Misee 6:5 - Maktub gə́ To gə Kəmee

⁵ Ǝi seḭ dəwje ləm, arje meḛ sí olé dɔ né gə́ Balak, Mbai gə́ Moab wɔji gə mba ra ləm, Gə ta gə́ Balaam, ŋgolə Beɔr ilá keneŋ ləm tɔ. Arje meḛ sí olé dɔ né gə́ teḛ dɔ sí’g Un kudee ɓee gə́ Sitim saar teḛ ne Gilgal Gə mba kar sí gərje ne némajije gə́ Njesigənea̰ ra lé.

Misee 6:5 ပူးပေါင်းရင်းမြစ်များ

Pakɔsje 111:4

Néreaje gə́ dumkoo lé Yeḛ ar meḛ sí olé dɔ’g ləm, Njesigənea̰ lé to njemeekoso lemsé ləm, Gə njekoo kəmtondoo ya ləm tɔ.

Pakɔsje 143:11

Njesigənea̰, maji kari am m’isi kəmba gə mba kar rii ɓar ne, Ɔrm dan néurti’g gə goo néra gə́ gə dɔ najee ləi lé.

Pakɔsje 36:10

Mbata kisi kəmba lé ginee ḭ rɔi’g, Mbɔl dɔ lookàr ləi lé ɓa jeḛ j’oo ne lookàr ya tɔ.

Pakɔsje 71:19

Ǝi Ala, meekarabasur ləi lé aw saar teḛ mee dara’g ya, I nja to njera néje gə́ boo, Ǝi Ala, see na̰ ɓa to tana səi ɓəi wa.

Esai 1:27

Njé gə́ Sio̰ d’a kaji Gə goo néra dee gə́ danasur ləm, Deḛ gə́ d’a kun meḛ dee keneŋ D’a kaji gə goo néra gə́ gə dɔ najee ləm tɔ.

Bula lə Israɛlje 22:41

Bèlè gə ndɔ, Balak ɔr Balaam aw uba səa dɔ loo gə́ ɓaree Bamot-Baal ar Balaam oo dəb Israɛlje gə́ kudu kára tɔ.

Bula lə Israɛlje 23:27

Balak ula Balaam pana: Bèe ndá gə́ ree, m’a kaw səi loo gə́ raŋg’d, dɔmaji-nà lé neelé ɓa mee Ala a lelee mba kari pata ila ne ndɔl dɔ dəwje’g neelé am ɓəi.

Bula lə Israɛlje 25:1

Israɛlje d’isi Sitim, koso-dəwje d’un kudu tusu rɔ dee kya̰ ji mɔdkaiya’g gə denéje gə́ Moab.

Bula lə Israɛlje 25:2

Deḛ neelé ɓar koso-dəwje loo kinja né məsje’g kar magəje lə dee ndá koso-dəwje neelé d’usɔ né keneŋ ləm, d’ɔs kəji dee naŋg no̰ magəje’g lə dee ləm tɔ.

Bula lə Israɛlje 31:16

Aa ooje, to deḛje neelé nja ɓa taa ta lə Balaam mee ndəa’g lə Peɔr, ndɔr ne Israɛlje d’ar dee ra ne kaiya d’ɔs ne Njesigənea̰ rəw lé, yee ɓa d’ar yoo-koso oso ne bib dɔ koso-dəwje’g lə Njesigənea̰ lé.

Bula lə Israɛlje 31:8

Deḛ tɔl mbaije gə́ Madian na̰’d gə njé gə́ raŋg gə́ ri dee ɓa nee: Ebi, Rekem, Sur, Hur gə Reba, deḛ gə́ mi neelé to mbaije gə́ Madian, deḛ tɔl Balaam, ŋgolə Beɔr gə kiambas tɔ.

Bula lə Israɛlje 33:49

Deḛ d’isi mbɔr baa gə́ Jurdɛ̰ un kudee Bet-Jesimot saar Abel-Sitim, mee ndag-loo gə́ Moab.

Njé gə́ Epesə 2:11

Bèe ndá arje meḛ sí olé dɔ ta nee: Seḭ gə́ kédé toje njépole-magəje gə goo darɔ sí ar deḛ gə́ d’inja tamɔd dee lé ɓar sí njélal kinja tamɔd deeje mbata ji dəw ɓa goré tamɔd dee-deḛ lé

Tel tura Godndu 16:3

Ndɔ ra naḭ lé seḭ a ko̰je muru gə́ əm-tiné to keneŋ el nɛ muru gə́ lal əm-tiné ɓa a ko̰je as ndɔ sí siri, muru gə́ lal əm-tiné lé to muru nékəmndoo lə sí mbata seḭ ḭje rad mee ndəa gə́ seḭ undaje ne loo mee ɓee gə́ Ejiptə teḛje lé: seḭ a raje togə́bè mba kar mee ndɔje lai gə́ seḭ síje ne kəmba lé meḛ sí a kolé ne dɔ ndɔ gə́ seḭ undaje ne loo mee ɓee gə́ Ejiptə teḛje ne lé ya.

Tel tura Godndu 23:6

Nɛ Ala lə sí gə́ Njesigənea̰ ndigi koo ta lə Balaam el ndá, yeḛ ar ta ndɔl lé tel to ndutɔr dɔ sí’g mbata yeḛ unda sí dan kəmee’g ya.

Tel tura Godndu 8:18

Arje meḛ sí olé dɔ Njesigənea̰ Ala’g lə sí mbata to yeḛ nja ɓa gə́ ar sí siŋga sí kar sí iŋgaje ne nébaoje gə mba karee to njaŋg, to gə́ yeḛ ra ɓogənè, gə goo manrɔ ləa gə́ yeḛ un ne ndia ar bɔ síje-je lé.

Tel tura Godndu 8:2

Arje meḛ sí olé dɔ rəwje lai gə́ Njesigənea̰ Ala ar sí njaaje keneŋ as ləb rɔ-sɔ dɔdilaloo’g, gə mba kar sí osoje ne kul ləm, gə mba kaḭ ne meḛ sí koo ne taje gə́ to meḛ sí’g, see seḭ a kaaje dɔ tornduje neḛ əsé a kaaje dɔ dee el wa.

Tel tura Godndu 9:7

Arje meḛ sí olé dɔ né gə́ seḭ raje ɔsje ne oŋg lə Ala lə sí gə́ Njesigənea̰ ilaje dɔ sí’g dɔdilaloo’g lé arje meḛ sí wəi dɔ’g el. Un kudee mee ndəa gə́ seḭ undaje ne loo mee ɓee gə́ Ejiptə teḛje ne loo gə́ nee’g lé seḭ toje njékaltaje ɔsje ne Njesigənea̰ rəw ya.

Jujé 2:1

Juje gə́ to ŋgolə Nun lé, loo gə́ naḭ ne mee ɓee gə́ Sitim ɓəi ndá, yeḛ ula njétənlooje joo gə goo ŋgəḭ pana: Awje aw tənje loo mee ɓee’g ooje, nɛ oreeje kəm sí ndəŋ dɔ ɓee-boo gə́ Jeriko ya. Deḛ d’ɔd d’aw ndá teḛ kəi lə kaiya-dené gə́ ria lə Rahab, tɔɓəi deḛ to keneŋ tɔ.

Jujé 3:1

Juje ḭta gə ndɔ rad ar Israɛlje lai d’ḭ səa na̰’d ɓee gə́ Sitim d’ɔd d’aw ndá deḛ teḛ ta baa’d gə́ Jurdɛ̰, lée’g neelé deḛ to naŋg keneŋ loondul’g ɓa gə mba bèlè gaŋg baa lé ɓəi.

Jujé 4:19

Ndɔ dɔg lə naḭ gə́ dɔtar lé ɓa koso-dəwje d’unda loo dan baa gə́ Jurdɛ̰ teḛ ndá d’isi Gilgal gə́ to rəw-nim ɓee-boo gə́ Jeriko par gə́ bər lé.

2 Piɛrə 2:15

Deḛ d’uba kankəm rəw d’ya̰ ɓa d’un rəw goo Balaam, ŋgolə Bosɔr’g gə́ ndigi ta lar-kaiya gə́ deḛ tɔs ne təa lé ndá deḛ ndəm ne.

1 Ja̰ 1:9

Ɓó lé jeḛ n’teggin kaiya lə sí gə́ raga ndá yeḛ to njemeenda londoŋ gə njemeekarabasur mba kar mée ti mbidi dɔ’g ləm, mba kɔr won néra gə́ kori-kori lə sí ɓə̰dərə-ɓə̰dərə ləm tɔ.

Jude 1:11

Maji kar meeko̰ ra dee! Mbata deḛ tuga rəw goo Kaḭ’g ləm, deḛ d’al d’uru loo-kwəi-yoo-lar’g ndəm ne ndəm lə Balaam ləma, d’al ta kal lə Koré ləm tɔ.

Loo gə́ killa rea kəm Ja̰’g 2:14

Nɛ né kára gə́ to gə goo rəbee el lé ma m’ndaŋgi dɔ’g, njé gə́ na̰je gə́ ɓee ləi gə́ d’wa gin Balaam lé taa ta ləa gə́ yeḛ sula ne Balak, aree ila ne Israɛlje kag ar dee d’usɔ nékulje gə́ deḛ d’inja dee gə́ məs d’ar magəje ləm, ar dee ndal mɔdkaiya ləm tɔ.

Njéga̰g-Rəwtaje 11:25

See i lé maji unda Balak, ŋgolə Sipɔr, mbai gə́ Moab wa. See yeḛ uba mula gə Israɛlje əsé rɔ sə dee wa.

Njéga̰g-Rəwtaje 5:11

Maji kar njéɓandaŋje gə́ d’aar mbuna godə bwa-kai-manje’g lə nékulje lé D’ar ndu dee ɓar d’unda ne no̰ némeemajije lə Njesigənea̰ Gə némeemajije lə njekɔrno̰ Israɛlje ya. Togə́bè ɓa koso-dəwje lə Njesigənea̰ rəm ree tarəwkɔgje’g.

1 Samel 12:7

Ɓasinè, aarje gèŋ mba kam m’ɔr kəm ta lə sí no̰ Njesigənea̰’g dɔ némajije lai gə́ Njesigənea̰ ra ar sí ləm, gə ra ar bɔ síje-je ləm tɔ.