndəa’g neelé ɓee-booje ləa gə́ siŋga dee to kédé lé d’a tel to asəna gə né gə́ tuji mee kag-kɔr’g əsé dɔ sém mbal gə́ d’uba d’ya̰ no̰ Israɛlje’g bèe ndá a tel to gə́ dɔ nduba.

Jeremi 17:10

Ma Njesigənea̰ m’to njenaa meekuru lə dəw ləm, Gə njenaa takə̰ji gə́ mée’g ləm tɔ Gə mba kuga nana kara Gə goo panjaa ləa ləma, Gə goo kula rəa ləm tɔ.

Jeremi 21:14

Njesigənea̰ pana: N’a kwɔji sí kəmkàr Gə goo kandə néra síje, N’a kila pər mee kag-kɔr’g lə sí Ndá yee a roo looje lai gə́ gugu dəa.

Jeremi 25:11

Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 32:19

I to njemajidum dɔ rəw kwɔji nékəmra’g ləm, i to njesiŋgamoŋ dɔ kula rai’g ləm tɔ. Kəmi oo panjaa dəwje lai gə mba kar nana kara iŋga né gə́ wɔji gə goo panjaa ləa-ləa ləm, gə goo kula rəa-rəa ləm tɔ.

Ejekel 12:19

Tɔɓəi maji kam m’ula koso-dəwje gə́ mee ɓee’g m’pana: Mbaidɔmbaije gə́ Njesigənea̰ pa togə́bè dɔ deḛ gə́ d’isi Jerusalem dɔ naŋg gə́ Israɛl’g pana: D’a ko̰ muru lə dee gə mée tila ŋgaḭla-ŋgaḭla ləm, d’a kai mán lə dee gə meekaar kərm ləm tɔ, mbata néje lai gə́ to mee ɓee’g lə dee lé d’a kodo mbad-mbad gə mba néra kərm-kərm lə dəwje lai gə́ d’isi keneŋ lé.

Ejekel 33:28

N’a kar ɓee tel to dɔ nduba gə́ wa ŋgɔ njag-njag ləm, gə dɔdilaloo ləm tɔ, siŋgamoŋgee gə́ yeḛ aw ti ne rəa a godo ləm, dɔ mbalje gə́ Israɛl a to kari péd-péd kar dəw kára kara dəs keneŋ el ləm tɔ.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Misee 3:4

Yen ŋga d’a no̰ wəl gə́ rɔ Njesigənea̰’g, Nɛ yeḛ a kila dee keneŋ el. Mee ndəa’g neelé yeḛ a kiya rəa kəm dee’g Mbata néraje lə dee gə́ to kḛji lé.

Misee 5:3

Yeḛ a kḭ ta ndá A kul badə-kosoje ləa gə siŋgamoŋ lə Njesigənea̰ ləm, Gə rɔnduba lə ri Njesigənea̰, Ala ləa ləm tɔ! D’a kiŋga loo-si dee gə́ d’a si ne gə meekulɔm, Mbata d’a kula rɔnduba dəa’g saar kɔr rudu naŋg nee njal.

Misee 6:13

Gelee gə́ nee ɓa n’a kunda sí ne gə nékəmndoo ləm, N’a tuji sí ne mbata lə kaiyaje lə sí ləm tɔ.