Misee 7:10 - Maktub gə́ To gə Kəmee

¹⁰ Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Misee 7:10 ပူးပေါင်းရင်းမြစ်များ

2 Samel 22:43

Ma m’iri dee budu-budu M’ar dee to d’asəna gə babur bèe ləm, Ma m’təd dee mbɔḭ dee naŋg mbaji-mbaji Asəna gə bɔrɔ gə́ to rəbə bèe ləm tɔ.

Pakɔsje 109:29

Maji kar kəm sɔḭ wa kəm njékoma̰ səmje Asəna gə kubu bèe ləm, Maji kar dee dolè rɔ dee gə rɔkul Asəna gə kubu gə́ ŋgal yududu bèe ləm tɔ!

Pakɔsje 115:2

See gelee ban ɓa ginkoji dəwje gə raŋg lé D’a dəji pana: See Ala lə dee lé əd ra wa lé D’a dəji bèe mbata ɗi wa.

Pakɔsje 18:42

Deḛ no̰ wəl-wəl nɛ Dəw kára kara gə́ njekaji dee godo! Deḛ no̰ wəl ɓar Njesigənea̰ nɛ Yeḛ kara tel ila dee keneŋ el tɔ.

Pakɔsje 35:26

Maji kar deḛ lai gə́ d’al rɔ dee dɔ nékəmndoo’g ləm lé Nai gə rɔkul ya! Maji kar deḛ gə́ d’ḭ səm kara Rɔkul-boo dəb dɔ dee’g bigim to!

Pakɔsje 42:10

Ma m’ula Ala gə́ to biri mbal ləm m’pana: See ban ɓa yeḛ ar mée wəi dɔm’g wa. See ban ɓa ma m’aw dan meeko̰’g Gin kula kəm loondoo’g lə njeba̰ lé wa.

Pakɔsje 42:3

M’aw ndòo Ala gə́ to Ala gə́ Njesikəmba lé Asəna gə dəw gə́ kṵdaman tɔlee bèe. See ndɔ gə́ ra ɓa m’a teḛ kaar no̰ Ala’g lé wa.

Pakɔsje 58:10

Ɓad ɓa kar ŋgoroje lə sí d’oo ŋgəw kag gə́ təb əsé yeḛ gə́ taa pər lé Lel-mal a sa dee rəw.

Pakɔsje 79:10

See gelee ban ɓa ginkoji dəwje gə raŋg lé d’a pana: See Ala lə dee lé əd ra ɓəi wa. Maji kar dee gər gao kəm síjeḛ’g ləm, Gə mbuna ginkoji dəwje gə raŋg’g ləm tɔ lé To gə́ i nja dal ba̰ məs kuraje ləi gə́ ɔm dɔ naŋg lé.

Pakɔsje 92:12

Meem lelm yaa̰ mba koo ne njéba̰je ləm gə́ d’isi tuji ləm, Mbim kara m’ur njor m’oo ne ndu njékoma̰ səmje gə́ to njémeeyèrje lé ya ləm tɔ.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 41:25

Ma m’ɓar dəw kára par gə́ dɔgel Ndá yeḛ si ree ya, Loo-kuba’g lə kàr lé deḛ ɓar ria keneŋ, Yeḛ mbula njésiŋgamoŋje naŋg To gə́ mbula ne bɔrɔ bèe ləm, To gə́ njekubajo mbɔḭ ne a̰ji bèe ləm tɔ.

Jeremi 49:15

Mbata aa ooje, m’a gə kar sí tel toje né gə́ əḭ el mbuna ginkoji dəwje gə raŋg’g ləm, M’a kar koso-dəwje d’ə̰ji sí bəḭ-bəḭ ləm tɔ.

Jeremi 51:24

Babilɔn gə dəwje lai gə́ d’isi Kalde lé M’a ra sə dee némajelje lai Gə́ deḛ ra gə Sio̰ lé kəm sí’g ya. Njesigənea̰ ɓa pa bèe.

Jeremi 51:51

Rɔ sí kul loo gə́ j’oo ta tajikil ləm, Sɔḭ wa kəm sí Loo gə́ dəw-dɔ-ɓeeje ree Mee loo’g lə Njesigənea̰ Gə́ to gə́ kəmee ləm tɔ.

Ejekel 7:18

D’a kula kubu-kwa-ndòo ləm, Ɓəl-boo a dəb dɔ dee’g ləm, Rɔkul a kwa kəm deḛ lai ləma, Dɔ deeje lai lé d’a ndisa ŋgori-ŋgori ləm tɔ.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Abdias 1:10

Gayim gə́ seḭ raje gə ŋgoko̰ sí Jakob lé Rɔkul a dəb ne dɔ sí’g gə mbəa ləm, Seḭ a kuduje ne bo̰ ləm tɔ.

Abdias 1:12

Mee kàree gə́ némeeko̰ ra ŋgoko̰ sí lé Kəm kar sí ooje gə́ nérɔlel el ləm, Kəm kar sí alje rɔ sí dɔ ŋgaka Judaje’g ndɔ tuji’g lə dee el ləma, Ndɔ gə́ néurti teḛ lé Kəm kar sí teḛje ta sí Ulaje ne sul dɔ dee’g el ləm tɔ.

Misee 4:11

Ɓasinè lé ginkoji dəwje gə raŋg Mbo̰ na̰ gə mba rɔ sə sí mba̰. Deḛ pana: Maji kar dee d’ula sul dɔ sí’g ləm, Maji kar kəm neḛje oo tuji lə Jerusalem ləm tɔ!

Misee 7:8

Seḭ njéba̰je lə sí lé, maji kar sí alje rɔ sí Wɔjije ne dɔ síjeḛ el Mbata jeḛ j’oso ya Nɛ j’a kḭje ta ɓəi. Ɓó lé j’isi dan loondul’g kara Njesigənea̰ a to lookàr lə sí ɓəi.

Soponi 3:15

Njesigənea̰ ya̰ goo bo̰ néra sí Gə́ yeḛ wɔji mba karee ɔs ta sí’g ləm, Yeḛ ɔs njeba̰ lə sí rɔ sí’g rəw gə́ raŋg ləm tɔ, Mbai gə́ Israɛl gə́ to Njesigənea̰ lé Si mbuna sí’g ya, Seḭ a ɓəlje némeeko̰ gə́ a teḛ dɔ sí’g nda̰ el.

Jakari 10:5

D’a to kasəna gə bao-rɔje Gə́ tuba bɔrɔ gə́ mba̰-rəwje loo-rɔ’g bèe, D’a rɔ rɔ ya mbata Njesigənea̰ a nai sə dee, Ndá deḛ gə́ njérɔ gə kundaje lé Rɔkul a dəb dɔ dee’g.

Malasi 1:5

Seḭ a kooje gə kəm sí ndá seḭ a pajena: Siŋgamoŋ lə Njesigənea̰ al dɔ rəw-nim-ɓeeje lə Israɛlje ya!

Matiyo 27:43

Yeḛ unda mée yel dɔ Ala’g lé, ɓó lé Ala ndigee ndá maji karee wá ɔree ɓasinè. Mbata yeḛ pana: Neḛ n’to Ŋgon-Ala ya.

Jujé 7:9

Kana̰je gə deḛ lai gə́ d’isi mee ɓee’g neelé d’a koo taree ndá d’a ree kaḭ dɔ sí sub ləm, d’a kar ri sí udu bo̰ dɔ naŋg nee ləm tɔ. Ŋga see ɗi ɓa i a ra mba kar boo-riɓar ləi to ne ɓəi wa.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.