Misee 6:16 - Maktub gə́ To gə Kəmee

¹⁶ Seḭ ndolèje goo néjiɓeje lə Ɔmri ləm, Gə néraje lə njémeekəije lə Akab ləma, Seḭ njaaje goo ta kwɔji kəmkàrje’g lə dee ləm tɔ. Gelee gə́ nee ɓa m’a kya̰ sí ne dan tuji’g ləm, M’a kar dəw-mee-ɓeeje lə sí Tel to ne nékogo lə dəwje ləm tɔ.

Misee 6:16 ပူးပေါင်းရင်းမြစ်များ

1 Mbaije 18:4

mbata loo gə́ Jejabel tuji njéteggintaje lə Njesigənea̰ ndá Abdias wa njéteggintaje as tɔl (100) iya dee rɔ-mi rɔ-mi mee bolè mbal’g, tɔɓəi yeḛ ar dee muru ləm, gə mán-kai ləm tɔ.

1 Mbaije 9:8

Yen ɓa kəi gə́ kédé to kəi gə́ boo lé nana ɓa gə́ a dəs mbɔree’g lé kaaree a kwá paḭ karee ə̰ji ŋgəḭ pana: See gelee ban ɓa Njesigənea̰ ra né gə́ togə́bè gə ɓee nee ləm, gə kəi nee ləm tɔ bèe wa.

2 Mbaije 16:3

Yeḛ un dɔ gɔl mbaije gə́ Israɛl ndá ŋgonee ya kara yeḛ rée pər ndaji ne néraje gə́ mina̰ lə ginkoji dəwje gə́ Njesigənea̰ tuba dee no̰ Israɛlje’g lé.

2 Mbaije 21:3

Yeḛ tel uba dɔ looje gə́ ndəw gə́ bɔbeeje Ejekias tuji dee kédé lé ləm, yeḛ unda loo-nékinjanéməsje ar magə-Baal ləm, yeḛ ra magə-Astarté to gə́ Akab, mbai gə́ Israɛl ra ləma, yeḛ unda barmba no̰ boo-néje lai gə́ dara pole dee ne ləm tɔ.

2 Sôrta Gḭka Israɛlje 22:4

Yeḛ ra né gə́ majel kəm Njesigənea̰’g to gə́ gel-bɔje lə bɔbeeje gə́ Akab ra lé, loo gə́ goo kwəi’g lə bɔbeeje lé ndá njékwɔjitakəmkàrje ləa d’ulá taje gə́ kəm karee tuji ne rəa.

2 Sôrta Gḭka Israɛlje 34:25

Mbata deḛ d’ubam d’ya̰m d’aw tuu néje gə́ ə̰də sululu d’ar magəje, d’ar oŋg ḭ ne səm pu dɔ néje lai gə́ deḛ ra dee gə ji dee lé ndá oŋg ləm gə́ m’ɔm dɔ loo’g neelé a kwəi nda̰ el.

Pakɔsje 1:1

Dəw gə́ taa ta sula lə njémeeyèrje njaa keneŋ el ləm, Gə ɔs gɔlee naŋg gèŋ rəw’g lə njékaiyaje el ləma, Gə si na̰’d gə njékimlooje el ləm tɔ ndá Yeḛ si gə rɔlel ya.

Pakɔsje 44:13

I ndogo dəwje ləi gə lar gə́ əḭ el ləm, I oo dee gə́ néje gə́ d’əḭ kəmi’g el ləm tɔ.

Pakɔsje 44:14

I ar sí n’tel to nérɔkul gə́ boo kəm njéboataɓeeje’g lə sí ləm, Deḛ gə́ d’aḭ dɔ sí sub kara I ar sí n’tel to nékunda-kogo gə nédəjindu lə dee ya ləm tɔ.

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Esai 9:16

Gelee gə́ nee ɓa Mbaidɔmbaije a koo loo kal ne rəa rɔ basaje’g lə dee el ləm, Yeḛ a koo ne kəmtondoo lə ŋganalje gə njékəisiŋgaje lə dee el ləm tɔ, Mbata deḛ lai to njéhulaije ləm, Gə njémeeyèrje ləm tɔ, Ta dəwje lai pata nérɔkulje. Nɛ lé bèe kara oŋg ləa wəi ne bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Jeremi 19:8

M’a kar ɓee-boo neelé tel to dɔ nduba ləm, gə nékula sul dɔ’g ləm tɔ. Deḛ lai gə́ d’a dəs mbɔree’g lé kaar dee a kwa dee paḭ kar dee d’ur kól mbata boo-nétujije gə́ teḛ dəa’g lé.

Jeremi 25:18

Ma m’ar deḛ gə́ d’isi Jerusalem ləm, gə ɓee-booje gə́ Juda ləm, gə mbaije ləa ləma, gə ŋgan-mbaije ləa ləm tɔ lé d’ai, gə mba kar ɓee lé tel to ne dɔ nduba ləm, gə néno̰ ləm, gə nékula sul dɔ’g ləma, gə né gə́ ndɔl wa dəa ləm tɔ, to gə́ seḭ ooje ne ɓogənè bèe lé ya tɔ.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 29:18

M’a korə dee gə kiambas ləm, gə ɓoo-boo ləma, gə yoo-koso ləm tɔ. M’a kar dee to néɓəl gə mbata lə ɓeeko̰je lai gə́ dɔ naŋg nee ləm, gə nékila ndɔl dɔ’g ləm, gə nékəmndoo ləm, gə nékula sul dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg gə́ m’a gə tuba dee kɔm dee keneŋ ləm,

Jeremi 51:51

Rɔ sí kul loo gə́ j’oo ta tajikil ləm, Sɔḭ wa kəm sí Loo gə́ dəw-dɔ-ɓeeje ree Mee loo’g lə Njesigənea̰ Gə́ to gə́ kəmee ləm tɔ.

Jeremi 7:24

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Nɔ̰-ndôo gə́ wɔji dɔ Jerusalem 5:1

Njesigənea̰, ar məəi olé dɔ né gə́ teḛ dɔ sí’g lé! Aa loo oo rɔkul gə́ d’ila dɔ sí’g lé!

Ejekel 39:26

Yen ŋga meḛ dee a kwəi dɔ rɔkul-boo’g lə dee ləm, gə dɔ kaltaje lai gə́ deḛ d’al ta neḛ’g loo gə́ deḛ d’isi gə́ majee mee ɓee’g lə dee ar dəw kára kara jɔg dee keneŋ el lé ləm tɔ.

Loo gə́ killa rea kəm Daniel’g 9:16

Ǝi Mbaidɔmbaije, gə goo boo-meekoso lemsé ləi lé maji kari un oŋg ləi gə meekḭ jugugu ləi dɔ ɓee-boo’g ləi gə́ Jerusalem gə dɔ mbalje’g ləi gə́ to gə kəmee lé gə́ raŋg. Mbata kaiya ra síje gə néra kori-korije lə bɔ síje-je lé yee ɓa ar Jerusalem gə koso-dəwje ləi tel to ne nérɔkul kəm dəwje lai gə́ gugu dɔ sí sub lé.

Ojee 12:14

Gə rəw gə́ rɔ njetegginta’g ɓa Njesigənea̰ ar Israɛlje D’unda ne loo mee ɓee gə́ Ejiptə teḛ ləm, Gə rəw gə́ rɔ njetegginta’g ɓa Yeḛ aa ne dɔ Israɛlje ləm tɔ.

Ojee 5:11

Ta gə́ gaŋg dɔ Eprayimje’g lé Ula busu dɔ dee’g təd dee ne rém-rém Mbata deḛ ndolè goo tornduje gə́ lel dee ɓa.

Misee 2:6

Deḛ pana: A tegginta el. Maji kam m’tegginta mwɔji ne dɔ néje gə́ bèe lé el! Ta rɔkul gə́ m’pa lé a teḛ dɔ neḛje’g el!

Misee 6:13

Gelee gə́ nee ɓa n’a kunda sí ne gə nékəmndoo ləm, N’a tuji sí ne mbata lə kaiyaje lə sí ləm tɔ.

Loo gə́ killa rea kəm Ja̰’g 2:20

Nɛ né kára gə́ ɓee ləi gə́ taa kəm el lé m’ila taree dɔi’g, i ar Jejabel nai rɔi’g ɓəi, to dené gə́ ɓar ria gə́ njekɔrgoota lé, i yá̰ keneŋ aree ndoo kuraje ləm ləm, aree sula dee ləm tɔ, ar dee d’ya̰ rɔ dee d’ar mɔdkaiya ləm, ar dee d’usɔ da gə́ d’inja gə́ məs d’ar magəje ləm tɔ.