Misee 7:11 - Maktub gə́ To gə Kəmee

¹¹ Ndɔ gə́ d’a tel kunda ndògo-bɔrɔje lə sí gogo ndá Mee ndəa’g neelé d’a kila kəm-rəw-nimje lə sí dɔ maree’g.

Misee 7:11 ပူးပေါင်းရင်းမြစ်များ

Nehemi 2:17

Yen ŋga m’ula dee m’pana: Seḭ ooje kəmtondoo gə́ j’isi danee’g gaw ya. Jerusalem tuji ləm, pər o̰ tarəwkɔgje ləa ləm tɔ. Gə́ reeje ar sí j’undaje ndògo-bɔrɔ gə́ Jerusalem lé gogo, bèe ɓa rɔ sí a kul ne el tɔ.

Nehemi 2:8

tɔɓəi a kam maktub kára mbata lə Asap, njekaa dɔ kag-mee-kɔrje lə mbai gə mba karee am kagje gə́ tɔl mba ra ne tarəwkəije lə kəi-kaar-kegoro gə́ to mbɔr kəi gə́ to gə kəmee’g ləm, gə mbata lə ndògo-bɔrɔ lə ɓee-boo ləma, gə mbata kəi gə́ m’a gə si keneŋ ləm tɔ. Mbai am maktubje neelé ya mbata ji Ala gə́ maji dum lé to dɔm’g.

Nehemi 4:3

Yen ŋga jeḛ n’raje tamaji ta Ala’g lə sí ləm, jeḛ j’undaje njéŋgəmlooje dan kàrá gə loondul’g mba kar dee d’aḭ bada dɔ sí’g d’oma̰ ne sə dee ləm tɔ.

Nehemi 4:6

Nɛ Jibje gə́ d’isi mbɔr dee’g dəb lé ree ndəji sí kɔr as gɔl dɔg dɔ looje gə́ njéba̰je lə sí d’a gə kḭ keneŋ ree rɔ sí’g lé.

Esai 54:11

I ɓee-boo gə́ Jerusalem gə́ némeeko̰ rai Ar lel-boo ɓirii nɛ dəw kára kara gə́ njegɔli godo lé! Aa oo, m’a ra néra ma̰dje ləi gə kɔr mbalje ləi ləm, M’a tum geli gə jər sapir ləm tɔ.

Esai 54:2

Ɔr gad-kəi-kubu ləi gə́ raga, Maji kar dee la pala ta maree’g loo-sii’g, Ɔg rɔi el! Ya̰ goo kúla aree ŋgal unda nje gə́ kédé ləm, Mbusu gel gajije ləi jigi-jigi ləm tɔ.

Esai 58:12

Njé’g ləi d’a kunda kəi Dɔ gineje gə́ ləw gə́ tuji’g ləm, I a gɔl gineje gə́ ləw karee ḭtar gogo ləm tɔ. D’a ɓari njegɔl kəm ndògo-bɔrɔje gə́ ta̰ ləm, Gə yeḛ gə́ njegɔl rəwje ləma, Gə yeḛ gə́ gɔl ɓee ar dəwje D’isi keneŋ ləm tɔ.

Esai 61:4

D’a tel gɔl dɔ gin ɓee gə́ ləw gə́ tuji lé ləm, Kəije gə́ ləw-ləw gə́ tuji lé D’a gɔl dee kunda dee tar gogo ləma, Ɓee-booje gə́ tuji pugudu-pugudu Ar dee to dɔnduba ləw ba lé D’a tel gɔl dee gogo ləm tɔ.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.