Misee 6:7 - Maktub gə́ To gə Kəmee

⁷ See bàl badje gə́ bula digi-digi ləm, Gə ubu gə́ ula kəŋgəŋ-kəŋgəŋ ləm tɔ lé A taa kəm Njesigənea̰ wa. See m’a kun ŋgondərm kuga ne dɔ kal gə́ m’al dɔ godnduje ləm, Gə ŋgan meemje kuga ne dɔ kaiya ləm ləm tɔ wa.

Misee 6:7 ပူးပေါင်းရင်းမြစ်များ

2 Mbaije 16:3

Yeḛ un dɔ gɔl mbaije gə́ Israɛl ndá ŋgonee ya kara yeḛ rée pər ndaji ne néraje gə́ mina̰ lə ginkoji dəwje gə́ Njesigənea̰ tuba dee no̰ Israɛlje’g lé.

2 Mbaije 21:6

Yeḛ ila ŋgonee pər’d ləm, yeḛ tən kil-lə-ndije gə lije ɓa gə mba gər ne néje gə́ d’a gə teḛ ləma, yeḛ unda dəwje gə́ njéɓar ndil dəwje ar dee pata néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne ya.

2 Mbaije 23:10

Mbai ar Topet gə́ to mee wəl-loo’g lə ŋgalə Hinɔm lé tel to loo gə́ mina̰ gə mba kar dəw roo ŋgonee gə́ diŋgam əsé yeḛ gə́ dené keneŋ mba kula ne rɔnduba dɔ magə gə́ ria lə Molok’g lé el ŋga.

2 Mbaije 3:27

Yen ŋga yeḛ wa ŋgondəree gə́ a gə taa toree loo ko̰ɓee’g ya ḭjá gə́ nékinjaməs ka̰ roo dɔ ndògo-bɔrɔ’g. Meḛ Israɛlje ḭ sə dee pu ar dee d’ɔr rɔ dee rɔ mbai gə́ Moab’g lé tel d’aw ɓee lə dee tɔ.

Maktub gə́ wɔji dɔ Jɔb 29:6

Loo gə́ m’isi dan maji’g bèdèg ləm, Ubu taa loo-kas-ubu ləm pəl-pəl ləm tɔ.

Pakɔsje 50:9

Ma lé m’a kwa bɔ maŋg kára kara Mee kəi’g lə sí el ləm, Esé bàl bya̰je kara Mee kəi nékulje’g lə sí el ləm tɔ.

Pakɔsje 51:16

Ǝi Ala gə́ to Ala gə́ njekajim lé Maji kari ɔr ta kila məs dəw lé dɔm’g Ndá tam a teḛ kila mber ta meekɔrjol ləi.

Pakɔsje 51:18

Ɓó lé i ndigi kam m’inja nékinjanéməsje m’ari ndá M’a kinja kari ya, Nɛ nékinjanéməsje gə́ roo lé taa kəmi el.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 21:3

Ra né gə́ gə dɔ najee ləm gə né gə́ danasur ləm tɔ lé Yee ɓa Njesigənea̰ oo gə́ né gə́ maji unda nékinjanéməsje ya.

Esai 1:1

Ndərta gə́ inja kəm Esai, ŋgolə Amots’g aree oo wɔji ne dɔ Judaje gə Jerusalemje mee ndəa gə́ Ojias gə Jotam gə Akaj gə Ejekias to ne mbaije gə́ Juda lé.

Esai 40:16

Kagje gə́ Liba̰ lé d’as mba yel ne pər el ləm, Da-kulje gə́ keneŋ kara d’as mba kinja dee gə́ nékinjanéməsje gə́ ka̰ roo lé el ləm tɔ.

Jeremi 19:5

Deḛ ra dɔ looje gə́ ndəw d’ar magə-Baal mba roo ŋgan deeje keneŋ gə́ nékinjaməs kar magə-Baal. Yee ɓa to né gə́ ma m’un ne ndum mba kar dee ra əsé m’wɔji mba kar dee ra bèe lé el ləm, to né gə́ ree dan takə̰ji’g ləm kara el ləm tɔ.

Jeremi 6:20

Ubu gə́ ə̰də sululu gə́ d’ḭ ne Seba ləm, Gə kamnaḭje gə́ d’ə̰də lel Gə́ d’ḭ ne dɔ ɓee gə́ əw ləm tɔ lé See m’aw ndòo dee wa. Nékinjaməsje lə sí gə́ ka̰ roo lé Lelm el ləm, Nékinjaməsje lə sí gə́ raŋg kara Taa kəm el ləm tɔ.

Jeremi 7:31

Deḛ ra loo-nékinjaməs mee loo gə́ Topet, mee wəl-loo gə́ Ben-Hinom, gə mba roo ŋgan deeje gə́ diŋgam gə njé gə́ dené keneŋ! To né gə́ ma m’un ndum dɔ’g el ləm, takə̰ji gə́ togə́bè kara ree dɔm’g el ləm tɔ.

Ejekel 23:37

Deḛ d’ya̰ rɔ dee yag dan mɔdkaiya’g ləm, məs wa ji dee mbəgə-mbəgə ləm tɔ, deḛ ra kaiya gə magəje lə dee gə́ mina̰, ŋgan deeje gə́ d’oji d’ar neḛ lé kara deḛ roo dee mba kar dee to nésɔ lə pər lé.

Ojee 5:6

D’a kaw gə badje gə maŋgje lə dee Gə mba ndolè ne goo Njesigənea̰, Nɛ d’a kiŋgá el, Mbata yeḛ sa rəa rəw mbuna dee’g.

Ojee 6:6

Mbata meekɔrjol ɓa taa kəm ɓó nékinjanéməsje ba el. Gər ndaa Ala kara maji unda nékinjanéməsje gə́ roo lé tɔ.

Ləbije 18:21

Seḭ a kunje ŋgon sí kára kara kilaje dan pər’g kar magə-Molok el mbata yee ɓa seḭ a kilaje ne ndɔl dɔ ri Ala’g lə sí ya.

Ləbije 20:1

Njesigənea̰ ula Moyis pana:

Amɔs 5:22

Loo gə́ seḭ injaje nékinjanéməsje lə sí Gə́ ka̰ roo arje neḛ Esé reeje gə nékar lə sí Gə́ to gə́ nduji kó bèe lé Rɔ neḛ lel neḛ dɔ’g el ləm, Bɔ maŋgje lə sí gə́ rɔ dee to ndəb-ndəb Gə́ seḭ inja deeje gə́ məs Gə́ wɔji dɔ kɔm na̰’d lé kara Neḛ n’un kəm neḛ dɔ’g rəw ya ləm tɔ.

Piləmɔ̰ 1:12

Ma m’ulá m’aree tel rɔi’g gogo asəna gə dəb rɔm kára gə́ m’ɔr m’ulá rɔi’g.

Njéga̰g-Rəwtaje 11:31

loo gə́ m’ḭ ɓee lə Amo̰je m’tel gə rɔlel ndá nana ɓa gə́ a kunda loo teḛ tarəwkəi’g ləm tila kəm ndá yeḛ neelé a to gə kəmee kar Njesigənea̰, tɔɓəi m’a kḭjá gə nékinjaməs gə́ ka̰ roo kari ya.

Njéga̰g-Rəwtaje 11:39

Loo gə́ rudu naḭ gə́ joo lé un ɗiao mba̰ ndá yeḛ ree rɔ bɔbeeje’g tɔɓəi yeḛ ar ndukun lé aw lée’g béréré dəa’g ya. Yeḛ gər diŋgam el. Un kudee mee ndəa gən lé ndá yee neelé tel to néjiɓee lə Israɛlje ya,

1 Samel 15:22

Samel pana: See Njesigənea̰ iŋga rɔlel dɔ nékinjanéməsje gə́ roo gə nékinjanéməsje gə́ raŋg to gə́ yeḛ iŋga ne rɔlel loo kila ŋgonkoji dɔ godndu Njesigənea̰’g to wa. Aa oo, kila ŋgonkoji lé maji unda nékinjanéməsje ləm, kaa dɔ ta ɓa maji unda ubu bàl badje ləm tɔ.