Misee 6:4 - Maktub gə́ To gə Kəmee

⁴ See to mbata kar gə́ m’ar sí undaje loo mee ɓee gə́ Ejiptə teḛje lé wa. See to mbata kɔr gə́ m’ɔr sí ɓee-ɓər’g m’ɔm sí tar ləm Gə kula gə́ m’ula Moyis gə Aaro̰ gə Mari M’ar dee d’aw no̰ sí’g lé wa.

Misee 6:4 ပူးပေါင်းရင်းမြစ်များ

2 Samel 7:23

See ginkoji dəwje gə́ ra ɓa tana gə koso-dəwje ləi gə́ Israɛl wa. I Ala ree uga dɔ dee mba kar dee to koso-dəwje ləi ləm, gə mba kar rii ɓar ne ləma, mba ra ne némɔrije gə néje gə́ to ɓəl kədm-kədm mbata maji lə deḛ gə ɓee lə dee ləm tɔ loo gə́ i tuba ginkoji dəwje gə raŋg gə magəje lə dee no̰ koso-dəwje’g ləi gə́ i uga dɔ dee mee ɓee’d gə́ Ejiptə lé.

Pakɔsje 77:20

I woḭ rəw dan baa-boo-kad’g, I gɔl kila-rəw dan manje gə́ boo’g, Tor gɔlije lé dəw oo gogo el.

Teḛ-Raga 12:51

Mee ndəa’g neelé ya Njesigənea̰ ar Israɛlje d’unda loo mee ɓee gə́ Ejiptə teḛ gə goo njérɔje lə dee lə dee.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 3:10

Ɓasinè, aw, m’a gə kulai rɔ Parao̰’g gə mba kari ar koso-dəwje ləm gə́ to Israɛlje lé d’unda loo mee ɓee gə́ Ejiptə teḛ ya.

Teḛ-Raga 4:10

Moyis ula Njesigənea̰ pana: Ǝi Mbaidɔmbaije, ma lé m’to dəw gə́ njetakwɔi. Né neelé un kudee tagə́nè el ləm, ndɔkanona el ləma, to mee ndəa gə́ i un kudu kwɔji ne ta gə kura ləi lé el ləm tɔ, mbata tam gə ndo̰m wɔi yaa̰ ya.

Teḛ-Raga 4:16

Yeḛ nja a taa ta gə́ tai’g kula koso-dəwje, yeḛ a taa tor tai ləm, i a taa tor Ala gə mbəa-yeḛ ləm tɔ.

Teḛ-Raga 6:27

To deḛ nja ɓa pata d’ar Parao̰, mbai gə́ Ejiptə gə mba kar Israɛlje d’unda ne loo mee ɓee gə́ Ejiptə teḛ lé. Deḛ ɓa to gə́ Moyis gə Aaro̰ neelé ya.

Jeremi 32:21

I ar koso-dəwje ləi gə́ Israɛl d’unda loo mee ɓee gə́ Ejiptə teḛ gə némɔrije gə nédumkooje gə jii gə́ ɓar mèr-mèr gə́ i ula ndiŋ ləm, gə boo-néɓel ləm tɔ.

Amɔs 2:10

Nɛ neḛ lé kédé neḛ n’ar sí undaje loo mee ɓee gə́ Ejiptə teḛje ləm, N’ɔr no̰ sí dɔdilaloo’g as ləb rɔ-sɔ Gə mba kar sí taaje dɔ naŋg ɓee lə Amɔrje gə́ né ka̰ sí-seḭ ləm tɔ.

Bula lə Israɛlje 12:1

Miriam gə Aaro̰ pata gə́ yèr ndɔl ne Moyis d’wɔji ne dɔ dené gə́ Etiopi gə́ yeḛ təa, mbata to gə́ yeḛ to gonkoji gə́ Etiopi ya.

Bula lə Israɛlje 33:1

Aa ooje, kaw lə Israɛlje gə́ d’aw rəbə loo gə́ d’unda ne loo mee ɓee gə́ Ejiptə teḛ gə goo kudu njérɔje lə dee gə́ Moyis gə Aaro̰ d’ɔr no̰ dee keneŋ lé ɓa nee.

Néra Njékaḭkulaje 7:36

Yeḛ nja ɓa ar dee d’unda loo mee ɓee gə́ Ejiptə teḛ loo gə́ yeḛ ra nédumkooje gə némɔrije mee ɓee gə́ Ejiptə ləm, dan baa-boo-kad gə́ ria lə Baa-Kas ləma, gə dɔdilaloo’g ləm tɔ saar as ləb rɔ-sɔ.

Tel tura Godndu 15:15

Arje meḛ sí olé dɔ to gə́ seḭ toje ɓərje mee ɓee gə́ Ejiptə kédé ɓa Ala lə sí gə́ Njesigənea̰ ɔr sí keneŋ lé, gelee gə́ nee ɓa ɓogənè m’ar sí ne godndu neelé gə mbəa.

Tel tura Godndu 24:18

Seḭ a karje meḛ sí olé dɔ’g to gə́ kédé lé seḭ toje gə́ ɓərje mee ɓee gə́ Ejiptə ɓa Ala lə sí gə́ Njesigənea̰ taa dɔ sí, gelee gə́ nee ɓa ma m’ar sí ne godnduje neelé gə mba kar sí raje née tɔ.

Tel tura Godndu 4:20

Nɛ seḭ lé Njesigənea̰ ɔr sí ar sí undaje loo mee ɓee gə́ Ejiptə gə́ to loo gə́ nuŋga kəd-kəd asəna gə loo-kula-bṵda bèe teḛje, gə mba kar sí toje koso-dəwje gə́ toje kea̰je ya doŋgɔ doi to gə́ seḭ toje ne ɓogənè lé tɔ.

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.

Tel tura Godndu 5:6

Ma m’to Mbaidɔmbaije Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g.

Tel tura Godndu 7:8

To mbata Njesigənea̰ unda sí dan kəmee’g ləm, yeḛ ndigi kaar njaŋg dɔ manrɔ’g ləa gə́ yeḛ man ne rəa ar bɔ síje-je ləm tɔ, yee ɓa Njesigənea̰ ar sí undaje ne loo teḛje ne gə ji siŋgamoŋ ləa gə́ ɓar mèr-mèr ləm, yeḛ ɔr sí ne mee kəi kula ɓər’g ləm, ji Parao̰, mbai’d gə́ Ejiptə ləm tɔ.

Tel tura Godndu 9:26

M’a m’ra tamaji ta Njesigənea̰’g m’pana: Mbaidɔmbaije gə́ Njesigənea̰, maji kari tuji koso-dəwje ləi el, deḛ gə́ to nédɔji ləi gə́ i taa dee gə goo dum dɔ loo ləi ləm, i ar dee d’unda loo mee ɓee gə́ Ejiptə teḛ gə goo ji siŋgamoŋ ləi gə́ ɓar mèr-mèr ləm tɔ.

1 Samel 12:6

Yen ŋga Samel ula koso-dəwje pana: Njesigənea̰ ɓa ɔr Moyis gə Aaro̰ unda dee ɗaŋg ləm, yeḛ nja ɓa ar bɔ síje-je d’unda loo mee ɓee gə́ Ejiptə teḛ ləm tɔ.