Misee 6:10 - Maktub gə́ To gə Kəmee

¹⁰ See nébaoje gə́ to kḛji ləm, Gə nékwɔji-né gə́ as el Gə́ a kar néndɔl oso dɔ loo’g ləm tɔ lé To mee kəi’g lə njemeeyèr ya ɓəi wa.

Misee 6:10 ပူးပေါင်းရင်းမြစ်များ

Gosota-Kəmkàrje 10:2

Nébaoje gə́ gə goo rəbee el lé Majee godo, Nɛ néra gə́ gə dɔ najee lé Ɔr dəw ta yoo’g.

Gosota-Kəmkàrje 11:1

Nékwɔji-né gə́ ŋgɔm to né gə́ mina̰ kəm Njesigənea̰’g, Nɛ kwɔi lə né gə́ gə goo rəbee taa kəmee rəgm.

Gosota-Kəmkàrje 20:10

Kwɔi lə néje ɓəd-ɓəd gə́ joo ləm, Gə némbudu-néje ɓəd-ɓəd gə́ joo ləm tɔ lé Deḛ joo bɔr to néje gə́ mina̰ kəm Njesigənea̰’g.

Gosota-Kəmkàrje 20:23

Kwɔi lə néje gə́ ɓəd-ɓəd gə́ joo lé Njesigənea̰ oo dee gə́ né gə́ mina̰ ləm, Nékwɔji-né gə́ ŋgɔm lé to né gə́ majel ləm tɔ.

Gosota-Kəmkàrje 21:6

Nébaoje gə́ kiŋga gə taŋgɔm lé To d’asəna gə néje gə́ kari ba gə́ dəs gə lèlé ba gə́ loo-yoo’g.

Amɔs 3:10

Njesigənea̰ ɓa pa togə́bè pana: Deḛ gər loo ra né gə́ danasur el ləm, Deḛ taa néje lə mar deeje gə siŋgamoŋ lə dee dɔ buguru’g Daa ne néje neelé mee kəi-mbaije’g lə dee ləm tɔ.

Amɔs 3:9

Ɔrje ndu sí gə́ tar wəl mee kəi-mbaije gə́ Asdod ləm, Gə mee kəi-mbaije gə́ mee ɓee gə́ Ejiptə ləm tɔ. Seḭ a pajena: Maji kar sí mbo̰je dɔ na̰ dɔ mbal’g Samari Ooje kaw dɔ na̰’d pum-pum mee ɓee’g neelé ləm, Gə néraje gə́ kərm-kərm gə́ deḛ ra keneŋ lé ləm tɔ.

Misee 6:9

Ndu Njesigənea̰ ɓar dan ɓee-boo’g, Yeḛ gə́ to njekəmkàr ndá a ɓəl ria. Maji kar sí ooje ta lə ndəi ləm, gə yeḛ gə́ njekunda sí ləm tɔ.

Soponi 1:9

Mee ndəa’g neelé n’a kar bo̰ néra deḛ lai gə́ tal dɔ loo-kandə-kəi’g asəna gə njépole-magəje bèe ləm, Gə deḛ lai gə́ d’ar néra gə́ kərm-kərm Gə nésukəmloo taa mee kəi lə ɓée deeje pəl-pəl ləm tɔ lé ɔs ta dee’g.

Jakari 5:6

Ma m’tel m’dəjee m’pana: See to gə́ ɗi wa. Ndá yeḛ pana: To karè ɓa teḛ. Yeḛ ilam’g ɓəi pana: To wɔji dɔ néra gə́ kori-kori lə dəwje lai gə́ mee ɓee’g neelé.

Jujé 7:1

Israɛlje d’al ta ta godndu gə́ wɔji dɔ néje gə́ kəm kar dee tuji dee pugudu-pugudu’g lé. Akan gə́ to ŋgolə Karmi, gə́ to ŋgolə Jabdi, gə́ to ŋgolə Jera, gə́ to gə́ ginkoji’g lə Juda lé odo néje gə́ kəm karee tuji dee pugudu-pugudu lé. Togə́bè ɓa ar oŋg lə Njesigənea̰ ḭ ne səa pu dɔ Israɛlje’g tɔ.