Misee 6:6 - Maktub gə́ To gə Kəmee

⁶ See ɗi ɓa m’a ra mba kaar ne no̰ Njesigənea̰’g ləm, Gə mba kula ne dɔm naŋg no̰ Ala gə́ Njekurdɔloo’g lé ləm tɔ wa. See m’a kaw kaar nea̰’g Gə nékinjanéməsje gə́ ka̰ roo ləm, Gə ŋgan maŋgje gə́ ra ləb dee kára-kára ləm tɔ wa.

Misee 6:6 ပူးပေါင်းရင်းမြစ်များ

2 Samel 21:3

Togə́bè ɓa Dabid dəji Gabao̰je pana: See ɗi ɓa m’a kar sí wa. See ɗi ɓa m’a ra mba kuga ne dɔ majel gə́ jeḛ n’raje sə sí gə mba kar sí tɔrje ne ndu sí dɔ nédɔji’g lə Njesigənea̰ lé wa.

Pakɔsje 116:12

See ɗi ɓa m’askəm kar Njesigənea̰ Tor némajije lai gə́ yeḛ ra səm lé wa.

Pakɔsje 22:29

Mbata ko̰ɓee lé to ka̰ Njesigənea̰, Yeḛ nja o̰ ɓee dɔ ginkoji dəwje gə raŋg’g.

Pakɔsje 95:2

Ar sí j’awje nea̰’g gə pa pidee ləm, Maji kar ndu paje gə́ ka̰ kila riɓar dəa’g lé Ɓar ɔr loo lɔi-lɔi ləm tɔ,

Pakɔsje 95:6

Gə́ reeje ar sí j’undaje barmba J’osoje ne kul nea̰’g, Ar sí j’ɔsje kəji sí no̰ Njesigənea̰’g Gə́ to njekunda sí lé

Teḛ-Raga 12:5

Ŋgon badə gə́ seḭ a kwáje lé a to bàlee gə́ ra ləb kára ba gə́ rəa mina̰ el, seḭ a kwaje ŋgon badə əsé ŋgon bya̰ tɔ.

Teḛ-Raga 23:15

Seḭ a raje naḭ gə́ wɔji dɔ muru gə́ lal əm-tiné, as ndɔ sí siri mee ndəaje gə́ seḭ wɔjije mee naḭ gə́ Abib lé seḭ a ko̰je muru gə́ lal əm-tiné, to gə́ m’a m’un ne ndum m’ar sí lé mbata to mee naḭ neelé ya ɓa seḭ undaje ne loo mee ɓee gə́ Ejiptə teḛje, tɔɓəi dəw kára kara a ree kaar nɔm’g gə jia kari ba el.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 21:3

Ra né gə́ gə dɔ najee ləm gə né gə́ danasur ləm tɔ lé Yee ɓa Njesigənea̰ oo gə́ né gə́ maji unda nékinjanéməsje ya.

Esai 40:16

Kagje gə́ Liba̰ lé d’as mba yel ne pər el ləm, Da-kulje gə́ keneŋ kara d’as mba kinja dee gə́ nékinjanéməsje gə́ ka̰ roo lé el ləm tɔ.

Jeremi 6:20

Ubu gə́ ə̰də sululu gə́ d’ḭ ne Seba ləm, Gə kamnaḭje gə́ d’ə̰də lel Gə́ d’ḭ ne dɔ ɓee gə́ əw ləm tɔ lé See m’aw ndòo dee wa. Nékinjaməsje lə sí gə́ ka̰ roo lé Lelm el ləm, Nékinjaməsje lə sí gə́ raŋg kara Taa kəm el ləm tɔ.

Ejekel 46:9

Nɛ loo gə́ koso-dəwje gə́ mee ɓee’g d’a gə ree kaar no̰ Njesigənea̰’g ndɔ ra naḭje gə́ to gə kəmee gə́ to ka̰ Njesigənea̰ ndá dəw gə́ a kandə kəi gə tarəw gə́ to par gə́ dɔgel mba kunda barmba ndá a kunda loo teḛ raga gə tarəw gə́ par gə́ dɔkɔl, dəwje d’a tel teḛ raga gə rəw gə́ d’andə ne kəi lé el nɛ tarəw gə́ to wɔji dɔ na̰ njoroŋ-njoroŋ ɓa d’a teḛ ne raga.

Loo gə́ killa rea kəm Daniel’g 3:26

Gée gə́ gogo Nebukadnesar rəm pər gə́ ta bwa pər gə́ o̰ bilim-bilim’g ndá yeḛ pata pana: Sadrak, Mesak, gə Abed-Nego, seḭ kuraje lə Ala gə́ Njedumdɔloo lé undaje loo teḛje gə́ raga nee! Ndá Sadrak gə Mesak gə Abed-Nego d’unda loo dan pər’g lé teḛ raga ya tɔ.

Loo gə́ killa rea kəm Daniel’g 4:9

Kamee maji yaa̰ ləm, Ka̰dee kara andə njim-njim ləm tɔ, Dəwje lai d’iŋga nésɔ dee keneŋ, Daje gə́ wala d’wa rɔ dee ndilee’g ləm, Yelje gə́ dara kara ra kəi dee Mbuna barkəmeeje’g ləm tɔ, Néje lai gə́ d’aw kəmba lé D’iŋga nésɔ dee rəa’g ya.

Loo gə́ killa rea kəm Daniel’g 5:18

Ǝi mbai, Ala gə́ Njekurdɔloo’g ar bɔbije gə́ Nebukadnesar ɓeeko̰ gə́ tad rəg-rəg ləm, aree to dəw gə́ boo ləm, ula rɔnduba dəa’g ləma, ar boo-rondubaje taa rəa pəl-pəl ləm tɔ lé.

Loo gə́ killa rea kəm Daniel’g 5:21

Deḛ d’ɔsee mbuna dəwje’g tubá ləm, mée tel to asəna gə ka̰ daje bèe ləma, loo-siée to mbuna mulayḛ̀je-je gə́ wala ləm tɔ. Deḛ d’aree sɔ mu to gə́ bɔ maŋgje ləm, mán tàl tən rəa’g ləm tɔ saar ar kəmee inja aree oo to gə́ Ala gə́ Njekurdɔloo lé ɓa to njeko̰ɓee dɔ ɓeeko̰je’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Ojee 5:6

D’a kaw gə badje gə maŋgje lə dee Gə mba ndolè ne goo Njesigənea̰, Nɛ d’a kiŋgá el, Mbata yeḛ sa rəa rəw mbuna dee’g.

Amɔs 5:22

Loo gə́ seḭ injaje nékinjanéməsje lə sí Gə́ ka̰ roo arje neḛ Esé reeje gə nékar lə sí Gə́ to gə́ nduji kó bèe lé Rɔ neḛ lel neḛ dɔ’g el ləm, Bɔ maŋgje lə sí gə́ rɔ dee to ndəb-ndəb Gə́ seḭ inja deeje gə́ məs Gə́ wɔji dɔ kɔm na̰’d lé kara Neḛ n’un kəm neḛ dɔ’g rəw ya ləm tɔ.

Bula lə Israɛlje 7:51

Bɔ maŋg kára ləm, bàl badə kára ləma, ŋgon badə gə́ ra ləb kára ba ləm tɔ, gə mbata nékinjaməs gə́ ka̰ roo,

Matiyo 19:16

Yen ŋga dəw kára rəm pər gə́ rɔ Jeju’g dəjee pana: Mbai, see né gə́ maji gə́ ban ɓa m’a ra gə mba si ne gə kəmə gə́ gə no̰ lé wa.

Mark 12:33

Dəw gə́ undá dan kəmee’g ndigee dɔɓəŋgəree’g ləm, gə takə̰ji ləa bura ləm, gə ŋgaw mée bura ləm, gə siŋgarea bura ləma, gə unda maree dan kəmee’g to gə́ yeḛ ra gə rəa bèe ləm tɔ ndá debee neelé ra né gə́ ur dɔ nékinjanéməsje lai gə́ roo ləm, gə nékinjanéməsje gə́ raŋg lai ləm tɔ.

Mark 5:7

I Jeju, Ŋgon-Ala lé gə́ Njesisémdara’g lé see ɗi ləi to ŋga ɓa to rɔm’g wa. Ma m’ra ndòo rɔi’g gə ri Ala mba kari ula kəm ndòo el nja kari.

Lugu 10:25

Yen ŋga dəw kára gə́ to gə́ njeteggin godndu uba naŋg ḭta dəji Jeju ta gə mba kaḭ ne mée pana: Mbai, see m’a ra ɗi gə mba kisi gə kəməgə́ gə no̰ lé wa.

Tagə́maji gə́ Ja̰ ndang 6:26

Jeju tel ila dee keneŋ pana: Ma m’ula sí təsərə, muru gə́ seḭ o̰je arje meḛ sí ndan lé ɓa seḭ saŋgmje ne gə mbəa ɓó gə mba némɔrije gə́ seḭ ooje lé ɓa el.

Néra Njékaḭkulaje 16:17

Yeḛ oso goo síjeḛ gə́ Pool’g ra né tar wəl-wəl pana: Dəwje neelé to kuraje lə Ala gə́ Njekurdɔloo’g gə́ d’ula sí ne ta lə rəw-kaji.

Néra Njékaḭkulaje 16:30

Yeḛ ar dee d’unda loo teḛ raga dəji dee pana: Mbaije ləm, see m’a ra ban-ban ŋga gə mba kiŋga ne kaji ɓəi wa.

Néra Njékaḭkulaje 2:37

Loo gə́ deḛ d’oo ta neelé ndá ɓəŋgərə dee ti dus ar dee dəji Piɛrə gə njékaḭkulaje gə́ raŋg pana: Ŋgako̰ síjeḛ gə́ dəwje see j’a ra banwa.

Njé gə́ Epesə 3:14

Gelee gə́ nee ɓa, m’rəm ne gə kəjim gə́ naŋg yəm gə́ no̰ Bɔ síje’g

Ǝbrəje 10:11

To gə́ njékinjanéməsje kára-kára lai d’aar keneŋ ndə̰gərə tɔl nékulje gə́ d’asəna kára ba ta-ta mba kuga ne kaiya ɓa kaiya ɔr el lé

1 Samel 15:22

Samel pana: See Njesigənea̰ iŋga rɔlel dɔ nékinjanéməsje gə́ roo gə nékinjanéməsje gə́ raŋg to gə́ yeḛ iŋga ne rɔlel loo kila ŋgonkoji dɔ godndu Njesigənea̰’g to wa. Aa oo, kila ŋgonkoji lé maji unda nékinjanéməsje ləm, kaa dɔ ta ɓa maji unda ubu bàl badje ləm tɔ.