Misee 6:8 - Maktub gə́ To gə Kəmee

⁸ I dəw lé d’ulai né gə́ maji gə́ wɔji dɔi Gə né gə́ Njesigənea̰ ndigi kiŋga rɔi’g to: To mba kari ra né gə́ to gə dɔ najee ləm, Gə unda meekɔrjol dan kəmi’g ləma, Gə njaa gə Ala ləi gə ŋgonkoji ləm tɔ.

Misee 6:8 ပူးပေါင်းရင်းမြစ်များ

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Gḭ-Néje 5:22

Enok lé loo gə́ yeḛ oji Metusela mba̰ ndá yeḛ njaa gə Ala ləbee tɔl-munda (300) ɓa yeḛ oji ŋganje gə́ diŋgam gə njé gə́ dené ɓəi tɔ.

2 Sôrta Gḭka Israɛlje 30:11

Nɛ lé bèe kara Aserje gə Manasəje gə Jabilo̰je gə́ na̰je d’ula dɔ dee ndá deḛ ree Jerusalem ya.

2 Sôrta Gḭka Israɛlje 32:26

Yen ŋga goo beelé’g lə Ejekias lé yeḛ gə njé gə́ Jerusalem lai tel d’oso ne kul, gelee gə́ nee ɓa oŋg lə Njesigənea̰ oso ne dɔ dee’g mee ndəa gə́ Ejekias si ne kəmba lé el tɔ.

2 Sôrta Gḭka Israɛlje 33:19

Tamaji ra ləa gə tel gə́ Ala tel ilá keneŋ, gə kaiyaje ləa gə kaltaje ləa, gə dɔ looje gə́ ndəw gə́ yeḛ unda dee ar magəje gə néndajije gə́ tɔl dee kédé ɓa yeḛ oso ne kul ɓəi lé ndaŋg taree mee maktub’g lə Hojai.

2 Sôrta Gḭka Israɛlje 33:23

Yeḛ oso kul no̰ Njesigənea̰’g to gə́ bɔbeeje Manasə oso bèe el mbata Amo̰ lé ar ta wa ne dəa gə́ kédé-kédé.

2 Sôrta Gḭka Israɛlje 34:27

Mbata ɓəŋgəri ti dus ləm, mbata i wa ndòo no̰ Ala’g lé dɔ ta gə́ pa dɔ loo gə́ nee’g gə dɔ dəwje gə́ d’isi keneŋ ləm, mbata i oso kul no̰m’g ləma, mbata i til kubuje ləi rɔi’g no̰m’g ləm tɔ ndá ma kara m’oo ndui ya tɔ. Njesigənea̰ ɓa pa bèe.

Nehemi 9:13

I risi ur dɔ mbal’d gə́ Sinai Ndá i ula dee ta gə ndui gə́ ḭ mee dara gə́ tar, Tɔɓəi i ar dee ndukunje gə́ danasur ləm, Gə godnduje gə́ to kankəmta ləm, Gə tornduje ləma, gə godnduje gə́ maji dum ləm tɔ.

Pakɔsje 101:1

Pakɔs lə Dabid. M’a kɔs pa meemaji gə néra gə́ gə dɔ najee lé. M’a kɔs pa neelé kari-i Njesigənea̰ ya.

Pakɔsje 112:4

Lookàr lé ḭ ndogó loondul’g Mbata lə njéra nédanaje lé ləm, Mbata lə dəw gə́ to njemeekoso lemsé Gə njekoo kəmtondoo gə njemeekarabasur ləm tɔ.

Pakɔsje 112:9

Yeḛ ya̰ meḛ jia tag wa ne noji gə njéndooje pə-pə ləm, Meekarabasur ləa to saar gə no̰ ləma, Rɔnduba lé d’a kula dəa’g ləm tɔ.

Pakɔsje 37:26

Yeḛ oo kəmtondoo ta-ta ndá Ar dee ndimá ne né, Ŋgakeaje d’iŋga ne ndutɔr ya.

Pakɔsje 73:28

Nɛ ma lé kam m’ŋgəs pər gə́ rɔ Ala’g lé Yee ɓa m’oo gə́ némaji ləm, M’oo Mbaidɔmbaije gə́ Njesigənea̰ gə́ njo̰loo-kula-dɔ ləm Gə mba kɔr ne sor kwɔji ne dɔ néraije’g lai ləm tɔ.

Gosota-Kəmkàrje 21:3

Ra né gə́ gə dɔ najee ləm gə né gə́ danasur ləm tɔ lé Yee ɓa Njesigənea̰ oo gə́ né gə́ maji unda nékinjanéməsje ya.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Esai 56:1

Njesigənea̰ pa togə́bè pana: Aaje dɔ néra gə́ to danasur kər-kər ləm, Raje né gə́ to gə dɔ najee ləm tɔ Mbata kaji ləm si ree gə́ nee ləm, Néram gə́ gə dɔ najee lé a gə kila rəa gə́ raga ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Jeremi 22:16

Yeḛ gaŋg rəwta lə njenékəmndoo Gə yeḛ gə́ né lalee gə goo rəbee, Ndá yeḛ si ne dan rɔlel’g. Njesigənea̰ pana: See néra gə́ togə́bè ɓa gə́ gər neḛ el wa.

Jeremi 22:3

Njesigənea̰ pa togə́bè pana: Gaŋje rəwta néra gə́ gə dɔ najee gə goo rəbee ləm, taaje dɔ deḛ gə́ d’ula kəm dee ndòo ji njékula kəm loo ndooje’g ləma, ulaje kəm dəw-dɔ-ɓee gə ŋgonal gə njekəisiŋga ndòo el ləm tɔ. Raje néra gə́ kərm-kərm el ləm, ilaje məs yeḛ gə́ ta wa dəa el naŋg mee loo gə́ nee el ləm tɔ.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 3:26

Maji kar dəw si lɔm ya ŋgina Kaji gə́ ḭ rɔ Njesigənea̰’g lé.

Ejekel 16:63

gə mba kar məəi olé ne dɔ ndɔje gə́ dəs’g ɓó gə kar rɔkul wa ne kəmi ləm, gə mba kari oo loo teḛ tai ja̰ pata el ŋga ləm tɔ gə mba kar kəm sɔḭ wa kəmi loo gə́ n’a kar mee neḛ oso lemsé dɔ néje lai gə́ i ra lé, Mbaidɔmbaije gə́ Njesigənea̰ ɓa pa bèe.

Ejekel 33:14

Loo gə́ neḛ n’ula njemeeyèr m’pana: I a kwəi! ɓa ɓó lé yeḛ uba goo kaiya ləa ya̰ ra ne né gə́ danasur ləm, ra ne né gə́ gə dɔ najee ləm tɔ,

Ojee 12:6

Njesigənea̰ to Ala gə́ njeboo-néje, Ria to Njesigənea̰ ya.

Ojee 6:6

Mbata meekɔrjol ɓa taa kəm ɓó nékinjanéməsje ba el. Gər ndaa Ala kara maji unda nékinjanéməsje gə́ roo lé tɔ.

Ləbije 26:41

kaiya ra dee gə́ togə́bè ɓa a karm ma nja kara m’a kɔs dee ne rəw ləm, m’a ndɔr dee ne kɔm dee ne ɓee’g lə njéba̰je lə dee ləm tɔ. Yen ɓa deḛ gə́ meḛ dee tɔ kujita el lé d’a tel kula ne dɔ dee ləm, d’a kuga ne ɓaŋg néra kori-korije lə dee ləm tɔ.

Amɔs 5:24

Nɛ maji kar néra gə́ danasur to asəna gə kəm-rəw-mán bèe ləm, Arje néra gə́ gə dɔ najee kara to asəna gə mán gə́ kəm-rəw-mán gə́ yi tə el ləm tɔ.

Misee 6:9

Ndu Njesigənea̰ ɓar dan ɓee-boo’g, Yeḛ gə́ to njekəmkàr ndá a ɓəl ria. Maji kar sí ooje ta lə ndəi ləm, gə yeḛ gə́ njekunda sí ləm tɔ.

Soponi 2:3

Seḭ njékula dɔ síje lai gə́ dɔ naŋg neelé Maji kar sí saŋgje Njesigənea̰, Seḭ lai gə́ raje né gə́ ndukunje ləa wɔji lé! Maji kar sí ndolèje goo meekarabasur ləm, Gə saŋgje loo kula dɔ sí ləm tɔ. Banelə Njesigənea̰ a kya̰ sí ndɔ oŋg’d ləa.

Jakari 7:9

Njesigənea̰ gə́ njeboo-néje pa togə́bè pana: Gaŋje rəwta gə́ gə dɔ najee ləm, Raje gə na̰ meemaji ooje ne kəmtondoo lə na̰ ləm tɔ.

Matiyo 5:3

Deḛ gə́ d’ula dɔ dee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Matiyo 5:7

Deḛ gə́ d’oo kəmtondoo lə mar deeje lé rɔ dee lel dee, Mbata d’a koo kəmtondoo lə dee-deḛ tɔ.

Lugu 10:42

Né kára ba gə́ ndée to lé yee ɓa gə́ né gə́ maji gə́ Mari orè kəmee dɔ’g nja, to né gə́ dəw a kwa rəa’g kɔr pai godo.

Lugu 11:42

Nɛ seḭ Parisiḛje lé meeko̰ a koso dɔ sí’g. Mbata seḭ kaije ta kamnaḭje lə sí gə́ ri dee lə mantə gə ruə gə kamnaḭje gə́ gə ria-ria lé loo dɔg ndá unje təa kára-kára arje Ala, nɛ meekarabasur gə meenoji gə́ ka̰ Ala lé seḭ ubaje ya̰je. Néje neelé ɓa kəm kar sí oreeje kəm sí keneŋ sḭ raje ɓó a lal kya̰ ne néje gə́ raŋg lé el tɔ.

Lugu 12:14

Jeju tel ila dəw gə́ neelé pana: I dəw nee, see na̰ ɓa ɔrm undam gə́ njera rəwta lə sí əsé njekunda kəm né lə sí dana kai sí wa.

Lugu 6:36

Arje meḛ sí oso lemsé dɔ mar síje’g to gə́ bɔ síje ar mée oso lemsé dɔ sí-seḭ’g nja tɔ.

Njé gə́ Rɔmə 7:16

Ɓó lé né gə́ m’wɔji-kwɔji ra el lé ɓa m’ra ndá yee ɓa am m’gər gao to gə́ godndu lé to maji ɔr njoroŋ ya.

Njé gə́ Rɔmə 9:20

Ǝi i yḛ̀ to dəw ɗi to ŋga ɓa mba koma̰ gə Ala wa. See jo ɓan a dəji njekubá pana: See ban ɓa i ubam togə́bè wa. See a dəji njekubá togə́bè ya wa.

1 Njé gə́ Kɔrḭtə 7:16

I dené lé lé i a kar ŋgabi aji kara i gər el. Esé i diŋgam lé lé i a kar dené ləi aji kara i gər el tɔ.

Njé gə́ Epesə 4:32

Raje meemaji gə na̰ ləm, ooje kəmtondoo lə na̰ ləm tɔ. Maji kar sí arje meḛ sí oso lemsé dɔ na̰’g to gə́ Ala kara ar mée oso lemsé dɔ sí-seḭ gə́ ɔmje na̰’d gin Kristi’g lé tɔ.

Tel tura Godndu 27:10

Seḭ a kilaje ŋgonkoji dɔ torndu Njesigənea̰ Ala’g lə sí ləm, godndiaje lai gə́ ma m’un m’ar sí ɓogənè lé seḭ a raje née ləm tɔ.

Tel tura Godndu 30:15

Aa ooje, ɓogənè m’unda néje nee no̰ sí’g: kisi kəmba gə némajije ləm, gə yoo gə némajel ləm tɔ.

Njé gə́ Kolosə 3:12

Bèe ndá to gə́ seḭ toje dəwje gə́ to gə kəmee gə́ m’unda sí dan kəm’g ləm, Ala lé nja ɔr sí gə kəmee ləm tɔ ndá maji kar sí arje meekoso lemsé ləm, gə meemaji ləm, gə kosokul ləm, gə kaw yururu ləma, gə meekila ləm tɔ lé to ne néje gə́ seḭ dolèje ne rɔ sí yul-yul ya.

2 Njé gə́ Tesalonikə 2:16

Maji kar Jeju Kristi Mbaidɔmbaije lə sí nja ləm, gə Ala Bɔ síje gə́ unda sí dan kəmee’g ləm tɔ lé d’wa sə sí noji d’ar sí j’isi ne dan meelɔm’g gə́ to gə no̰ ləm, d’ar meḛ sí to ne yel ləm tɔ lé

Maktub gə́ Jak ula ne ar ngan-Allaje 2:20

Ǝi, i dəw gə́ gə mḭdé ba lé see kəmi inja dɔ’g bərəŋ el ɓəi wa. Meekun gə́ lal ra née ndá to gə mḭdé ba tɔ.

Jujé 24:14

Ɓasinè, maji kar sí ɓəlje Njesigənea̰ ləm, raje né areeje gə meekarabasur gə ŋgonkoji ləm tɔ. Arje magəje gə́ ka síje-je ra né d’ar dee kel tura-baa gə́ nu mee ɓee gə́ Ejiptə lé godo mbuna sí’g ndá raje né arje Njesigənea̰ ɓa.

1 Piɛrə 3:8

Tɔɓəi seḭje lai lé ɔmje meḛ sí na̰’d sad ləm, ooje kəmtondoo lə na̰ ləm, waje na̰ gə́ rɔ na̰’d wɔjije ne kag noji ləm, arje meḛ sí oso lemsé dɔ na̰’g ləma, kulje gə na̰ yururu ləm tɔ.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.

1 Samel 15:22

Samel pana: See Njesigənea̰ iŋga rɔlel dɔ nékinjanéməsje gə́ roo gə nékinjanéməsje gə́ raŋg to gə́ yeḛ iŋga ne rɔlel loo kila ŋgonkoji dɔ godndu Njesigənea̰’g to wa. Aa oo, kila ŋgonkoji lé maji unda nékinjanéməsje ləm, kaa dɔ ta ɓa maji unda ubu bàl badje ləm tɔ.