Misee 6:14 - Maktub gə́ To gə Kəmee

¹⁴ Seḭ a sɔje né ya nɛ a ndanje el, Ndá ɓó a tɔl sí yaa̰ meḛ sí’g ya tɔɓəi. Seḭ a ŋgəmje né ya nɛ a kajije ne el, Né gə́ seḭ a gə kajije ne rɔ sí lé N’a taa gə kiambas.

Misee 6:14 ပူးပေါင်းရင်းမြစ်များ

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Esai 9:20

Manasə d’oma̰ gə Eprayimje ləm, Eprayimje d’oma̰ gə Manasə ləm tɔ, Tɔɓəi deḛ joo bɔr d’oma̰ gə Judaje. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ ya ɓəi ləm tɔ.

Jeremi 48:44

Yeḛ gə́ a kaḭ no̰ ɓəl-boo’g lé A koso mee bwa-da’g ləm, Yeḛ gə́ ḭ mee bwa’g teḛ lé A koso wul ba̰də’g ləm tɔ, Mbata m’a gə kar ləb bo̰ néra Moabje teḛ ɔs ta dee’g. Njesigənea̰ ɓa pa bèe.

Ejekel 5:12

Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Ojee 4:10

D’a sɔ né ya Nɛ meḛ dee a ndan el ləm, D’a ndal na̰ gə mɔdkaiya yaa̰ ya Nɛ d’a kiŋga ne ŋganje el ləm tɔ, Mbata deḛ d’uba Njesigənea̰ d’yá̰ ləm, Deḛ d’uba godndiaje d’ya̰ ləm tɔ.

Ləbije 26:26

Loo gə́ m’a kar nésɔ sí rəm gogo mba̰ ndá denéje dɔg d’a kɔré muru mee pil gə́ kára ba ndá d’a kaw ne kar sí nɛ muru lé a keḭ el ləm, seḭ a ko̰je kara a koso loo ɓó’g lə sí el ləm tɔ.

Ajee 1:6

Seḭ dubuje kó gə tadee rəg-rəg ya nɛ seḭ injaje lam ba bèe. Seḭ sɔje né yaa̰ ya nɛ ndanje ndanee el. Seḭ aije né yaa̰ ya nɛ tɔlje ne kunda lə sí el. Seḭ ulaje kubu ya nɛ rɔ sí nuŋga ne so el tɔ. Nédɔji lə yeḛ gə́ ra kula ar maree godo kalaŋ asəna gə né gə́ ɔm mee ɓɔl gə́ kəmee mbudu’g bèe.

Ajee 2:16

Mee ndəa’g neelé ɓó lé dəw aw loo gə́ d’ɔm kó dɔ na̰’d as kəm nékwɔjee rɔ-joo ndá kó neelé nai keneŋ mee né dɔg ba. Ɓó lé dəw aw ta dura gə́ d’ɔm mán-nduú keneŋ mba kɔr kulum rɔ-mi ndá nai keneŋ as rɔ-joo ba ya.